⭕️#Таълим_форуми

⚡️ Хабарингиз бор, айни пайтда Россия Федерациясининг М.В.Ломоносов номидаги Москва давлат университетида II - Ўзбекистон-Россия таълим форуми ўтмоқда. Унда Олий ва ўрта махсус таълим вазири А.Х.Тошқулов ҳамда Ўзбекистон ОТМлари ректорлари қатнашмоқда.

▪️ Форумда иштирок этаётган Қарши давлат университети ректори Д.Х.Набиев ҳамда Россия Федерациясининг А.С.Пушкин номидаги Рус тили давлат институти раҳбарияти ўртасида ҳамкорлик келишуви имзоланди.

▪️ Ҳамкорлик доирасида “Рус тилини хорижий тил сифатида ўқитиш” бўйича ҚарДУ профессор-ўқитувчилари учун малака ошириш курсларини ташкил этиш, ҳамкор олий таълим муассасаси профессор-ўқитувчиларини маъруза ўтишга жалб этиш, рус тили бўйича қўшма таълим дастурлари, хусусан қўшма магистратура, докторантураларни ташкил этиш, илмий журналларда мақолалар чоп этиш, рус тили ва адабиёти бакалавриат таълим йўналиши талабаларининг рус тили ёзги ўқув курсларида иштирок этиш каби қатор масалалар муҳокама қилинди. Форум давом этмоқда.

👉@qarduuz 👈

#таълим_форуми
#Live

Хабар берилганидек, Самарқанд давлат университетида Ўзбекистон-Россия 3-таълим форуми бошланиш арафасида. Таълим форумида Қарши давлат университети ректори, профессор Д.Набиев бошчилигида олий таълим муассасаси делегацияси ҳам иштирок этаётир. Форум доирасида Қарши давлат университети ҳамда Белгород давлат миллий тадқиқот университети, Қозон (Волгабўйи) Федерал университети ва "Щёлково Агрохим" акционерлик жамияти ўртасида англашув меморандумлари, ҳамкорлик келишувлари имзоланиши режалаштирилган. Тафсилотлар хусусида кейинроқ хабар берилади.

👉@qarduuz 👈

#таълим_форуми
#Live

⚡️Ўзбекистон-Россия 3-таълим форуми бошланди

Форум доирасида икки мамлакат таълим ташкилотлари, етакчи компаниялари ўртасида фан, таълим, ишлаб чиқариш интеграциясини йўлга қўйиш, шунингдек, муҳандислик-технологияси, энергетика, кимё саноати соҳаларида кадрлар тайёрлаш, малака ошириш, илмий ва инновацион фаолиятдаги ҳамкорлик алоқаларини ривожлантириш юзасидан музокаралар ўтказилмоқда. Айни дамда Қарши давлат ректори Д.Набиев форумнинг 3-сессиясида қатнашмоқда.

Шунингдек, Россия Федерациясининг "Щёлково Агрохим" акционерлик жамияти ва Қарши давлат университети ўртасида англашув меморандуми имзоланди. Унга кўра, фан ва таълим, инновациялар, фанни талаб қилувчи лойиҳаларни ишлаб чиқиш ва амалга ошириш соҳасида томонлар ўртасида ўзаро манфаатли ҳамкорлик йўлга қўйилади.

👉@qarduuz 👈

#таълим_форуми
#Live

⚡️Манфаатли ҳамкорлик: таълим ривожи йўлида имкониятлар майдони

Форум жараёнида Россия Федерацияси Қозон Федерал университети ва Қарши давлат университети ўртасида англашув меморандуми имзоланди. Меморандум доирасида таълим, докторантура (аспирантура) соҳасида фундаментал ва амалий илмий тадқиқотлар олиб бориш, инновацион фаолиятни амалга ошириш, халқаро академик алмашинувлар, ҳамкорликда халқаро таълим, илмий тадқиқот ва илмий-техникавий лойиҳалар, конгресслар, симпозиумлар, конференциялар, семинарларда ўтказиш ва иштирок этиш, шунингдек, ўқув ва илмий адабиётлар алмашинувлари юзасидан муҳим келишувларга эришилди. Имзолаш маросимида Қарши давлат университети ректори, профессор Д.Х.Набиев ва Қозон Федерал университети ташқи алоқалар проректори Т.Б.Алишев иштирок этди.

👉@qarduuz 👈

#таълим_форуми
#Live

⚡️БелДУ билан муҳим келишув имзоланди

Ҳамкорлик келишувида томонларнинг таълим, илмий, ижтимоий ва маданий ривожланиш даражасини ошириш, ўзаро англашувга эришиш ва дўстона муносабатларни ривожлантиришга хизмат қилувчи тажрибани илгари суриш назарда тутилди.

Хусусан, қўшма таълим дастурларини кенгайтириш, ўқитувчилар малакасини ошириш ва илмий фаолиятларини такомиллаштириш мақсадида қисқа муддатли стажировкага юбориш, фундаментал ва илмий-амалий тадқиқотларни амалга ошириш, илмий-тадқиқот лабораторияларидан ҳамкорликда фойдаланиш каби қатор йўналишларда узвий алоқалар ривожланади.

Ҳужжатларни имзолаш маросимида Қарши давлат университети ректори Дилмурод Хамидуллаевич Набиев ва Белгород давлат миллий тадқиқот университети халқаро алоқалар бўйича проректори Кучмистый Владислав Анатольевич қатнашди.

👉@qarduuz 👈