#hamkorlik

Qarshi davlat universiteti va Tojikiston respublikasi Panjikent shahridagi Pedagogika instituti o‘rtasida hamkorlik shartnomasi imzolangan bo‘lib, unga ko‘ra hamkor oliy ta’lim muassasasi professor-o‘qituvchilari Qarshi davlat universitetida dars mashg‘ulotlarini olib borishlari belgilangan.

Xususan, joriy yilning 15-16-noyabr kunlari Pedagogika institutining katta o‘qituvchisi Ayubov Tohir Tuychiyevich Musiqa ta`limi kafedrasi Cholg‘u ijrochiligi yo‘nalishi 4-kurs talabalariga “Orkestr sinfi”, “Xalq cholg‘ularida ijrochilik” fanlaridan amaliy va yakka dars mashg`ulotlarini o`tdi.

Shuningdek, Tohir Tuychiyevich tashrif davomida universitetning Dutorchi qizlar va Maqom ansambllari hamda Talabalar orkestri jamoalarining chiqishlarini kuzatdi. San’atshunoslik fakultetida talabalarni sifatli ta’lim olishlari uchun yaratilgan sharoitlarni alohida e’tirof etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#hamkorlik_doirasida_dars

Bugun, 12-dekabr kuni Tarix fakulteti talabalariga Tojikistoning Panjikent pedagogika instituti professori Vohidov Shodmon Husayinovich tomonidan “Tarixni o`rganishda manbashunoslikning o`rni va ahamiyati” mavzusida mahorat darslari tashkil etildi.

Qarshi davlat universiteti va Tojikistoning Panjikent pedagogika instituti o‘rtasida tuzilgan hamkorlik aloqalari doirasida tashkil etilgan dars mashg‘ulotida O‘zbekiston tarixi kafedrasi professor-o‘qituvchilari ham ishtirok etdi.

Mashg'ulotlar davomida Sh.Vohidov manbashunoslik asosida haqqoniy tarixni yoritishning asoslari va turlarini ilmiy yondashuvlar bilan yoritib berdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#hamkorlik

Qarshi davlat universiteti va Rossiyaning Boltiqbo'yi gumanitar instituti o‘rtasida tuzilgan hamkorlik kelishuviga muvofiq, bugun universitetga hamkor institutning Psixologiya kafedrasi dotsenti Fedosenko Yekaterina Vladimirovna tashrif buyurdi. Dastlab Qarshi davlat universitetining Psixologiya kafedrasi professor-o‘qituvchilari bilan tajriba almashinib, mahorat darslari tashkil etildi.

So‘ngra, Pedagogika fakulteti pedagogika-psixologiya yo‘nalishi 4-bosqich talabalariga "Deviant xulq-atvorning o‘smir xulqida namoyon bo‘lishi" mavzusida yangi pedagogik texnologiyalar asosida ma’ruza mashg‘ulotlari o‘tkazildi. Ma’ruza mashg‘uloti bahs-munozaraga boy o‘tdi va talabalar o‘z mutaxassisliklari dorasida qo‘shimcha ko‘nikmalarga ega bo‘ldilar. Darslar davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#hamkorlik
#dars_mashg'uloti

Xabar berilganidek, Qarshi davlat universiteti va Rossiyaning Boltiqbo'yi gumanitar instituti o‘rtasida tuzilgan hamkorlik kelishuviga muvofiq, hamkor oliygohning Psixologiya kafedrasi dotsenti Fedosenko Yekaterina Vladimirovna ayni vaqtda Pedagogika fakulteti talabalariga dars mashg‘ulotlarini olib bormoqda.

Xususan, joriy yilning 13-fevral kuni rossiyalik mutaxassis tomonidan Psixologiya kafedrasi magistrantlari ishtirokida “Hozirgi zamon psixologiyasining dolzarb muammolari va ushbu sohada ilmiy-tadqiqot ishlarini tashkil etish” mavzusida ma’ruza mashg‘uloti tashkil etildi.

Magistrlarning o‘quv mashg‘ulotida faol ishtirok etishi, ularning bir necha xorijiy tillarni bilishi va bundan mashg‘ulot davomida samarali foydalanayotganligi xorijlik o‘qituvchi tomonidan yuqori baholandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#hamkorlik

O‘zbekiston Respublikasi Harbiy aviatsiya institutida o’tkaziladigan mashg’ulotlar mazmuni, samaradorligi va ahamiyatini oshirish, o’zaro tajriba almashinuvni ta’minlash maqsadida 19-21-fevral kunlari Qarshi davlat universiteti professor-o‘qituvchilari ishtirokida uslubiy yig‘inlar o‘tkazilishi rejalashtirilgan.

Xususan, joriy yilning 20-fevral kuni Pedagogika kafedrasi professor-o’qituvchilari A.Sultonov, Z.Murodova, Y.Ismoilova O’zbekiston Respublikasi Harbiy aviatsiya institutida bo‘lib, “Ilmiy innovatsion ishlarni olib borish doirasida rahbariy hujjatlar talablari”, “O’quv mashg’ulotlarini o’tkazishda qo’llaniladigan zamonaviy interfaol metodlar” mavzularida ma’ruza mashg’ulotlari o‘tishdi.

Mavzular doirasida taqdimotlar, savol-javoblar, keng muhokama va munozaralar, taklif va xulosalar bildirildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram