Тураҥнаахха үүннэрбит судааҥка, просо оппутун бүгүн оҕустарда. Кэмэ кэллэ диэн буолла.

ЯНИИСХ научнай сотруднига, наука доктора Сахаяна Афанасьевна Павлова сүбэтэ маннык:

- Үүнээйи араас фазаны ааһар, киһи олоҕун курдук. Судааҥканы атырдьах ыйын 20 чыыһылатын кэнниттэн дьаһайыахха сөп, хаһыҥҥа оҕустарыа суохтааххыт, просоны судааҥка кэнниттэн эмиэ хомуйан кэбиһээриҥ.

Эбиэс хомуллара олох ыксала суох, хаар түһүөр да дылы туруон сөп. Эрдэ оҕустардахха сытыйан хаалыаҕа.

Оҕустаран баран судааҥканы 3-5 хонук, просоны 4-7 хонук, эбиэһи 3-7 хонук куурдуллар.

Бу зеленкалыырга, ол эбэтэр от курдук хомуйарга, - диэн эттэ.

Эбиэспитин бэс ыйын 27 күнүгэр олордубуппутун оруобуна диир. Онон хаар түһүөр диэри турарыгар диэн, күрүөлүү сылдьаллар. Аһаҕас турдаҕына сылгы, сүөһү туолар. Уопсай күрүө сотору-сотору алдьанар буолан, сылгылар туола тураллар.

"Зеленкалаатаххытына сүөһүлэргит да, сылгыларгыт да абыраналлар", - диэн санаатын эттэ.

#кормозаготовка #агростартап #сүөһүаһа