#Ochiq_muloqot

Pedagogika yo'nalishini bitirayotgan talabalar uchun maxsus platforma yaratildi

✅ Bugun Maktabgacha va maktab ta’limi vaziri Hilola Umarova tashabbusi bilan Nizomiy nomidagi Toshkent davlat pedagogika universiteti bitiruvchilari bilan uchrashuv tashkil etildi.

Unda bitiruvchilarning bandligini ta’minlash, talabalarning fikr-mulohazalariga quloq tutish maqsad qilingan.

❗️Hilola Umarova so‘zi avvalida ta'lim sifatini oshirish yo'lida qilinayotgan ishlarga alohida to‘xtaldi va o‘qituvchilar bu jarayonlarning markazida ekanligini, pedagogika universitetining bitiruvchilari — bo‘lajak pedagoglarga katta ishonch bildirishini ta'kidladi.

Shundan so‘ng, universitet bitiruvchilari o‘z takliflari, murojaat va mulohazalari vazirga bildirishdi.

Xususan:

➖vazirlik tomonidan pedagoglar uchun tashkil etiladigan seminar-treninglarda universitet bitiruvchi talabalarining ham ishtirok etishi,

➖maktabgacha ta’limda maqsadli kvotalar ko‘lamini kengaytirish takliflari bildirildi.

Murojaat bilan chiqqan talabalarning masalalari joyida hal etildi.

❗️Bundan tashqari, faol talabalar vazirlikka amaliyotga taklif qilindi.

Shuningdek, tadbir davomida vazirlikning “Ish.uzedu.uz” platformasi taqdimoti bo’lib, unda tizimdagi bo‘sh ish o‘rinlari haqidagi ma’lumotlar doimiy ravishda yangilanib borilishi ta’kidlandi.

Ochiq muloqot so’nggida vazir universitetning magistratura yo’nalishi 1-bosqich talabalari bilan ham uchrashib, ular bilan suhbatlashdi.

Unda Hilola Umarova doimiy izlanishda bo’lish, o’z ustida muntazam ishlab borish muvaffaqiyat kaliti ekanini bildirdi.

✔️Ma’lumot o‘rnida: joriy o‘quv yilida mazkur ta’lim muassasasini jami 5 ming nafardan ziyod talaba tamomlamoqda.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Ochiq_muloqot

✅ Bugun O’zbekiston Respublikasi Prezidentining tadbirkorlar bilan Ochiq muloqotiga tayyorgarlik ko‘rish doirasida xususiy ta’lim sohasidagi tadbirkorlar bilan ochiq muloqot o‘tkazildi.

➖ Unda Maktabgacha va maktab ta’limi vaziri Hilola Umarova, Oliy ta’lim, fan va innovatsiyalar vaziri Qo’ng’irotboy Sharipov, Sog‘liqni saqlash vaziri Asilbek Xudoyorov, Savdo-sanoat palatasi rahbari Davron Vahobov, Biznes-ombudsman Dilmurod Kasimov, Soliq qo‘mitasi raisi o’rinbosari Jahongir Abdiyev ishtirok etishdi.

Tadbir davomida tadbirkorlar tomonidan:

➖taʼlim sohasida litsenziya berish va uni nazorat qilish vazifasi betaraf idoraga yuklatilishi,
➖litsenziya olishda professor-oʻqituvchilar bilan mehnat shartnomasi imzolash,
➖xususiy maktablarga xorijiy ustozlarni jalb qilish kabi takliflar ilgari surildi.

Ushbu takliflarni o’rganish yuzasidan mas’ullarga topshiriq berildi.

Uchrashuvda tadbirkorlar takliflari bilan bir qatorda muammolariga yechim topish masalalari ham ko‘rib chiqildi.

Muloqotda, shuningdek videoselektor orqali Respublikadagi sohaga doir faoliyat yuritadigan tadbirkorlar ham ishtirok etishdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Ochiq_muloqot
#Сўх

✅ Bugun Maktabgacha va maktab ta’limi vaziri Hilola Umarova Farg‘ona viloyati, So‘x tumani pedagoglari bilan uchrashdi.

Unda 200 nafardan ortiq maktab o‘qituvchilari, faxriy ustozlar, maktabgacha ta’lim tashkilotlari xodimlari ishtirok etdi.

❗️ Samimiy va ko‘tarinki ruhda o‘tgan muloqot davomida o‘qituvchilarning soha faoliyatiga doir takliflari, fikr va mulohazalari tinglandi.

Ishtirokchi pedagoglar Davlatimiz rahbari tomonidan ta’lim tizimiga berilayotgan e’tibor va bu islohotlarning eng olis hudud bo‘lgan So‘xdagi natijalari haqida o‘z fikrlarini bildirishdi.

Vazir Hilola Umarova so‘zi avvalida ustozlarni boshlangan yangi o‘quv yili bilan qutlar ekan, so‘nggi yillarda sohada olib borilayotgan izchil islohotlar davomiy bo‘lishini, hududdagi o‘quvchilarning sifatli ta’lim-tarbiya olishi uchun barcha imkoniyatlar ishga solinishini alohida ta’kidlab o‘tdi.

Tadbirda sohada uzoq yillar faoliyat yuritgan hamda alohida o‘rnak ko‘rsatgan 10 nafar pedagog “Xalq ta’limi a’lochisi” va “Xalq ta’limi fidoyisi” ko‘krak nishonlari bilan taqdirlandi. Shuningdek, tumandagi 9 ta maktabga kompyuter jamlanmalari topshirildi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Ochiq_muloqot

✅ Bugun Maktabgacha va maktab ta’limi vaziri Hilola Umarova va Madaniyat vaziri Ozodbek Nazarbekov musiqa madaniyati fani ustozlari bilan jonli muloqot qildi.

📍 Unda 10mingdan ortiq maktablarda faoliyat olib borayotgan 10 ming 800 nafarga yaqin musiqa madaniyati fani o‘qituvchilari, shuningdek, 322 ta Musiqa va san’at maktablarining direktorlari hamda tegishli mutaxassislari onlayn va offlayn shaklda ishtirok etishdi.

➖ Tadbirni kirish so’zi bilan vazir Hilola Umarova ochib berdi va O’zbekiston Respublikasi Presidentining PQ-391-son Qarori mazmun-mohiyati haqida so‘z yuritdi.

U shuningdek mazkur Qaror bilan ustozlarga yaratilgan imkoniyatlar hamda bu orqali yosh avlodni musiqaga, san’atga bo’lgan muhabbatini oshirish yo’lida qilinayotgan ishlarga alohida to’xtalib o’tdi.

Shundan so’ng, Madaniyat vaziri Ozodbek Nazarbekov so’zga chiqib, musiqa madaniyati fani ustozlarining faoliyatlari, ularni sinovdan o’tkazish va integratsiya haqida so’z yuritdi.

❗️Ochiq muloqot davomida ustozlarning e’tirof, taklif hamda mulohazalariga quloq tutildi.

Ustozlar tadbir davomida o‘zlarini qiziqtirgan savollarga ham batafsil javob olishdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Ochiq_muloqot

✅ Toshkent shahri, Yashnobod tumanidagi 151-sonli umumta'lim maktabida bir guruh ota-onalar va pedagoglar bilan ochiq muloqot bo‘lib o‘tdi.

📍 Unda Maktabgacha va maktab ta'limi vaziri o'rinbosari Sardor Radjabov, Pedagogik mahorat va xalqaro baholash ilmiy-amaliy markazi direktori Dilrabo Davidova ishtirok etdi.

Muloqotda yangi baholash tizimi, uning o‘ziga xos tomonlari va kutilayotgan natijalar haqida so’z yuritildi.

Tadbir davomida ota-onalar tomonidan:

➖BSB va CHSB imtihonlarini o‘tkazish tartibi, baholash mezonlari,
➖imtihonlarda past natija ko‘rsatgan o‘quvchilar bilan ishlash,
➖baholash tizimi bilan bog’liq kelgusi rejalar kabi mavzularda ko‘plab savollar berildi.

Savollarning barchasiga mas’ullar tomonidan batafsil javob berildi.

❗️Shuningdek, tadbirda mazkur baholash tizimi o’quvchilarda o‘z ustida ishlashga bo‘lgan motivatsiyani kuchaytirayotganligi ham alohida ta’kidlandi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Ochiq_muloqot

📍 Yoshlarning fan olimpiadalaridagi natijalari, maktabgacha ta'limda qamrov, ta'lim sifatini oshirish — ochiq muloqot Qoraqalpog‘istonda

✅ Bugun Maktabgacha va maktab taʼlimi vaziri Hilola Umarova Qoraqalpogʻiston Respublikasida soha masʼullari hamda pedagoglar bilan ochiq muloqot oʻtkazdi.

Videokonferensiya shaklida oʻtkazilgan tadbirda hududda taʼlim sohasida olib borilayotgan bugungi islohotlar, mavjud kamchiliklar hamda ularni bartaraf etish boʻyicha amalga oshirilishi lozim boʻlgan ishlar haqida soʻz yuritildi.

Muloqot avvalida Davlatimiz rahbarining joriy yil 19-martdagi soha doir Farmoni va boshqa qonunchilik hujjatlari mazmun-mohiyati, uning tizim faoliyatini oshirishdagi muhim oʻrni haqida fikr yuritildi.

Taʼkidlanganidek, maktab direktorlari va direktor oʻrinbosarlari oylik maoshlarining oshirilishi katta eʼtibor va ragʻbat bilan birga, ularga masʼuliyat yuklaydi. Bu esa ularga oʻz oʻquv maskanida taʼlim sifatini oshirish hamda jamoaviy rivojlanishda katta motivatsiya berishi tabiiy.

➖ Tanqidiy-tahliliy ruhda oʻtgan uchrashuvda hududdagi maktabgacha taʼlim tashkilotlari faoliyatini yanada rivojlantirish, qamrov koʻrsatkichlarini oshirishda mavjud imkoniyatlardan samarali foydalanish boʻyicha navbatdagi vazifalar koʻrib chiqildi.

Shu bilan birga maktablarda taʼlim sifatini oshirish, oʻquvchilar bilimini shaffof baholashda yangi baholash tizimining oʻrni, yoshlarning fan olimpiadalaridagi natijalarini yanada koʻtarishga doir masalalar muhokama qilindi.

❗️Koʻtarilgan masalalar boʻyicha masʼullar axboroti tinglanib, ularga tegishli vazifalar berildi.

🌍🌍🌍🌍🌍🌍

Bizni kuzating
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin