#Тиббиёт

❗️Рак касалигининг шифоси топилди(ми?)

Ҳимолай тоғларида ўсадиган қўзиқориндан ракни даволашга қодир бирикма топилгани бу борада эътиборга молик янгилик бўлди. Бу ҳақда TengriMIX нашри хабар бермоқда.

Оксфорд университети олимлари Nucana биофармацевтик компанияси билан биргаликда Ҳимолай қўзиқорини таркибида саратон касаллигини даволашда қўллаш мумкин бўлган, кордицепин деб номланган янги молекулалар бирикмасини топди.

Таъкидлаш жоиз, қўзиқорин хитой кордицепини сифатида ҳам машҳур ва бир неча асрлар давомида Хитойда анъанавий тиббиётда қўлланилган. Кордицепин бир неча асрлар давомида нафақат яллиғланиш касалликлари, балки саратон касаллигини даволаш учун ҳам ишлатилган.

Олимлар кордицепин бирикмасидан фойдаланиб саратонга қарши таъсирга эга бўлган янги кимётерапия воситасини яратишга муваффақ бўлишди. Тадқиқот муаллифларига кўра, янги препарат саратон ҳужайраларига табиий кордицепинга қараганда 40 баробар кучлироқ таъсир кўрсата олади.

Каналимизга обуна бўлинг
👇👇👇
@parkent_tongi

#Тиббиёт

💥 Беҳзод Мусаев аввалги вазир қўллаган барча интизомий жазо чораларини бекор қилди!

Беҳзод Мусаев 2020 йил октябридан буён ишлаб келган Абдуҳаким Ҳожибоев ўрнига соғлиқни сақлаш вазири этиб тайинланганди.

Бир неча кун илгари соғлиқни сақлаш вазири лавозимига тайинланган Беҳзод Мусаевнинг буйруғи билан аввалги вазир қўллаган интизомий жазо чоралари бекор қилинди. Бу ҳақда Xabar.uz ёзмоқда.

«Шу кунгача соғлиқни сақлаш вазирининг буйруғи билан қўлланган барча интизомий жазо чоралари муддатидан илгари олиб ташлансин», дейилади Мусаев имзолаган буйруқда.

Беҳзод Мусаев бу лавозимда 2020 йил октябридан буён ишлаб келган Абдуҳаким Ҳожибоев ўрнида иш бошлаганди.

Беҳзод Мусаев 1973 йилда Тошкент шаҳрида туғилган. 1995 йилда Тошкент давлат иқтисодиёт университетини, 2004 йилда Ўзбекистон Республикаси президенти ҳузуридаги Давлат ва жамият қурилиши академияси қошидаги Олий бизнес мактабини тамомлаган.

Меҳнат фаолиятини 1995 йилда Ўзбекистон Ташқи иқтисодий фаолият миллий банкида бошлаган. 1998-2002 йилларда Молия вазирлигида ишлаган ва бўлим бошлиғи лавозимидан бош бошқарма бошлиғи лавозимигача кўтарилган.

2002 йилда Ҳисоб палатасига ишга ўтган. 2006-2010 йилларда Ҳисоб палатаси раиси бўлган.

2010 йилда Давлат солиқ қўмитасидаги фаолиятини бошлаган. Мусаев 2020 йилнинг майида бош вазирнинг ижтимоий ривожлантириш масалалари бўйича ўринбосари лавозимига тайинланганди. У 2020 йил ёзида, собиқ соғлиқни сақлаш вазири Алишер Шодмонов бетоб бўлиб шифохонага ётқизилганда ҳам бир муддат вазир вазифасини бажариб турган.

Каналимизга аъзо бўлинг
👇👇👇
@parkent_tongi

#Тиббиёт

⚡⚡⚡ Саратонга қарши янги вакцина топилди

АҚШ ва Япония олимлари саратон касаллигига қарши вакцина яратди. У иммунитет тизимини мустаҳкамлаш орқали организмдаги хавфли ўсмаларни йўқ қилишга ёрдам беради.

Маълумки, ҳозирга қадар бу хасталикни даволашда сўнгги чора сифатида кимётерапия ва нур терапияси муолажалари ҳамда жарроҳлик амалиёти қўлланиб келинмоқда.

Тадқиқотчилар янги вакцина ҳар қандай ёшдаги беморларда самара бериши, қолаверса, саратоннинг барча турларига қарши кураша олишини таъкидламоқда.

Препарат аллақачон жониворларда синовдан ўтказилган. Бу жараёнда вакцина хавфли ўсмаларни “мудофаа” қилувчи “қотил” ҳужайраларга таъсир кўрсатиши аниқланди. Яъни у саратон ҳужайралари юзасида оқсиллар зичлигини ошириб, иммунитетни “рағбатлантиради”.

Айни пайтда олимлар вакцинани беморларда синовдан ўтказмоқда. Бу жараён муваффақиятли якунланса, замонавий тиббиёт саратон ўсмаларига қарши курашишнинг янги усулига эга бўлиши мумкин.

👉 @PARKENT_TONGI

​#Тиббиёт

⚡️⚡️⚡️ Дунёда коронавирусдан ўлим кўрсаткичлари сўнгги тўрт ҳафтада 35 фоизга ошди

Жаҳон соғлиқни сақлаш ташкилотининг маълумотларига таяниб Соғлиқни сақлаш вазирлиги Матбуот хизмати ер юзида сўнгги тўрт ҳафта давомида коронавирусдан вафот этганлар сони 35 фоизга ошиб ўтган ҳафтанинг ўзида 15 минг киши мазкур касаллик оқибатида ҳаётдан кўз юмди, деб хабар тарқатмоқда.

“СOVID-19нинг олдини олиш ва инсонлар ҳаётини сақлаб қолиш учун барча имкониятлар мавжуд шароитда бу мутлақо қабул қилиб бўлмайдиган кўрсаткичдир, — дейди ЖССТ раҳбари Т. Гебрейесус. — Ҳаммамиз пандемиядан чарчадик. Аммо вирус биздан чарчамади”.

Таҳлилларга кўра, ҳозир дунёда “омикрон”нинг BА.5 субварианти доминантга айланган. У сўнгги бир ой ичида мавжуд коронавирус версияларининг қарийб 90 фоизини ташкил этяпти.

“Кўпчилик бу вирус билан яшашни ўрганиш вақти келди, деб айтади. Бироқ биз ҳафтасига 15 минг кишини йўқотишга томошабин бўлиб тура олмаймиз. Инфекция туфайли шифохонада даволаниш ва ўлим ҳолатлари кўпайиб бораётган экан, вакциналар имкониятларидан янада кенгроқ фойдаланишимиз керак”, — деб қўшимча қилди Т. Гебрейесус.

👉 @PARKENT_TONGI

#Тиббиёт

⚡️⚡️⚡️ Шавкат Мирзиёев ҳамшираларнинг иш ҳақини ошириш юзасидан топшириқ берди

Қайси вилоят ҳокими бирорта ҳамширани уй билан таъминлади? Ҳеч бири? Улар учун ипотека имкониятларини ўйлаб кўриш вақти келди.

Хозирча биз ҳамшираларга адолатли маош бера олганимизча йўқ. Тегишли мутасаддилар бу бўйича ўз таклифларини беришлари керак, — деди Шавкат Мирзиёев.

Вазирлар Маҳкамасига ҳамшираларни ўқитиш ва малакасини ошириш, меҳнатига ҳақ тўлаш миқдорини ошириш, умуман, улар учун муносиб меҳнат ва турмуш шароитларини яратиш масалаларини ўз ичига олган қарор лойиҳасини тайёрлашга топшириқ берилди.

👉 @PARKENT_TONGI