#Тафаккур_қилинг

⚡️⚡️⚡️ Кампир ва шайтон ҳикояти

Бир замонда қишлоқда ҳеч кими йўқ кампир яшарди. Уни биттаю битта товуғи бор эди.

Ана шу товуқ бир кунда битта тухум қўяр ва кампир уни еб кун кечирарди.

Кунларнинг бирида шайтон кампирга:

– Ёшинг бир жойга бориб қолган бўлса, тўрингдан гўринг яқин. Қара, товуғинг ҳар куни тухум қўяди. 3-4 кун ўтиб, кунинг ҳам битади. Товуғингни ичи тўла тухуми билан кимга қолиб кетади. Бундан кўра, товуғингни сўй-да, ичидаги ҳамма тухумларини олиб сот, ҳарна умрингни охиригача камлик кўрмай яшайсан, – дея йўлдан урибди.

Кампир ўйлаб кўрдики, шайтон маъқул гапни айтди.

"Дунёга келиб, қашшоқликдан бошқа нимани ҳам кўрдим", деган фикрда тезда тувуқни сўйибди.

Кампир не кўз билан кўрсинки, товуқни ичидан беҳисоб тухум у ёқда турсин, ҳар куни туғадиган битта тухум ҳам чиқмабди.

Озига қаноат қилмай, кўпига нафси тўлқинланиб кетган кампир очликдан ўлган экан.

Жалолиддин Румийнинг “Маснавий-маънавий”сидан

👉 @PARKENT_TONGI

#Тафаккур_қилинг

Дунёдаги лаззат ҳам ўткинчи, машаққат ҳам ўткинчи! Бойлар ҳам ўтади, камбағаллик ҳам тугайди.

Замон ўтади, вақт ўтади, аламлар тугайди, машаққатлар кўтарилади, ўлим ҳамма нарсани ювиб юборади.

Лекин, яхши одамларнинг, қилган савобли амалларининг, мукофоти қолади охиратга!

Ёмон, фосиқ, золим, кофирларнинг қилган амалларининг, жазоси қолади охиратга!

👉 @PARKENT_TONGI

#Тафаккур_қилинг

Гоҳи орзуларга тўлибмиз фақат,
Нечун биз югуриб, елибмиз фақат.
Дунёда бир нишон қолмаса биздан,
Демак ўлиш учун келибмиз фақат.

✍ Умар Хайём

👉 @PARKENT_TONGI