#Бунёдкорлик

⚡️⚡️⚡️ Бугун 1-сонли ИДУМда 2 та спорт майдончаси фойдаланишга топширилди

Хабарингиз бўлса, “Опен бюджет” тизимида овоз бериб 1-сонли ИДУМ жамоаси футбол ва баскетбол, волейбол майдончалари ҳамда спорт майдони атрофида югуриш йўлакларини қурилиши учун 850 млн. сўм маблағ ютиб олганди.

Бугун спорт майдончаларнинг очилишига бағишланган тантанали маросим бўлиб ўтди.

Унда туман прокурори Жасурбек Хайитбоев, ИИБ бошлиғи Азизбек Алиасқаров ҳамда давлат ва жамоат ташкилотларининг раҳбарлари, ўқувчи-ёшлар, маҳалла фаоллари иштирок этди.

Таъкидлаш жоизки, мазкур мактабдаги қурилиш ишларининг сифатини шахсан туманимиз прокурори Жасурбек Хайитбоев назорат қилиб борди.

Прокурор маблағни мақсадли сарфлашдан тортиб, харид қилинадиган маҳсулотларнинг нархи, сифатигача бўлган жараёнларни талаб даражасида бўлишини таъминлашда бор имкониятини ишга солди.

Шу боис 1-сонли ИДУМда замон талаблари даражасидаги спорт майдончаларининг қурилиши талаб даражасида якунланди.

👉 @PARKENT_TONGI

#Бунёдкорлик

⚡️⚡️⚡️ Футбол ва “воркаут” майдончаси ўқувчи-ёшлар ихтиёрига топширилди

Бугун туманимиздаги 10-мактабда узоқ кутилган қувончли воқеа содир бўлди.

Зуҳриддин Мирзақодиров раҳбарлигидаги аҳил жамоа маслаҳат қилиб, мактабда спорт майдончасини қуриш муаммосини ҳал қилишга киришганди.

Бунинг учун “Опен бюджет” тизимида овоз бериб футбол ва “воркаут" майдончасини қуриш учун 892 млн. сўм маблағ ютиб олишди.

Ниҳоят мактабнинг аҳил-иноқ мактаб жамоаси, билимга чанқоқ ўқувчиларининг кўп йиллик орзуси ушалди.

Шу муносабат билан таълим даргоҳида катта тантана бўлиб ўтди.

Туманимиздаги давлат ва жамоат ташкилотларининг раҳбарлари, ота-оналар, маҳалла фаоллари иштирок этган ўзига хос байрамда футбол ва “воркаут” майдончаси ўқувчи-ёшлар ихтиёрига тантанали тарзда топширилди.

👉 @PARKENT_TONGI

#Бунёдкорлик

⚡️⚡️⚡️ Бир кунда 2 та боғча фойдаланишга топширилди

Бугун Оқтепа ҳамда Самаробод маҳалласида мактабгача таълим муассасаси фойдаланишга топширилди.

Таъкидлаш жоизки, Оқтепа маҳалласида "Камалак" номли 120 ўринга эга мактабгача таълим ташкилоти 5 млрд. 241 миллион сўм эвазига қад ростлади.

Шунингдек, Самаробод маҳалласидаги 150 ўринли "Наргиз" номдаги мактабгача таълим муассасасини реконструкция ишларига эса 5 млрд. 200 миллион сарфланди.

Мазкур боғчаларнинг очилиш маросимида Мактабгача ва мактаб таълим бўлими мудири Набижон Юнусов ҳамда ҳокимлик масъуллари, ота-оналар, маҳалла фаоллари иштирок этди.

Очилиш маросимида сўзга чиққанлар тумандаги болаларнинг боғчаларга қамровини ошириб боришга алоҳида эътибор қаратилаётгани мазкур 2 та мактабгача таълим ташкилотини фойдаланишга топширилгани мисолида ҳам кўриш мумкинлиги ҳақида фикр-мулоҳазаларини билдиришди.

Тадбир давомида қатнашчиларга ушбу мактабгача таълим ташкилотларида яратилган шароитлар яқиндан таништириб ўтилди.

👉 @PARKENT_TONGI

#Бунёдкорлик

⚡️⚡️⚡️ Заркентдаги 47-сонли оилавий поликлиника тубдан таъмирланиб фойдаланишга топширилди

Хабарингиз бўлса, Заркент ҳудудидаги 47-сонли оилавий поликлиникада тубдан таъмирлаш ишлари олиб борилаётганди.

Мазкур бунёдкорлик ишларига 4,5 млрд. сўм маблағ сарфланиши натижасида тиббиёт маскани замонавий кўринишга келтирилди.

Ушбу оилавий поликлиникани фойдаланишга топшириш маросими бўлиб ўтди.

Унда туман ҳокими Сардор Исоқулов сўзга чиқиб ҳудуд аҳолисини ушбу замонавий тиббиёт масканининг фойдаланишга топширилаётгани билан табриклади.

Сектор раҳбарлари, туман тиббиёт бирлашмаси мутасаддилари, маҳалла идоралари вакиллари, нуронийлар ва ёшлар иштирок этган маросимда кейинги йилларда соҳада олиб борилаётган туб ислоҳотлар аҳоли саломатлигини мустаҳкамлашда муҳим аҳамият касб этаётгани ҳақида фикр-мулоҳазалар билдирилди.

Маълумот ўрнида айтиш жоизки, ушбу оилавий поликлиника Заркентнинг Истиқлол, Т.Ризаев, Янгиобод, Қўрғон ва Давлатобод маҳалла аҳолиси учун хизмат қилади.

Сан-узел, канализация, иссиқлик ва ёритиш тизимлари, том қисми янгидан қилиниб, биноси қаттиқ ва юмшоқ инвентарлар билан тўлиқ таъмирланган тиббиёт муассасаси 12 минг 854 нафар аҳолига тиббий хизмат кўрсатади.

👉 @PARKENT_TONGI

#Бунёдкорлик

⚡️⚡️⚡️ Қирғизовулда янги боғча очилди

Бугун Қирғизовул маҳалласида мактабгача таълим муассасаси фойдаланишга топширилди.

Мазкур маҳалладаги 150 ўринга эга мактабгача таълим ташкилоти учун 8 млрд. 850 млн. сўм сарфланиб фойдаланишга тайёр ҳолга  келтирилди.

Шу муносабат билан бугун мактабгача таълим ташкилотининг очилиш маросими бўлиб ўтди.

Тантанали маросимда ҳоким Сардор Исоқулов, Мактабгача ва мактаб таълим бўлими мудири Набижон Юнусов ҳамда ота-оналар, маҳалла фаоллари иштирок этишди.

Очилиш маросимида ҳоким Сардор Исоқулов сўзга чиқиб, маҳалла аҳолисини янги боғча ишга туширилгани билан самимий табриклади.

Ҳоким ўз сўзида туман миқёсида 3-7 ёшдаги болаларнинг мактабгача таълим билан қамров даражасини кўтаришда амалга оширилаётган ишлар ҳақида фикр-мулоҳазаларини билдирди.

Шунингдек, Сардор Исоқулов ўсиб келаётган авлодни ҳар томонлама баркамол этиб тарбиялаш учун барча шарт-шароитларни яратиб бориш доимий диққат марказидаги вазифалардан бири эканлигини алоҳида таъкидлади.

Тадбир давомида қатнашчиларга ушбу мактабгача таълим ташкилотидаги шароитлар яқиндан таништириб ўтилди.

Таъкидлаш жоизки, ушбу боғчанинг ишга туширилиши натижасида туман миқёсида 3-7 ёшдаги болаларнинг мактабгача таълим билан қамрови даражасини 69,5 фоизга кўтарди.

👉 @PARKENT_TONGI

#Бунёдкорлик

⚡️⚡️⚡️ Туманимиздаги 31-мактабнинг қўшимча янги ўқув биноси фойдаланишга топширилди

Бойқозон маҳалласидаги 31-мактаб ҳудудида қўшимча  450 ўринли 2 қаватдан иборат замонавий ўқув биносининг қурилиши тугалланди.

Шу муносабат билан янги ўқув биносининг очилиш маросими бўлиб ўтди. Унда туман прокурори, туман ИИБ бошлиғи, ҳоким ўринбосарлари, мактабгача ва мактаб таълими бўлими ҳамда тегишли ташкилотларнинг раҳбарлари, маҳалла фаоллари, нуронийлар иштирок этди.

Тадбирда сўзга чиққанлар кейинги вақтларда туманимизда амалга оширилаётган кенг кўламли бунёдкорликлар ҳақида тўхталиб ўтди.

Шунингдек, туманимиз таълим тизимида эришилаётган ютуқларда мактабларнинг моддий-техник базаси мустаҳкамланаётгани, қурилиш-таъмирлаш ишлари туфайли замонавий кўриниш олган ўқув биноларининг аҳамияти катта бўлаётгани таъкидлаб ўтилди.

Маросимда йиғилганларга 2 қаватли янги бинодаги замонавий шарт-шароитлар ҳамда таъмирталаб аҳволга келган бинода амалга оширилган ишлар ҳақида маълумот берилди.
Жумладан, эскириб қолган ўқув биносининг дераза, ром, эшик қисимлари янгиланди. Бинонинг ташқи кўриниши ҳамда иситиш тизими тўлиқ таъмирдан чиқарилди.

Мактабнинг эскирган биносини таъмирлаш ва қўшимча 2-қаватли янги ўқув биносини қуриш ишлари учун 10,5 миллиард сўм маблағ сарфланди.

Бундан ташқари, “Опен бюджет” лойиҳасининг 2024 йил 1-мавсумида мактаб учун табиий чимли (40х80) футбол ҳамда ''Wokourt'', баскетбол ва волейбол, болалар майдонлари, узунликка сакраш йўлакчасини қуриш таклифи ғолиб бўлганди.

Тадбирда айни шу бунёдкорликларга 1 миллиард 360 миллион сўм маблағ сарфланиб, ўқувчиларнинг спорт билан мунтазам шуғулланиши учун зарур шарт-шароитлар яратилгани ҳақида ҳам сўз борди.

Тадбир якунида иштирокчилар томонидан “Яшил макон” умуммиллий лойиҳаси доирасида мактаб ҳудудига 110 туп мевали ва манзарали дарахт кўчатлари экилди.

👉 @PARKENT_TONGI

#Бунёдкорлик

⚡️⚡️⚡️ Туманимиздаги 44-мактабнинг қўшимча янги ўқув биноси фойдаланишга топширилди

Олмазор маҳалласидаги 44-мактабда дарс машғулотлари 2 сменада ўтиб борилаётгани таълим сифатига салбий таъсир қилиб келаётганди. Шу боис, мактабга янги қўшимча ўқув биносини қуриш эҳтиёжи бор эди.

Бу муаммо ҳал бўлди. Чунки, мактаб ҳудудида қўшимча  330 ўринли 2 қаватдан иборат замонавий ўқув биносининг қурилиши тугалланди.

Бугун шу муносабат билан янги ўқув биносининг очилиш маросими бўлиб ўтди.

Унда туман мактабгача ва мактаб таълими бўлими ҳамда тегишли ташкилотларнинг раҳбарлари, маҳалла фаоллари, нуронийлар иштирок этди.

Тадбирда сўзга чиққанлар мазкур мактабнинг янги ўқув биноси замон талаблари даражасида қад ростлагани, шарт-шароитлари ҳақида тўхталиб ўтди.

Жумладан, сал кам 3,5 миллиард сўм маблағ эвазига қад ростлаган янги ўқув биносида 11 та синф хонаси барча ўқув жиҳозлари билан таъминланган.

Шунингдек, 1 та ўқитувчилар хонаси эса касбий ривожлантириш соатларини сифатли ва мазмунли ташкил этиш учун электрон доска билан жиҳозланган.

Бинонинг иситиш тизими талаб даражасида эканлиги эса дарс машғулотларини самарали ўтишига хизмат қилади.

Эндиликда мактабнинг 666 нафар ўқувчиси 1 сменада ўқиб, куннинг иккинчи яримда бўш вақтларини турли фан тўгаракларига қатнаш орқали мазмунли ўтказиши мумкин.

👉 @PARKENT_TONGI

#Бунёдкорлик

⚡️⚡️⚡️ Паркентда  электрлаштирилган темир йўл қурилиши бошланди

Президентимиз ташаббуси билан Паркент туманининг инфратузилмаси  янада яхшиланиб, маҳаллаларимизнинг қиёфаси янгилаяпти.

Кенг қулоч ёзган бунёдкорликларни туманимиз ҳокими Сардор Исоқулов назорат қилиб бориш баробарида республика даражасидаги раҳбарларга лойиҳаларни амалга ошириш юзасидан зарур таклифларни ҳам киритиб бормоқда.

Ҳаётбахш лойиҳалардан яна бири бу Паркент туманига электрлаштирилган темир йўл линиясининг қуриш ишлари бошлангани бўлди.

Туманимизни пойтахт билан уловчи “Байтқўрғон – Паркент” электрлаштирилган темир йўлини қурилишига старт беришга бағишланган тадбирда “Ўзбекистон темир йўллари” АЖ мутасаддилари, туманимиз ҳокими Сардор Исоқулов, сектор раҳбарлари иштирок этди.

“Байтқўрғон – Паркент” электрлаштирилган темир йўлининг умумий узунлиги 23,8 километрдан иборат бўлади.

Янги йўналишни лойиҳалаш ишлари “Боштранслойиҳа” акциядорлик жамияти, қурилиш ишлари эса темирйўлчи мутахассислар томонидан амалга оширилади.

Лойиҳа доирасида 2 та ажратиш пункти, 4 та кўприк, 2 та йўл ўтказгич, 1 та туннель туридаги йўл ўтказгич, 78 та сув ўтказиш иншооти, 7 та автомобиль йўли ва темир йўли кесишмаси қурилиши режалаштирилган.

Ушбу янги лойиҳа якунига етиб, фойдаланишга топширилгач Паркент туманининг тоғли сўлим гўшаларига ташриф буюрувчилар, айниқса, сайёҳлар оқими сезиларли даражада ортишига замин яратилади.

👉 @PARKENT_TONGI

#Бунёдкорлик

⚡️⚡️⚡️ Истиқбол маҳалла биноси фойдаланишга топширилди

Хабарингиз бўлса, Истиқбол маҳалла идорасининг мослаштирилган биноси йўқ эди. Анча йиллардан буён муаммо бўлиб келаётган бу масала ҳал бўлди. Маҳалла идораси учун маъқулланган лойиҳа асосида замонавий бино қурилди. Давлат-хусусий шерикчилик асосида тадбиркор Иброҳим Собитов қурган бино 2 қаватли бўлиб, унинг 1 қаватида хорижий тилларни ўқитиш бўйича тил маркази фаолият кўрсатилиши режалаштирилган.  Мазкур бунёдкорлик ишларига 1 млрд. 500 миллион сўм маблағ сарфланди.

Бугун ушбу маҳалла биносини фойдаланишга топшириш маросими бўлиб ўтди. Унда тегишли ташкилот раҳбарлари, маҳалла идоралари вакиллари, нуронийлар ва ёшлар ҳамда кенг жамоатчилик вакиллари иштирок этди. Тадбирда  сўзга чиққанлар ҳудуд аҳолисини ушбу замонавий маҳалла биносининг фойдаланишга топширилаётгани билан табриклади.

Очилиш маросимида кейинги йилларда маҳалла тизимида олиб борилаётган туб ислоҳотлар аҳоли оғирини енгил қилиш, муаммоларини тизимли ҳал этиш борасидаги ишларни самарали кечишида муҳим аҳамият касб этаётгани ҳақида фикр-мулоҳазалар билдирилди.

Маълумот ўрнида айтиш жоизки, замонавий компьютерлар ва мебель жиҳозлари билан тўлиқ таъмирланган ушбу маҳалла биноси 4 минг 270 нафар аҳолига хизмат кўрсатади.

Шуни алоҳида таъкидлаш керакки, маҳалла идорасининг очилиш маросими муносабати билан Паркент спорт мактаби тарбияланувчилари ҳамда маҳалла ёшлари ўртасида югуриш, стол тенниси, тош кўтариш каби мусобақалари ҳам ўтказилди.

👉 @PARKENT_TONGI

#Бунёдкорлик

⚡️⚡️⚡️ Паркент тумани марказидаги кўприк фойдаланишга топширилди

Хабарингиз бор, Президентимиз Шавкат Мирзиёевнинг ташаббуси билан Паркент туманида амалга оширилаётган кўплаб йирик лойиҳалардан бири сифатида марказий кўприкда қурилиш-таъмирлаш ишлари олиб борилаётганди.

Мазкур кўприк замонавий кўринишга келтирилиб, реконструкция ишлари ўз якунига етди.

Бугун туманимиз аҳолиси орзиқиб кутаётган ушбу замонавий кўприкнинг фойдаланишга топширилаётганлиги муносабати билан тадбир бўлиб ўтди.

Унда туман ҳокими Сардор Исоқулов бошчилигида туманимиздаги давлат ва жамоат ташкилотларининг раҳбарлари, нуронийлар, ёшлар, маҳалла фаоллари иштирок этди.

Тадбирда ҳоким сўзга чиқиб, туманимиз аҳолисини марказий кўприкнинг фойдаланишга топширилиши билан самимий қутлади.

Таъкидланганидек, илгари шу кўприкдаги тирбандлик бу ердан ўтиб қайтувчи аҳоли учун жуда катта муаммо туғдираётганди. Айниқса, ҳайдовчиларнинг кўприк яқинига машиналарини қўйиб кетиши ҳам муаммоларни кўпайтираётганди.

Мазкур кўприкни реконструкция ишлари давомида унга боғланадиган йўллар ҳам кенгайтирилди. Кўприкнинг ёнидан ўтувчи йўл туннель орқали Еттикент бекати қаршисидан Заркент ва Сўқоқ томонга олиб борувчи марказий йўлга уланди.

Илгари кўприк 43 метр, 2 тасмали, кенглиги 10 метр эди. Ундан бир суткада ўртача 2 минг 500 та автомобиль ўта оларди. Бунёдкорликлар сабаб, бу кўприкнинг узунлиги  57 метр бўлиб, 6 тасмали, кенглиги эса 24 метрга етказилди.

Энди кўприк орқали бир суткада ўртача 7 минг 500 дан ортиқ автомобиль тез ва хавфсиз ўтиши мумкин.

Бу ўз навбатида Паркент тумани аҳолиси, қолаверса, ҳудудга келаётган сайёҳ ва меҳмонларнинг манзилига тезроқ етиб боришларида вақтини тежайди.

👉 @PARKENT_TONGI