#Фахр

⚡️⚡️⚡️ Туманимизнинг 2 нафар ёш ўқувчиси бир йўла 2 нуфузли мусобақанинг мутлақ ғолиби бўлишди

Жорий йилнинг 21-22 январь кунлари Ҳиндистоннинг Чандигарҳ шаҳрида Француз бокси “Сават” спорт турининг “Ассо” ҳамда “Комба” йўналишлари бўйича Жанубий Осиё чемпионати ҳамда Ҳиндистон очиқ турнири  бўлиб ўтди.

Унда иштирок этган туманимиз спортчилари Ватанимиз байроғининг юксакларга кўтарилишига сабабчи бўлишди.

Халқаро мусобақаларга Паркент Спорт мактабининг тренери Абдулатиф Абдуллаев 2 нафар ёш шогирдини олиб борганди.

Муросасиз кечган курашларда туман Спорт мактаби тарбияланувчиси бўлган Номданак ҳудудидаги 22-мактабнинг 3-синф ўқувчиси  Нурмуҳаммад Шермирзаев ҳамда 53-мактабнинг 6-синф ўқувчиси  Салоҳиддин Рафиқжонов мазкур икки мусобақада ҳам ғолибликни  қўлга киритиб, туманимизга ёруғ юз билан қайтишди.

Кичик ёшдаги спортчиларнинг ёрқин ғалабасига бағишланган мақолани “Паркент тонги” газетасининг навбатдаги сонида ўқишингиз мумкин!

👉 @PARKENT_TONGI

#Санъат

⚡️⚡️⚡️ Бир гуруҳ санъаткорларимиз республика танловида қатнашадиган бўлди

Хабарингиз бўлса, Тошкент вилояти ҳокимлиги, Маданият бошқармаси ва Ёшлат ишлари агентлиги вилоят бошқармаси ҳамкорлигида маданият ва санъат соҳасида фаолият юритаётган ижодкор ёшларни саралаш ва рағбатлантириш,  санъат соҳасидаги истеъдод эгаларини аниқлаш мақсадидаги республика  танловининг вилоят босқичи  ўтказилганди.

Мазкур танловда вилоятимиздан иштирок этган 24 та жамоа орасида туман Маданият бўлими қошидаги “Паркент чашмаси” фольклор этнографик халқ ҳаваскорлик жамоаси фахрли 1-ўринни эгаллаб, республика босқичига йўлланмани қўлга киритишди.

Шунингдек, танловнинг "Актёрлик маҳорати" йўналишида туманимиз ижодкорларидан Мирислом Мирғаниев, "Анъанавий хонандалик" йўналишида Азаматжон Йўлдашов, "Анъанавий чолғу" йўналиши бўйича Ахматжон Ортиқбоевлар ҳам танловнинг республика босқичида вилоятимиз ва туманимиз шарафини ҳимоя қиладиган бўлди. 

👉 @PARKENT_TONGI