#Муҳим

⚡️⚡️⚡️ Туманимизнинг инфратузилмаси табиий манзараларига мос тарзда ривожлантирилади

Шу кунларда туманимизда кенг кўламли бунёдкорлик, ободонлаштириш ишлари олиб борилмоқда.

Жумладан, туман марказидан Кумушкон ҳудудига олиб борувчи катта йўл бўйидан ўтувчи “Паркентсой”нинг чекка қисми тартибга келтирилмоқда.

Бу жараёнларда Сой маҳалласининг “Паркентсой” бўйида жойлашган кабобхоналар эгаларининг розилиги билан бузилмоқда.

Чунки, режага кўра туманимиз инфратузилмасини янада яхшилаш орқали қишлоқ хўжалиги, гастро, этно ва агротуризм лойиҳалари ишга туширилади.

Узум ва яна бошқа қишлоқ хўжалиги маҳсулотларини замонавий ишлаб чиқаришга қаратилган бир қатор йўналишлар ривожлантирилади.

Шу мақсадда амалга оширилаётган кенг кўламли бунёдкорлик ҳамда ободонлаштириш ишлари доирасида туризмни ривожлантириш учун янги имкониятлар очилади.

Жойларда кўплаб янги иш ўринлари яратилиб, туманимизнинг инфратузилмаси табиий манзараларига мос тарзда уйғунлаштирилган ҳолда ривожлантирилади.

👉 @PARKENT_TONGI

#Муҳим

⚡️⚡️⚡️ Ёшлик маҳалласида янги корхона ишга туширилди

Туманимизнинг Ёшлик маҳалласида “BATU EXPORT” МЧЖ корхонаси иш бошлади.

Мазкур корхонада йилига 3 минг тонна мева-сабзавот маҳсулотлари қайта ишланиб, қуритилиб қадоқланади.

Сал кам 2 гектар майдонда жойлашган корхона маҳсулотларини Россия ва Европа давлатларига йилига 10 миллион АҚШ доллари миқдорида экспорт қилади.

Ушбу лойиҳанинг қиймати 15 миллион АҚШ долларига тенг бўлиб, айни пайтда 30 киши иш билан таъминланган.

Корхонани 2025 йилда тўлиқ қувватда ишга тушириш режалаштирилган бўлиб, қўшимча 5 миллион АҚШ доллари миқдорида хорижий инвестиция киритилади.

Натижада 50 нафарга яқин киши ўрнига эга бўлади.

👉 @PARKENT_TONGI

#Муҳим

⚡️⚡️⚡️ Туманимизда ўсимликларнинг ўсишини тезлаштирувчи экологик хавфсиз, табиий биологик препарат яратилди

Қишлоқ хўжалиги вазирлиги ҳамда Тошкент вилояти Қишлоқ хўжалиги соҳасида хизматлар кўрсатиш миллий маркази раҳбарлари томонидан “Паркент-фарм” эркин иқтисодий зонаси бўйлаб амалга оширилаётган инновацион лойиҳалар ўрганилди.

Ташриф давомида “Yuma Bio” корхонасида қишлоқ хўжалиги маҳсулотларини етиштиришда замонавий технологиялар ва экологик хавфсиз ёндашувлар қўлланилиши ҳақида батафсил маълумот берилди.

“Yuma Bio” Ўзбекистон-Корея қўшма корхонаси билан ҳамкорликда ташкил этилган бўлиб, ҳудудда фаолият юритувчи R&D лабораториясида янги технологиялар асосида инновацион биологик препаратлар ишлаб чиқилмоқда.

Ушбу лабораторияда қишлоқ хўжалиги экинлари учун кимёвий пестицидларнинг экологик хавфсиз альтернативалари яратилмоқда.

Жумладан, корхонанинг асосий маҳсулоти – "BIOVAK Y24" препарати қишлоқ хўжалиги маҳсулотларини етиштиришда кимёвий заҳарли моддаларнинг ўрнини босувчи, экологик хавфсиз ҳамда самарали восита сифатида ишлаб чиқилган бўлиб, вазирлик ҳузуридаги Ўсимликлар карантини ва ҳимояси агентлиги томонидан рўйхатдан ўтказилган.

Айтиш керак, "BIOVAK Y24" табиий биологик препарати ўсимликларнинг ўсишини тезлаштиради, стресс омилларга чидамлилигини оширади ва қурғоқчилик, шўрланиш каби мураккаб шароитларда ҳам самарали ҳисобланади.

Мутасаддилар ўрганишлар давомида “Yuma Bio” корхонасида яратилган "BIOVAK Y24" сингари табиий препаратларнинг жорий этилиши қишлоқ хўжалигида самарадорликни ошириш ва органик маҳсулот етиштиришда муҳим қадам эканлигини қайд этишди.

Ўрганишлар якунида қишлоқ хўжалигида экологик тоза технологияларни ривожлантириш ва фермер хўжаликларининг рақобатбардошлигини ошириш мақсадида зарур чора-тадбирлар белгилаб олинди.

👉 @PARKENT_TONGI

#Муҳим

⚡️⚡️⚡️ “Булоқбоши” санаторий-соғломлаштириш ва дам олиш мажмуасида янги бино фойдаланишга топширилди

Туманимиздаги “Булоқбоши” санаторий-соғломлаштириш ва дам олиш мажмуасида янги бино барпо этилиб, фойдаланишга топширилди.

Шу муносабат билан бўлиб ўтган тантанали маросимда туманимиз ҳокими Сардор Исоқулов бошчилигида давлат ва жамоат ташкилотлари ҳамда жамоатчилик вакиллари, ёшлар ва нуронийлар иштирок этди.

Санаторий-соғломлаштириш ва дам олиш мажмуасида фойдаланишга топширилиши натижасида маскан 80 ўринга етказилди. Санаторийда 20 дан ортиқ физиотерапевтик даволашга мослаштирилган замонавий ускуналар, шунингдек, УЗИ, ЭКГ ва лаборатория жиҳозлари ўрнатилган. Фитобар, ёпиқ бассейн, ичак тозаловчи хуқна, ўт пуфаги йўлларини ювиш, ёш болалар учун гдромассаж ваннаси мавжуд.

Бу ерда кардиологик, неврологик, таянч ҳаракат, гинекологик, стоматологик, урологик ва бошқа касалликларга даволаниш учун барча шароитлар муҳайё этилган.

Мажмуа ишга тушиши туфайли яна 30 та доимий иш ўрни яратилди.

Маълумотларга кўра, бу ерда ўн бешдан ортиқ ўрта оғир, сурункали касалликлардан фориғ бўлишга ёрдам беради.

Шунингдек, санаторийда акушер-гинекологик касалликлар, асаб тизими, жигар, буйрак, тери таносил ва бошқа хасталикларни даволашга мўлжалланган тиббий хизматлар йўлга қўйилган.

Тантанали маросимда сўзга чиққанлар мазкур санаторий-соғломлаштириш ва дам олиш мажмуаси ёз мавсумида бу жойларга кўплаб маҳаллий ва хорижий сайёҳлар келиши туманимизнинг туризм ривожига ўз ҳиссасини қўшиши борасидаги фикр-мулоҳазаларини билдиришди.

Айниқса, замонавий масканда малакали шифокорлар назоратида қулай имконият, шарт-шароитлар аҳолини саломатлиги йўлидаги муҳим қадамлардан эканлиги таъкидлаб ўтилди.

👉 @PARKENT_TONGI