#Сессия

⚡️⚡️⚡️ Депутатлар туманимиз ҳаётига оид 3 та муҳим масалани кўриб чиқди

Бугун Халқ депутатлари туман Кенгашининг олтинчи чақириқ тўқсон еттинчи сессияси бўлиб ўтди.

Унда ҳоким Сардор Исоқулов, сектор раҳбарлари, депутатлар, ҳоким ўринбосарлари, тегишли ташкилот бошлиқлари ҳамда ОАВ вакиллари иштирок этишди.

Халқ депутатлари Паркент туман Кенгаши сессиясида 3 та муҳим масала кўриб чиқилди.

Жумладан, Халқ депутатлари Паркент тумани Кенгашидаги депутатлик ўринлари сонини белгилаш тўғрисида Суд-ҳуқуқ масалалари ва коррупцияга қарши курашиш бўйича доимий комиссия раиси Комилжон Исломов депутатларга ахборот берди.

Иккинчи масала – Паркент тумани сайлов комиссияси аъзолигига номзодларни
тавсия этиш тўғрисида ҳам Суд-ҳуқуқ масалалари ва коррупцияга қарши курашиш бўйича доимий комиссия раиси Комилжон Исломов депутатларга ахборот бериб ўтди.

Шунингдек, сессияда учинчи масала, яъни Халқ депутатлари Паркент туман Кенгаши котибиятининг ички меҳнат тартиб қоидалари тўғрисида Халқ депутатлари туман Кенгашига 30-“Ойдин” сайлов округидан сайланган депутат Муҳсиддин Низомитдинов ахборот берди.

Сессия якунида туманимиз ҳаётида муҳим бўлган масалалар атрофлича муҳокама этилиб, тегишли қарорлар қабул қилинди.

👉 @PARKENT_TONGI

#Инсон_қадри

⚡️⚡️⚡️ Ҳоким қабули: кўчада қолаётган аёл, эскирган электр устунлари ва кўприк муаммоси

Бугун ҳоким Сардор Исоқуловнинг Жудуруқ ҳудудидаги 23-мактабда сайёр қабули бўлиб ўтди. Унда ҳоким ўринбосарлари, тегишли ташкилот мутасаддилари иштирок этишди.

Қабулни кузатар эканмиз, Сардор Исоқуловнинг аҳоли мурожаатлари билан ишлашга бўлган масъулиятини тушундик.

Чиндан ҳам сайёр қабул одамлар тақдирини ўзгартириши учун йиллар давомида тўпланиб келаётган муаммолар ўз ечимини топиши зарур.

Қабул вақтида айтилган муаммолар ҳал этилиши эса ҳар бир масъул ўз ишини соат механизмидек бажариши шарт.

Жудуруқда бўлиб ўтган қабулда кимдир уй-жой муаммосини айтса, яна бошқаси эса саломатлигини тиклай олмаётганидан шикоят қилди.

Шунингдек, йўл, электр-энергияси, ичимлик суви таъминоти масаласидаги мурожаатлар ҳам айтилди.

Ҳатто мурожаатчилар орасида энг оғир, ўта жиддий оилавий масалалар: эр-хотин келишмовчилиги сабаб оила бузилиш даражасида турганлигини айтган ҳам учради.

Масалан, бир аёл эри билан 3 фарзандини тарбиялаб вояга етказганини, турмушига 28 йил бўлганини, айни шу кунларда арзимаган важлар билан қайнонаси ҳайдаб юборганини айтди. Аёлнинг айтишича, эри билан яшаб келаётган уйини қайнонаси қизига бермоқчи экан.

Мурожаатчи қайнонасининг жанжали туфайли кўчада қолганини билдирди. Унинг 25 ёшли ўғли чойхонада яшаб юрганини айтиб, эрининг Қизилтоғдаги квартирасини олиши учун ҳокимдан ёрдам сўради.

Сардор Исоқулов оила аъзоларини муросага келтириш, уларни тинч-тотув яшаши учун махсус комиссия тузиб, зарур чораларни кўриш ҳақида мутасаддиларга топшириқ берди.

Ҳоким бу мурожаат шахсан назоратида туришини, имкон қадар оилани сақлаб қолиш шартлигини алоҳида таъкидлади.

Яна бир мурожаатчи уй-жойини таъмирлашга ёрдам беришини сўради. Ҳоким мурожаатчининг оилавий аҳволини ўрганиб чиққанидан кейин унга жавоб айтишини билдирди.

Сўзимиз аввалида Сардор Исоқуловнинг аҳоли мурожаатлари билан ишлашдаги масъулияти ҳақида айтгандик.

Ўтказиб келинаётган қабулларда ҳоким имкон қадар одамларнинг муаммоларини ҳал қилишга ҳаракат қилиши баробарида мутасаддиларни ҳам синовдан ўтказаётганини тушундик.

Аниқроқ айтганда, аҳоли мурожаатлари билан ишлашни пайсалга солган мутасаддилар вақти-соати билан лавозимидан озод этиб борилаверади.

Ҳоким позицияси тўғри: айни шу жиҳат одамларнинг давлатга бўлган ишончини ошириб бораверади!

👉 @PARKENT_TONGI