#Прокурор_ташаббуси

⚡️⚡️⚡️ Иккинчи сектор ҳудудидаги мусобақалар, саёҳатга борадиган ёшлар

Паркент туман прокурори Жасурбек Хайитбоев ташаббуси билан 2-сектор ҳудудидаги 11 та маҳалладан оталиққа олинган 170 нафар йигит-қиз ўртасида спортнинг шахмат ва шашка тури бўйича мусобақа ўтказилди.

Мусобақа якуни бўйича Бойқозон маҳалла ёшлари 1-ўринни, Истиқбол маҳалла ёшлари 2-ўринни, Қайилма маҳалла ёшлари эса 3-ўринни қўлга киритишди.

Шунингдек, прокурор ташаббуси билан 2-сектор ҳудудидаги оталиққа олинган ёшлар ўртасида “Заковат” интеллектуал ўйини ҳам бўлиб ўтди.

Баҳсларда Қайилма маҳалла ёшлари 1-ўринга, Обжувоз маҳалла ёшлари 2-ўринга, Бойқозон маҳалла ёшлари эса 3-ўринга сазовор бўлишди. Ғолибларга туман прокурорининг эсдалик совғалари топширилди.

Прокурорнинг яна бир ташаббусига кўра, 2-сектор ҳудудидаги иқтидорли ёшлар билан учрашув ўтказилди.

Самимий, очиқ мулоқот руҳида ўтган учрашувда Жасурбек Хайитбоев иқтидорли ёшлар ва оғир тоифадаги ёшларни бир вақтда туманимизнинг турли ҳудудларига саёҳатга олиб чиқишнинг аҳамияти ҳақида гапириб берди.

Жумладан, бундай саёҳатлар туманимиз тарихи, бугунги кундаги ютуқлари, ҳудудлардаги кенг кўламли бунёдкорликлар ҳақидаги хабардорликни оширишини, бу ўз навбатида йигит-қизларимизнинг инсон қалбида ватанпарварлик туйғуларини мустаҳкамлаши ҳаётий мисоллар ёрдамида ифодалаб берилди.

Мулоқотда сектор раҳбари томонидан ёшларимизни туманимиз бўйлаб саёҳатга олиб чиқиш ҳақида масъулларга топшириқ берилди.

Учрашувда ёшлар ўзини қизиқтирган саволларга прокурордан жавоб олишди.

👉 @PARKENT_TONGI

#Прокурор_ташаббуси

⚡️⚡️⚡️ Лидер тадбиркорлар аҳоли етиштирган қулупнай, гилос ва узум маҳсулотларини имкон қадар баланд нархларда сотиб оладиган бўлди

Бугун 2-сектор раҳбари, прокурор Жасурбек Хайитбоев бошчилигида ҳоким ёрдамчилари ҳамда лидер тадбиркорлар иштирокида  учрашув бўлиб ўтди.

Унда туман Камбағалликни қисқартириш ва бандлик бўлими масъул ходимлари ҳамда маҳаллалардаги ҳоким ёрдамчилари қатнашишди.

Очиқ мулоқот руҳида ўтган учрашувда лидер тадбиркорлар ҳар бир маҳалланинг "ўсиш нуқталари"дан келиб чиққан ҳолда тадбиркорлик салоҳиятини янада ошириб бориши муҳимлигини таъкидлади.

Учрашув давомида аҳолининг даромадларини ошириш мақсадида уларнинг томорқаларида етиштириладиган қулупнай, гилос ва узум маҳсулотларини паст нархларда харид қилмасликни тавсия қилди. Аксинча, оилаларнинг фаровонлигини ошириш учун имкон борича юқори нархларда сотиб олиш ва сотиш ҳақида маслаҳатлашди.

Шунингдек, прокурор лидер тадбиркорларнинг соҳадаги муаммоларини бартараф этиш,  уларни қўллаб-қувватлаш ва фаолиятини кенгайтириш ҳисобига ҳудуддаги ишсиз ёшлар ва аҳолини иш билан таъминлаш хусусида тўхталиб ўтди.

Айни масалада амалга оширилиши лозим бўлган вазифалар белгилаб олинди.

Мулоқотда лидер тадбиркорлар билдирган таклифлар прокурор томонидан мурожаат сифатида қабул қилиниб, уларга амалий ёрдам бериш чора-тадбирлари ишлаб чиқилди.

👉 @PARKENT_TONGI