#Долзарб

⚡️⚡️⚡️ Хотин-қизлар кафолатланган иш ўринлари билан таъминланади

Паркент туман ҳокимлигида хотин-қизларни ҳар томонлама қўллаб-қувватлаш, фаоллигини ошириш, айниқса, уларнинг бандлигини таъминлаш ва тадбиркорликка жалб қилиш мақсадида штаб ташкил этилди.

Давлатимиз раҳбари ташаббуси билан ҳаётга татбиқ этилган “Камбағалликдан фаровонлик сари” дастури доирасида ташкил этилган мазкур штабга туманимиздаги тегишли ташкилот вакиллари жалб қилинди.

Республика Савдо-саноат палатасининг Тадбиркорлик асосларига ўқитиш, бизнес ва инкубация бўлими бошлиғи Азиз Хусанов ушбу штаб фаолияти билан яқиндан танишиб, мутахассисларга зарур кўрсатмаларни берди.

Маълумот ўрнида айтиш жоизки, штаб фаолияти давомида туманимиздаги хотин-қизлар хатловдан ўтказилади. Хатлов вақтида ишлаш истагини билдирганларга тадбиркорлик субъектларидан муносиб ва кафолатланган иш ўринлари билан таъминлаш, шунингдек тадбиркор аёлларни фаолиятини кенгайтириш бўйича имтиёзли кредит ажратиш, тайёрлаган маҳсулотларини сотилишига кўмаклашиш борасида аниқ чора-тадбирларни кўриб боради.

👉 @PARKENT_TONGI

#Долзарб

⚡️⚡️⚡️ Бугун 16 нафар хотин-қиз ишга жойлаштирилди

Давлатимиз раҳбари ташаббуси билан илгари сурилган “Камбағалликдан фаровонлик сари” дастурининг  самарали кечиши хотин-қизлар бандлигини таъминлаш, уларга муносиб иш топиб беришга ҳам боғлиқ. Оилаларнинг иқтисодий қуввати ортиб боришида айни жиҳат муҳим аҳамият касб этади.

Аввал хабар берганимиздек, Паркент туман ҳокимлигида хотин-қизларни ҳар томонлама қўллаб-қувватлаш, фаоллигини ошириш, айниқса, уларнинг бандлигини таъминлаш ва тадбиркорликка жалб қилиш мақсадида штаб ташкил этилганди.

Бугун ҳоким Сардор Исоқулов мазкур штаб фаолиятининг самарадорлигини ошириш мақсадида Республика Савдо-саноат палатасининг Тадбиркорлик асосларига ўқитиш, бизнес ва инкубация бўлими бошлиғи Азиз Хусанов билан биргаликда Марказий маҳалласида жойлашган “YASIN INVEST COLLECTION” МЧЖнинг текстиль корхонасида бўлишди.

Ҳоким бошчилигидаги мутасаддилар ушбу корхонага штаб томонидан хатловларда ишлаш истагини билдирган хотин-қизларни таклиф этишди. Уларга текстиль корхонасида хотин-қизларнинг меҳнат шароитлари, ойлик маошлари, умуман ишчи-ходимлар фаолияти билан боғлиқ барча масалалар ҳақида маълумот берилди.

Мулоқотларда дастлаб иш ўрганувчиларга 2 миллион сўм ойлик, бепул тушлик ва транспорт харажатлари текстиль корхонаси томонидан қоплаб берилиши маълум қилинди.

Иш ўрганишнинг кейинги босқичлари ходимнинг лаёқатига қараб 4 миллион сўмгача ойлик маош тўланиши айтилди.

Мазкур текстиль корхонасига ташриф чоғида 16 нафар хотин-қиз ишга жойлаштирилди.

Маълумот учун айтганда, Паркент туманида бугунги кунда аҳоли сони 168 минг 588 нафарни ташкил этиб, улардан 88 минг 87 нафари хотин-қизлардан иборат. Туманда жами 32 минг 646 та хонадон бўлиб, 49 минг 61 та оила истиқомат қилади.

Бугун, 15 ноябрь кунигача 16 минг 756 та хонадон хатловдан ўтказилиб, жами 214 нафар хотин-қиз ишлаш, бизнесини ривожлантириш, тадбиркорлик фаолиятини йўлга қўйиш истагида эканлиги аниқланди.

👉 @PARKENT_TONGI

#Долзарб

⚡️⚡️⚡️ Коррупцияга қарши курашиш ва унинг олдини олиш бўйича ҳуқуқий тарғибот ўтказилди

Бугун туманимиз ҳокими бошчилигида “Коррупцияга қарши курашиш, унинг олдини олиш бўйича олиб борилаётган ишлар ҳамда келгусидаги вазифалар” мавзусида ҳуқуқий тарғибот тадбири бўлиб ўтди. Унда туман прокурори Ж.Ҳайитбоев иштирок этиб, мавзу юзасидан маъруза қилди.

Туманимиздаги барча ташкилот раҳбарлари, “маҳалла еттилиги”, жамоатчилик фаоллари, ёшлар иштирок этган семинарда 2017 йилнинг 3 январида қабул қилинган Ўзбекистон Республикасининг “Коррупцияга қарши курашиш тўғрисида”ги Қонунининг мазмун-моҳияти, коррупция билан боғлиқ жиноятларнинг сабаблари ва қонунда белгиланган жавобгарлик каби маълумотлар бериб ўтилди.

Шунингдек, коррупция ҳолатларининг олдини олиш борасида амалга ошириш шарт бўлган вазифалар ҳақида батафсил тўхталиб ўтилди.

Мансаб ваколатини суиистеъмол қилиш билан боғлиқ йўл қўйилаётган салбий ҳолатларни барвақт аниқлаш борасида  сўровлар ва бошқа жамоатчилик назорати натижалари тегишли идоралар томонидан ўрганилиб борилаётганини айтиб ўтилди.

Семинарда бугунги куннинг энг оғриқли муаммоларидан бир таниш-билишчилик, масъулиятсизлик ва тамагирликка йўл қўймаслик учун давлат хизматчисининг касб этикаси, одоб-ахлоқ қоидаларига қатъий риоя этган ҳолда ўз зиммасига юклатилган вазифаларни ҳалоллик, масъулият ва садоқат билан бажариш зарурлиги алоҳида қайд этилди.

Таъкидланганидек, бу иллатга қарши нафақат ҳуқуқни муҳофаза қилувчи орган ходимлари, балки барча баробар курашиши шарт.

👉 @PARKENT_TONGI

#Долзарб

⚡️⚡️⚡️ Туманимизда шу йилнинг декабрь ойига қадар 1 минг 218 та дайди ит тутилди

Кейинги вақтларда туманимиз ҳудудларида дайди итлар кўпайиб қолгани кўпчиликни ташвишга солмоқда. Бу борада қаерга мурожаат қилишни ҳам билмайдиганлар бор.

Хўш, туманимизнинг қайси ҳудудларида қаровсиз, дайди итлар кўп учрайди? Жорий йилнинг бугунги кунига қадар қаровсиз, дайди итларининг нечтаси ушланди? Умуман, туманимизда кўча итларини сақлаб турадиган махсус жой борми?

Саволларимизга жавоб олиш мақсадида Паркент туман Ободонлаштириш бошқармасининг "Қаровсиз, дайди ит ва мушукларни тутиш хизмати" бўлими бошлиғи Аҳмаджон Маърупов билан боғландик.

Хизмат бошлиғининг айтишича, шу кунларда туманимизнинг Бойқозон маҳалласидан ўтувчи Паркент каналининг ер ости бетон қувурининг бўйида, Красногорск ҳудудидаги Политаева кўчаси ва Ойдин маҳалласида, Чўққайма маҳалласининг Паркент канали атрофида, Навбаҳор дала ҳовлиси ҳамда шу ҳудудидаги товуқхона яқинида дайди итлар кўпайгани кузатилди.

Қаровсиз, дайди ит ва мушукларни тутиш хизмати томонидан жорий йилнинг декабрь ойига қадар 1 минг 218 та дайди ит тутилган. Декабрь ойнинг бугунги кун ҳолатига эса 40 та дайди ит ходимлар томонидан ушлаб, олиб кетилди.

Туманимизда кўча итларини сақлаб турадиган махсус жой йўқ.

Шу боис, Паркент туман Ободонлаштириш бошқармасининг "Қаровсиз, дайди ит ва мушукларни тутиш хизмати" бўлими тутилган итларни махсус ҳужжатлар асосида Қибрай туманидаги "Ҳаёт" МЧЖга боқиш учун топширади. У ердан ит боқишни хоҳлайдиганлар ўзларига маъқул келганини танлаб олиб кетишади.

Ҳурматли тумандошлар! Сиз яшаётган кўчада қаровсиз дайди итлардан безовта бўлаётган бўлсангиз Паркент туман Ободонлаштириш бошқармасининг "Қаровсиз, дайди ит ва мушукларни тутиш хизмати" бўлимининг қуйидаги телефон рақамларига мурожаат қилишингиз мумкин.

📞 +99899-403-42-41

📞 +99894-423-42-41

📞 +99899-060-48-57

📞 +99894-926-13-39

📞 +99894-362-18-56

👉 @PARKENT_TONGI

#Долзарб

⚡️⚡️⚡️ Туманимиздаги кўп қаватли уйларда қандай муаммолар бор?

Туманимиздаги кўп қаватли уйлар Қурилиш ва уй-жой коммунал хўжалиги бўлими томонидан хатловдан ўтказилиб, аниқланган муаммолар бартараф этиб борилмоқда.

Бугунги кунда Паркент тумани бўйлаб кўп қаватли уй-жойлар сони 138 тани ташкил этмоқда.

Мазкур кўп қаватли уйларнинг 118 таси 3 та Бошқарув сервис компаниясига бириктирилган. Қолган 20 та кўп қаватли уй эса мулкдорлар томонидан бошқарилади.

Шу ўринда савол туғилади: ушбу Бошқарув сервис компаниялари томонидан кўп қаватли уйларни куз-қиш мавсумига тайёрлаш мақсадида қандай ишлар бажарилди?

Қўлимизга олган маълумотларга кўра, туманда мавжуд БСК лар ҳисобидан 5 та уйларнинг том қисми 4200 м/кв. том қисми мукаммал таъмирланди. 

Жумладан, “Политаева комунал” бошқарув сервис компанияси томонидан Красногорск ҳудудидаги Ойдин маҳалласининг Политаева кўчасининг 35-, 47-, 52-сонли кўп қаватли уйларнинг том қисми мукаммал таъмирланди.

Шунингдек, Файзобод маҳалласининг Шаҳтиёрлар кўчаси 19-, 20-сонли кўп қаватли уйларнинг том қисми шифр билан мукаммал таъмирланди.

Яна 1 та кўп қаватли уйнинг фасад қисми таъмирланиб, 21 тасининг ертўла коммуникация тармоқлари ва 21 та уйнинг 45 та кириш йўлаклари таъмирланди. Шу билан биргаликда 45 та кўп қаватли уйнинг электр тақсимловчи шитлари таъмирланди.

Айни пайтда “Ҳисорак мангу қуёш” бошқарув сервис компаниясига қарашли Қуёш маҳалласидаги 15 та кўп қаватли уйларни иссиқлик билан таъминлаш мақсадида уларнинг ҳар бирига локал қозонлар ўрнатилмоқда.

Маълумот ўрнида айтганда, Бошқарув сервис компаниясида ўнлаб йўналишда хизмат кўрсатувчи мутахассислар фаолият олиб боради. Бунда асосий фаолият турларидан ташқари уй-жой эгаларига зарурат туғиладиган арзон ва сифатли қурилиш-таъмирлаш билан боғлиқ хизматлар ҳам йўлга қўйилган.

Хўш, сиз истиқомат қилаётган кўп қаватли уйларда қандай муаммолар бор?

Агар бу борада муаммо ва саволларингиз бўлса, яшаб турган ҳудудингиздаги Бошқарув сервис компаниясига мурожаат қилишингиз мумкин.

“Истиқбол” маҳалласидаги кўп қаватли уйларнинг муаммоларини “Паркент ёғдуси” бошқарув сервис компанияси ҳал этади. Ташкилотнинг раҳбари Зулҳумор Мирюсупова, телефон рақами +998998251401

“Қуёш” маҳалласидаги кўп қаватли уйлар билан боғлиқ муаммоларни “Ҳисорак мангу қуёш” бошқарув сервис компанияси бартараф этади. Унинг раҳбари Маҳмуддин Сиржиддинов, телефон рақами +998943664310

Диспетчер рақами 70-722-61-67;

Красногорск шаҳарчасидаги кўп қаватли уйларда учрайдиган масалаларга эса “Политаева комунал” бошқарув сервис компанияси масъул ҳисобланади. Ташкилот раҳбари Акром Умарбоев, телефон рақами +998991883900

Диспетчер рақами 70-700-28-98;

👉 @PARKENT_TONGI

#Долзарб

⚡️⚡️⚡️ “Қўлбола” ностандарт иситиш мосламаларини сотиш орқали бошқалар ҳаётини хавф остига қўйманг

Кунлар совиб бориши аҳолининг асосий муаммоларидан бири бу уйни иситиш ҳисобланади. Бу эса иситиш мосламаларига бўлган эҳтиёжни ошириб юборади.

Шу боис, фуқаролар ўз хонадонида куз-қиш мавсумга тайёргарлик, иситиш мосламаларининг созлиги ва яроқлилигини текшириб туриш мақсадга мувофиқ бўлади.

Бироқ, айрим ҳолатларда “қўлбола” ностандарт иситиш мосламаларидан фойдаланиш оқибати эса катта кўнгилсизликларга дуч келиш ҳеч гап эмас.

Ёнғин чиқиши, ис газидан заҳарланиш, газ ва ҳаво аралашмасининг чақнаши каби бахтсиз ҳодисалар айнан “қўлбола” ностандарт иситиш мосламаларидан фойдаланиш туфайли юз бериши мумкин.

Афсуски, қишнинг совуқ кунлардан фойдаланиб қолиш мақсадида айрим уддабурон “тадбиркор”лар “қўлбола” ностандарт иситиш мосламаларини сотиш ҳаракатига тушиб қолади.

Бундай ҳолатларни олдини олиш мақсадида Вазирлар Маҳкамасининг 2018 йил 1 ноябрида “Аҳоли хонадонларида иситиш тизими ва ёқилғи маҳсулотларидан фойдаланишда хавфсизлик талабларига риоя этилишини таъминлаш чора-тадбирлари тўғрисида”ги қарори қабул қилинган.

Қарор билан давлат солиқ хизмати идораларига қўлбола ясалган иситиш мосламаларини ишлаб чиқариш ҳамда уларнинг бозорлар ва турли савдо шохобчаларида сотилишининг олдини олиш бўйича қатъий чоралар кўриш вазифаси юклатилган.

Шу боис, айрим уддабурон “тадбиркорлар” томонидан “қўлбола” ностандарт иситиш мосламаларини сотиш ҳолатлари аниқланганда қонунчиликда белгиланган қатъий чоралар кўрилади.

👉 @PARKENT_TONGI