#Долзарб

⚡️⚡️⚡️ “Маҳалла еттилиги” қай тарзда ишлаши керак?

Айни саволларга туман ҳокимлигида “маҳалла еттилиги” учун ўтказилган ўқув-амалий семинардан жавоб топиш мумкин бўлди.

Унда ҳоким Сардор Исоқулов, вилоят тегишли бошқармасининг мутахассислари ҳамда туман сектор раҳбарлари, ҳоким ўринбосарлари, туман ташкилоти бошлиқлари, маҳаллалардаги “еттилик” иштирок этди.

Тадбирда аҳоли муаммоларини ўрганиш ва ҳал этиш, бандликни таъминлаш, камбағалликни қисқартириш, "мижозбай" ишлаш механизмини ҳамда “маҳалла еттилиги” фаолиятини самарали ташкил этиш ҳақида сўз борди.

Семинарда сўзга чиққанлар “маҳалла еттилиги” энг аввало, одамларнинг турмуш тарзини янада яхшилаш мақсадида тегишли ташкилотлар билан ҳамкорликни қай тарзда йўлга қўйиши лозимлиги ҳақида маъруза қилди.

Шунингдек, семинар давомида маърузачилар камбағал оилаларнинг даромадларини оширишда комплекс ёндашувни жорий этиш, мавжуд салоҳиятдан тўла фойдаланиш, аҳолининг бу борадаги саводхонлигини ошириш, “Маҳалла бюджети”ни шакллантириш ва маҳалланинг банкдаги ҳисоб варақаларини юритиш хусусида ҳам тўхталиб ўтишди.

👉 @PARKENT_TONGI

#Диққат_эълон

⚡️⚡️⚡️ Фақат 10 нафар мижоз учун "YANGI PARKENT"дан 15 фоиз бош тўлов эвазига хонадон харидига улгуринг!

❤️‍🔥 "YANGI PARKENT"дан 15 фоиз бош тўлов билан 48 ойгача ҳалол насияга хонадон харид қилиш имкониятини қўлдан бой берманг!

Замонавий инфратузилмага эга бу мажмуамиз оилангиз ва инвестиция учун энг қулай таклифларни беради.

🙌 Хонадонларнинг афзалликлари:

➖100 фоиз таъмирга эга;

➖бино пишган ғиштдан;

➖қулай жойлашув;

➖очиқ автотураргоҳлар;

➖болалар ўйингоҳи ва кўплаб бошқа қулайликлар.

✅ 2-хонали хонадон учун  бош тўлов 59 280 000 сўм

✅ 3-хонали хонадон учун бош тўлов 69 498 000 сўм

🎉 Агар харидор 30 фоиз бош тўлов амалга оширилса, маиший техника совға қилинади!

❤️‍🔥 Шошилинг, бу имкониятни қўлдан бой берманг!

❗️Мурожаат учун қуйидаги телефон рақамларига қўнғироқ қилинг!

📞 77-104-00-09

📞 88-101-00-09

📞 95-611-99-99

📍Манзил: Паркент тумани Ёшлик маҳалласидаги Нилуфар чорраҳаси.

⭕️ Уй-жой олмоқчи бўлган яқинларингизни шу ҳақда хабардор қилишни унутманг!

👉 @PARKENT_TONGI

#Мулоқот

⚡️⚡️⚡️ Тадбиркорга ким елкадош?

Ёдингизда бўлса, бугун туманимиз ҳокими Сардор Исоқулов тадбиркорлар билан очиқ мулоқот ўтказиши ҳақида хабар бергандик.

Ҳоким бошчилигида ўтган учрашувда сектор раҳбарлари, тегишли ташкилот бошлиқлари иштирок этишди.

Тадбиркорларни қўллаб-қувватлаш, уларнинг муаммоларини ҳал этиб бориш туманимизнинг иқтисодий қувватини оширишда муҳим омил саналади.

Шу боис ҳоким тадбиркорликни ривожлантириш масаласида қоғозбозлик қилмасликни ҳар бир ташкилот раҳбаридан талаб қилади.

Тадбиркорлик нима эканлигини тушунадиган ҳоким соҳа вакиллари билан мулоқотларга ҳамиша тайёр!

Аслида янги иш ўринлари яратиш орқали ўзига, одамларга нафи тегадиган, куйиб-пишиб ишлайдиган тадбиркорларга елкадош бўлиш осон эмас.

Бунинг учун ҳар бир раҳбар ҳақли саволларни ўз-ўзига бериши керак.

Хўш, тадбиркорларимиз учун энг оғир масала нимада? Улар қандай муаммолар, тўсиқларга дуч келяпти? Тадбиркорлар фаолиятини кенгайтириб, ривожлантириб бориши учун нима қила оламан?

Айни шу саволлар бугунги кун раҳбарини ташвишга солсагина, тадбиркорларга елкадош бўла олади. Очиқ форматдаги учрашувлардан ўзини олиб қочмайди.

Бугунги учрашувда туманимиз тадбиркорлари дуч келаётган тўсиқлар, қатор муаммо ва камчиликларни бартараф этишга алоҳида эътибор қаратилди.

Сардор Исоқулов фидойи тадбиркорларнинг ташаббуслари ва лойиҳаларини қўллаб-қувватлаш юзасидан тегишли ташкилот раҳбарларига муҳим чора-тадбирларни белгилаб берди.

👉 @PARKENT_TONGI

#Қутлов

⚡️⚡️⚡️ Бугун туманимиз ҳокими Исоқулов Сардор Дадажоновичнинг таваллуд куни

Бугун, 31 июль  – туманимиз ҳокими 38 ёшни қаршиламоқда!

Мамлакатимизнинг Биринчи Президенти Ислом Каримов таъбири билан айтганда, эл юртимиз янги келган меҳмон ёки раҳбар бўладими, унинг келиши ва қадам босишини ота-боболаримиздан қолган қутлуғ қадам ҳақидаги нақл билан баҳолайди. Ҳақиқатдан ҳам, раҳбар минг бор тажрибали, минг бор ақлли ва ўта кучли бўлиши мумкин. Лекин, қадами қутлуғ бўлмаса, омади келмаса, иш юришмайди.

Айни фикрлар тасдиғини туманимизга Сардор Исоқулов ҳоким этиб тайинлангандан кейин яна бир бор кўрдик, билдик.

Тошкент вилояти ҳокими Зойир Мирзаев Халқ депутатлари Паркент тумани Кенгашининг навбатдан ташқари сессиясида Президент Шавкат Мирзиёев Паркент туманининг эртанги кунидан катта хавотир олиб, садоқатли раҳбар танлашда узоқ маслаҳатлашиб, мазкур лавозимга 30 нафар номзод орасидан “Иссиқлик электр станциялари” AЖ бошқарув раисининг биринчи ўринбосари лавозимида ишлаб келаётган Сардор Исоқулов танлаб олинганини айтиб ўтганди.

Ислом Каримов номидаги Тошкент давлат техника университетини 2013 йилда тамомлаган Сардор Исоқулов туманимизга жорий йилнинг 8 апрель кунидан ҳоким этиб тайинланганди.

Ҳеч муболағасиз ҳокимнинг қадами қутлуғ келди, десак ўринли бўлади.

Фикримиз тасдиғини ҳоким даврида Самсарак ҳудудида “Villayat Samsarak: CREATIVE ECO IT VILLAGE” лойиҳаси асосида “IT шаҳарча” қурилиши бошлангани, Паркентсой бўйида катта йўл барпо этилаётгани, замон талаблари даражасидаги 3 та мактабгача таълим муассасасини ишга туширилгани, Хитойнинг йирик компаниялари билан туманимизда қўшма корхона очишга эришилган келишувлар, Кумушконда мамлакатимизда ягона бўлган темир конининг очилиши, Чинорбулоқ маҳалласида янгиланган кўприк, шунингдек, улкан ютуқларга эришган ёшларимиз сафи ортгани, ўз ечимини топмай келаётган муаммолар ҳоким қабулида ҳал этилгани мисолида атрофлича сўз юритиш орқали айтиш мумкин.

Энг асосийси, ёш, шижоатли ҳоким фаолиятининг дастлабки кунлариданоқ одамлар муаммоларини ҳал этиб бориш, аҳоли турмуш даражасини ошириш каби муҳим вазифалар қаторида ёшлар масаласига жуда катта эътибор қаратиб келмоқда.

Туманимиз ҳокимининг бугунги қутлуғ кунида фаолиятларида улкан зафарлар, доимо соғлик, хонадонига қут-барака, тинчлик, хотиржамлик тилаймиз.

Таваллуд айёмингиз муборак бўлсин, Сардор Дадажонович!

👉 @PARKENT_TONGI