#Инсон_қадри

⚡️⚡️⚡️ ҲОКИМ ҚАБУЛИ: Давлатободда газлаштирилмай қолган 110 та хонадон муаммоси, 7 йилдан буён сув масаласида қийналаётган фермерлар ташвиши

Бугун ҳоким Сардор Исоқуловнинг фуқаролар қабулига мурожаатчилар кўп келди. Салкам 3 соат давом этган қабулда айтилган ҳар бир мурожаат ўзига хос.

Кимдир уй-жой дардида, кимдир саломатлигини тиклаш, яна биров моддий ёрдам, имтиёзли кредит олишни истайди.

Муаммонгиз ҳал бўлади, деб эртага турли сабабларни кўрсатиб туришдан ёмони йўқ. Буни яхши тушунган ҳоким одамларни диққат билан тинглади.

Айтилган муаммоларни ҳал қилиш чораларини шу жойнинг ўзида тегишли ташкилот бошлиқлари билан муҳокама қилди. Пишиқ-пухта режа асосида одамларга ваъдани ўйлаб берди.

Масалан, Навбаҳор ҳудудидаги фермерлар экинларини суғориш масаласида 2017 йилдан буён муаммога дуч келаётганини айтди. Бу мурожаат ҳам жойида маслаҳат қилинди.

Ҳоким тегишли ташкилот раҳбарларига зарур топшириқларни юклагани учун муаммога ечим топилди.

Ҳоким Давлатобод маҳалласида 110 та хонадоннинг газлаштириш масаласини ҳал қилиш учун республика даражасидаги мутасаддига қўнғироқ қилди.

“Ҳудудгазтаъминот” АЖ раис ўринбосарига вазиятни тушунтирган ҳоким маҳаллани газлаштиришни ортга сурмаслигини, тезроқ бу муаммони ҳал қилиш заруратини тушунтирди.

Шундай қилиб тез орада Давлатободда газлаштирилмай қолган хонадонлар бу ташвишдан қутуладиган бўлди.

Қабулда саломатлигини тиклаш масаласида ёрдам сўраганлар ҳам бўлди.

Масалан, Самсаракдан келган отахон саломатлигини тиклаш учун шифокорлар Олтиариқ туманидаги маъданли сув чиқадиган санаторийга бориши кераклигини маслаҳат берганини айтди. Лекин отахон бунга қурби етмаслигини билдирди.

Сардор Исоқулов отахонни санаторийга бепул ва навбатсиз жойлаштириш масаласини шу жойнинг ўзида ҳал қилди.

Қабулга кўп йиллардан буён масаласи ҳал бўлмай, чигал вазиятдан чиқа олмай турли идораларга такрорий мурожаатлар билан юрган фуқаролар келди.

Ҳоким уларнинг хонадонига бориб муаммоларини атрофлича ўрганган ҳолда ҳал қилиш чораларини излашини айтди.

👉 @PARKENT_TONGI

#Диққат_тарқатинг

⚡️⚡️⚡️ Уй-жойга муҳтож фуқароларни аниқлашнинг ижтимоий мезонлари

👉 Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисида НИЗОМ 👈

👉 @PARKENT_TONGI

#Тиббиёт

⚡️⚡️⚡️ Қизилтоғда саломатлик посбонларининг касб байрами нишонланди

Бугун, 12 май – Халқаро ҳамширалар куни муносабати билан туманимизнинг Қизилтоғ  ҳудудидаги "Қаҳрамон" маросимлар мажмуасида тантанали маросим  бўлиб ўтди.

Унга  Қизилтоғ  шаҳарчасидаги тиббиёт ходимлари, шифокор ва ҳамширалар меҳмон сифатида  таклиф этилди.

Маросимда  туман ҳокими Сардор Исоқулов ҳам иштирок этди.

Туманимиз ҳокими ўз сўзида   Қизилтоғ шифохонаси ходимлари, ҳамшираларининг машаққатли ва шарафли хизмати ҳақида фикр-мулоҳазаларини айтаркан, ўзининг самимий тилакларини ҳам  билдирди.

Маросимда таъкидланганидек, кейинги йилларда мазкур шифохонанинг моддий-техник базасини мустаҳкамлаш мақсадида 19 турдаги замонавий тиббий асбоб-ускуналар олиб келиниб, тиббиёт масканида  туну кун фаолият олиб бориш учун 5,25 штат бирлигида шифокорлик пости ажратилди.

Шунингдек, тез тиббий  ёрдам хизматини яхшилаш мақсадида 1 дона "Фольксваген" автомобили харид қилингани ҳудуд аҳолига сифатли хизмат кўрсатишда муҳим аҳамият касб этмоқда.

Касб байрамида халқимизнинг дардига дармон бўлиб келаётган ҳамширалар ва тиббиёт ходимлари байрам дастурхони атрофида санъаткорларнинг  куй-қўшиқлари, рақсларидан мароқли ҳордиқ олишди.

Байрам кечасида бир гуруҳ ҳамширалар эсдалик совғалари билан тақдирланди.

👉 @PARKENT_TONGI