#Таълим

⚡️⚡️⚡️ “Фарзандим учун битта китоб” акциясида 86 ёшли онахон 1-сонли ИДУМга 360 дона китоб совға қилди

Аввал хабар берганимиздек, туманимиз мактабларида “Фарзандим учун битта китоб” акцияси доирасида маърифий тадбирлар бўлиб ўтмоқда.

Бугун ана шундай тадбирларнинг бири 1-сонли ИДУМда ташкил этилди. Унда туман Мактабгача ва мактаб таълими бўлими вакиллари, ота-оналар, маҳалла фаоллари иштирок этди.

Ўқувчи-ёшлар ўртасида китобхонликни тарғиб қилиш мақсадида ўтган тадбирда 86 ёшли онахон Шарқия Ғаниева ўзи ва оиласи номидан эвараси учун 360 номдаги 5 миллион сўмлик китоблар тўпламини совға қилди.

Тадбирда сўзга чиққанлар китоб мутолааси чин инсоний фазилатларни шакллантириб, ёшларнинг дунёқарашини ошириш, уларнинг ҳаётда ўз ўрнини топишида беқиёс аҳамиятга эга эканлиги ҳақида фикр-мулоҳазаларини билдиришди.

Эслатиб ўтамиз, мазкур акцияда Тошкент вилояти миқёсида ғолиб мактабларнинг дастлабки 5 тасининг ҳар бирига вилоят ҳокимлиги томонидан 200 млн. сўмдан пул мукофоти берилади.

Маълумот ўрнида айтганда, ота-оналар томонидан 1-сонли ИДУМга “Фарзандим учун битта китоб” акцияси доирасида 7 май куни ҳолатига кўра 1 минг 112 дона китоб совға қилинди.

⭕️ Туманимиз мактабларида “Фарзандим учун битта китоб” акцияси давом этмоқда!

👉 @PARKENT_TONGI

#Таълим

⚡️⚡️⚡️ Туманимиздаги 55-мактабдаги эски 1 қаватли бино ўрнида янги 3 қаватли ўқув биноси қуриш режалаштирилган

Паркент тумани "Файзиобод" маҳалласидаги 55-мактабининг яроқсиз ҳолатдаги 1 қаватли кутубхона, технология хонаси ҳамда фаоллар зали бино-иншоотлари бузилади.

Бу ҳақда Тошкент вилояти ҳокими Зойир Мирзаев тегишли қарорни имзолади.

Шунингдек, бузиш натижасида яроқли деб топилган қурилиш материаллари қонунчиликда белгиланган тартибда расмийлаштирилиши ва биноларни бузилишидан бўшайдиган ер майдонидан келгусида самарали фойдаланиш чоралари кўрилиши белгиланди.

Шу ҳақида 55-мактаб директори Суҳроб Ниёзов билан суҳбатлашганимизда у мазкур яроқсиз ҳолга келган 1 қаватли бино ўрнига 3 қаватли, 330 ўрнига эга бошланғич синфлар учун ўқув биноси қурилиши режалаштирилганлигини маълум қилди.

👉 @PARKENT_TONGI

#Таълим

⚡️⚡️⚡️ Мактабни олтин ва кумуш медалларга битирган ўқувчилар тақдирланди

Жорий йилда туманимиз мактаблари битирувчиларининг сони 2 минг 245 нафарни ташкил этмоқда. Уларнинг 37 нафари олтин ва 3 нафари кумуш медалларига лойиқ кўрилди.

Қувонарлиси шундаки, битирувчиларнинг 160 нафарга яқини муддатидан олдин олий ўқув юртлари талабаси бўлиш ҳуқуқини қўлга киритди.

Яна 148 нафар битирувчи хорижий тилларни билиш даражаси бўйича миллий ва халқаро сертификатларга эга бўлишди.

Шу муносабат билан бугун туман ҳокими Сардор Исоқулов 1-сонли ИДУМда мактабни олтин ва кумуш медалларга битирган ўқувчиларни тақдирлаб, уларга ўзининг самимий тилакларини билдирди.

👉 @PARKENT_TONGI

#Таълим

⚡️⚡️⚡️ Собиқ битирувчилар мактаби учун футбол майдончаси қуриб берди

Бугун Заркент ҳудудидаги 15-мактаб тарихида унутилмас воқеа бўлди. Гап шундаки, мазкур таълим даргоҳини битирганига 20 йил тўлган собиқ битирувчилар ташаббуси билан тантанали тадбир ўтказилди.

Унда собиқ ўқувчиларнинг саъй-ҳаракати билан барпо этилган футбол майдончасининг очилиш маросими ҳамда бир пиёла чой устида суҳбат бўлиб ўтди.

Тадбирда туман прокурори Жасурбек Ҳайитбоев, туман Ички ишлар бўлими бошлиғи Азизбек Алиасқаров, туман Мактабгача ва мактаб таълими бўлими бошлиғи Набижон Юнусов, мактаб педагогик жамоаси, фахрий ўқитувчилар, кенг жамоатчилик иштирок этишди.

Тадбирда собиқ битирувчилар мактаб кутубхонасига 150 дона китоб совға қилди, шунингдек, 40 нафар фахрий ўқитувчига тўн кийдириб, эҳтиром кўрсатишди.

Мазкур хайрли ташаббусга туман прокурори ҳамда ИИБ бошлиғи ҳам ҳисса қўшиб, бадиий китоблар тўпламини мактаб кутубхонасига тақдим этди.

Шундан сўнг, бир пиёла чой устида собиқ битирувчилар ва уларнинг устозлари мактаб хотиралари, бугунги кунда мамлакатимизда таълим соҳасини энг илғор соҳа сифатида ривожлантириш борасида амалга оширилаётган ишлар ҳақида суҳбатлашишди.

Маълумот ўрнида айтиш жоизки, фойдаланишга топширилган мазкур футбол майдончаси учун 150 млн. сўм сарфланган бўлиб, жараён 10 кун давом этди. 18×28 ўлчамдаги майдонга яшил чим қопламаси ётқизилиб, атроф темир тўсиқлар билан ўралди.

👉 @PARKENT_TONGI