#Мулоқот

⚡️⚡️⚡️ Олий Мажлис Сенати Раиси туманимизга келди

✔️ Бугун Олий Мажлис Сенати Раиси Танзила Нарбаева туманимизга ташриф буюрди. Сенат Раиси ҳоким Шоҳрух Шоаҳмедов ҳамроҳлигида туманимиз маҳаллаларида бўлиб, маҳаллалар фаолияти ва тадбиркор ҳамда фермерларга яратилган шароитлар билан танишди. Оддий аҳоли вакиллари билан мулоқот қилди.

✔️ Жумладан, “Марказий", “Ойбек”, “Янгиобод”, “Бозорбоши” маҳаллаларига борди. Сенат раиси Танзила Нарбаева “Бозорбоши” маҳалласида “Аёллар дафтари”га киритилган ногиронлиги бўлган Аноргул ая Жўмабоеванинг ҳолидан хабар олди, унинг оилавий шароити билан танишди...

БАТАФСИЛ👉 ЎҚИШ ШУ ЕРДА

➡️😎@PARKENT_TONGI😎

#Мулоқот

⚡️⚡️⚡️ Ҳоким қабули: тўй қарзини сўраган фуқаро, 65 миллион сўмлик натижасиз операция

✔️ Тирик жон борки, умри давомида муаммога дуч келади. Шу ҳудудга бошман, мендан хайрли ишлар қолсин, деган фикрдаги раҳбар борки, одамлар билан мулоқот қилиб, уларнинг дарду ташвишларига шерик бўлади. Ҳаётий муаммо ва эҳтиёжларига кўмаклашади.

✔️ Шу фикрлар бугун ҳоким Шоҳрух Шоаҳмедов ўтказган фуқаролар қабулига одамларни ишониб келишига сабаб бўлган бўлса ажабмас.

➡️ Очиқ айтганда, кейинги вақтларда моддий ёрдамни сўрашга одатланиб қолганлар ҳам учраб турибди.

✔️ Масалан, мурожаатчилардан бири ҳокимлик томонидан керагича ёрдам олган бўлсада яна такрор моддий кўмак олгани келди. У тўй қилиб 20 млн. сўм қарз бўлиб қолган пулни тўлаб беришини сўради... Мурожаатнинг ечими қандай бўлганини бир четга суриб турайлик.

❓Хўш айтинг-чи, ҳокимнинг ўрнида сиз қандай ечим топган бўлардингиз? Лозим топсангиз изоҳларда жавоб ёзарсиз...

❗️Қабулда ниҳоятда оғриқли муаммо ҳам айтилди.

✔️ Мурожаатчилардан бири шифокорнинг ваъдасига ишониб фарзандини 65 млн. сўм эвазига операция қилдирганини, лекин ҳеч қандай нафи бўлмаганини айтиб, кўз ёши тўкди. Ҳоким унинг шикоятини қандай ҳал қилишни ўйларкан, бир муддат унинг аҳволини тасаввур қилди шекилли, кайфиятида тушкунлик пайдо бўлди.

✔️ Хуллас, ҳоким ўша шифокорни тегишли идоралар билан биргаликда топиб, унга нисбатан жавобгарлик масаласини кўриб чиқилишини айтди.

⭕️ Қабулда 5 та муаммо жойида ҳал этилиб, вақт талаб этиладиган масалалар ижрога қаратилди.

➡️😎@PARKENT_TONGI😎

#Мулоқот

⚡️⚡️⚡️ Ёш спортчилар билан учрашув

Туманимиздаги 29-сонли Болалар мусиқа ва санъат мактабида спортчи ёшлар иштирокида ватанпарварлик мавзусида давра суҳбати бўлиб ўтди.

Унда туман Спорт мактабининг тўгаракларида мунтазам  шуғулланаётган 350 нафар ёшга Ватанга садоқат, турли ёт ғоялар таъсирига тушиб қолмаслик, жиноят ва ҳуқуқбузарликларнинг  оқибатлари тўғрисида зарур тушунчалар берилди.

Спорт мактаби раҳбарияти, туман ИИБ Вояга етмаганлар бўйича инспектор-психолог, туман бош имом хатиби, Истиқбол маҳалла идораси вакиллари ҳамда тегишли соҳа масъуллари иштирок этган давра суҳбатида ёш спортчиларнинг дарс жараёнларида тўлиқ иштирок этиши, ижтимоий тармоқлардан тўғри фойдаланиши борасида ҳам ҳаётий мисоллар айтиб ўтилди.

👉 @PARKENT_TONGI

#Мулоқот

⚡️⚡️⚡️ Ҳоким маҳаллаларда аҳоли билан учрашув ўтказмоқда

Аввал хабар берганимиздек, туман ҳокими Шоҳрух Шоаҳмедовнинг ҳудудлардаги назорат тадбирлари давом этмоқда.

Унда аҳоли билан учрашувлар ҳам ўтказилмоқда. Мана шундай учрашувлар Булоқбоши, Қўшшукур, Тожибой Ризаев, Шампан ҳамда Новдак маҳаллаларида бўлиб ўтди.

Ҳоким бошчилигидаги маҳалла идораси масъуллари, тегишли ташкилот вакиллари аҳоли билан бўлган суҳбатларда асосий эътиборни  жиноятчиликнинг  олдини олиш, қиш мавсумидан хавфсиз ва беталафот ўтиш ҳамда фуқароларнинг мурожаатларини қонун доирасида имкон борича ҳал этишга қаратди.

Мулоқотлар чоғида ҳоким жиноятчиликнинг олдини олишда нафақат маҳалла идораси вакиллари, профилактика инспекторлари, балки шу маҳаллада яшаётган  ҳар бир фуқаронинг ҳушёрлиги, сергаклиги, шу билан бир қаторда, маҳалла аҳолисининг  ўзаро ҳамжиҳатлиги ҳам муҳим ўринга эга эканлигини  таъкидлади.

Бу борадаги назоратни кучайтиришда маҳалла фаоллари, ҳуқуқни муҳофаза қилувчи органлар ва ёшлар иштирокини таъминлаш аҳамияти ҳақида фикр-мулоҳазалар билдирилди.

Учрашувларда туманимизда ҳаво ҳароратининг кескин пасайиши натижасида келиб чиқиши мумкин бўлган муаммоларни олдини олиш борасида амалга оширилаётган чора-тадбирлар ҳақида ҳам айтиб ўтилди.

Аҳоли мурожаатлари билан ишлаш сифатини ошириш, уларда кўтарилган масалаларга қонун доирасида имкон борича ечим топишда "маҳалла еттилиги"нинг фаолиятини янада кучайтириш зарурлиги қайд этилди.

👉 @PARKENT_TONGI

#Мулоқот

⚡️⚡️⚡️ Тадбиркорларнинг муаммолари ҳал этилмоқда

Ҳоким Шоҳрух Шоаҳмедов жойларда тадбиркорларнинг муаммоларини ҳал қилиш мақсадида учрашув ўтказиб бормоқда.

Тадбиркорлар билан бўлган самимий мулоқотларда туманимизда экспортбоп саноат маҳсулотларини ишлаб чиқаришда сифат масаласига кўпроқ эътибор бериш, уларнинг турини кўпайтириш борасида тавсиялар берилмоқда.

Шоҳрух Шоаҳмедов тадбиркорларнинг истиқболли лойиҳаларини доимо қўллаб-қувватлашини, бу борада яқиндан кўмак беришга тайёрлигини билдирмоқда.

Ҳоким имтиёзли кредит олмоқчи бўлган тадбиркорларнинг мурожаатлари юзасидан тегишли ташкилот масъулларига зарур вазифаларни юкламоқда.

Мулоқотларда аҳоли учун иш ўринларини кўпайтириш, меҳнатга муносиб ҳақ тўлаш ҳақида ҳам сўз борди.

Учрашувлар давомида ҳоким тадбиркорлик соҳасида яратилган имтиёз, имкониятлар ҳақида атрофлича маълумот бериб ўтмоқда.

Шунингдек, тадбиркорликни бошламоқчи бўлганларнинг билим ва кўникмаларини ошириш мақсадида ўқув курсларига юбориш ишларига ҳам катта эътибор қаратилмоқда.

👉 @PARKENT_TONGI

#Мулоқот

⚡️⚡️⚡️ Дунёга донғи кетган чемпионлар туманимиз ёшлари билан учрашди

Аввал хабар берганимиздек, куни кеча туман ҳокимлиги ва прокуратураси ҳамкорлигида  “Спорт чемпионлари ва ёшлар” учрашуви бўлиб ўтди.

Жаҳон ва Осиё чемпионлари билан бўлган учрашувда туманимиздаги спортчи ёшлар ва уларнинг тренерлари, ҳаваскор спортчилар, ўқувчи-ёшлар иштирок этди.

Ўзбекистон терма жамоаси тарихида таэквондо бўйича Олимпиада ўйинларида биринчи олтин медални қўлга киритган, 2020 йилги ёзги Олимпиада чемпиони Улуғбек Рашидов, профессионал боксчи, 2023 йилги WBA вa IBF чемпиони Муроджон Аҳмадалиев, WВА кичик ўрта вазн тоифасида Осиё чемпиони Исроил Мадримов, таэквондо WT бўйича Осиё чемпиони Жасур Жойсунов, 2022 йил Испанияда ўтказилган Жаҳон чемпионати ғолиби, Париж –2024 Олимпиада ўйинлари йўлланмаси соҳиби Тўрабек Хабибуллаев, 2023 йил Тошкентда ўтказилган Жаҳон чемпионати ғолиби, Париж – 2024 Олимпиада ўйинлари йўлланмаси соҳиби Руслан Абдуллаевларни туман прокурори Жасурбек Хайитбоев кутиб олди.

Меҳмонлар дастлаб туман Спорт мактабидаги шарт-шароитлар билан танишишди. Спортчи ёшларимизнинг машғулотларини кузатиб, уларга ўзларининг маслаҳат ва тавсияларини беришди.

Шундан сўнг, меҳмонлар туман ҳокимлигининг катта мажлислар залида  спортчи ёшлар ва тренерлар, ҳаваскор спортчилар, ўқувчилар билан учрашди.

Жаҳон ва Осиё чемпионлари юрт шаънини халқаро майдонларда муносиб ҳимоя қилиш, улкан ғалабаларга эришишда нималарга эътибор бериш зарурлиги ҳақида тўхталиб ўтишди.

Шунингдек, чемпионлик йўлидаги машаққатларни енгиб ўтишда қатъиятли бўлишни фаолиятлари мисолида айтишди.

Тадбирда прокурор Жасурбек Хайитбоев сўзга чиқиб, ёшларимизнинг спортга бўлган қизиқиши ниҳоятда баландлиги, бундай учрашувларни тез-тез ўтказиб туриш уларни юксак марраларга эришишдаги орзусини янада мустаҳкамлаши ҳақида фикр-мулоҳазаларини билдирди.

Учрашувда ёшлармиз ўзларини қизиқтирган саволларига меҳмонлардан жавоб олишди.

Тадбир якунида меҳмонларга туман ҳокимлиги ва прокуратурасининг эсдалик совғалари топширилди.

👉 @PARKENT_TONGI

#Мулоқот

⚡️⚡️⚡️ Тошкент вилояти прокурори туманимиз тадбиркорлари билан учрашув ўтказди

Бугун Тошкент вилояти прокурори Сирожиддин Эшқувватов 29-сонли Болалар мусиқа ва санъат мактабида туманимиз тадбиркорларининг муаммоларини ҳал қилиш мақсадида учрашув ўтказди.

Унда  ҳоким Сардор Исақулов, прокурор Жасурбек Хайитбоев, туман ИИБ бошлиғи Азизбек Алиасқаров, туман Давлат солиқ инспекцияси  раҳбари Равшан Рўзибоевлар  иштирок этди.

Шунингдек, учрашувда  Савдо-саноат палатаси Тошкент вилояти бошқармаси бошлиғининг ўринбосари Ҳасан Салимбоев ҳамда туманимиздаги бир қатор ташкилотларнинг раҳбарлари, тадбиркорлик субъектлари, кичик бизнес вакиллари ва тадбикорлик фаолиятини йўлга қўймоқчи бўлган фуқаролар қатнашишди.

Очиқ ва самимий ўтган учрашув давомида туманимиздаги тадбиркорлар фаолиятида дуч келаётган муаммолар юзасидан вилоят прокурорига мурожаат қилишди.

Учрашувда билдирилган муаммолар атрофлича муҳокама қилинди.

Тошкент вилояти прокурори Сирожиддин Эшқувватов тадбиркорлар томонидан берилган саволлар юзасидан батафсил тушунтириш берди.

Айтилган муаммоларни ҳал қилиш юзасидан тегишли бошқарма ва ташкилотларга аниқ вазифаларни юклаб, ҳар бир мурожаатнинг ижроси шахсан назоратида туришини ҳам таъкидлаб ўтди.

Туманимиз тадбиркорларининг муаммоларини имкон қадар ҳал қилиш истагида келган вилоят прокурори жами 21 мурожаатдан 4 тасини шу жойнинг ўзида ҳал қилди.

Қолган 9 таси вақт талаб қилингани боис ижрога қаратилиб, 8 тасига ҳуқуқий тушунтириш берилди.

👉 @PARKENT_TONGI

#Мулоқот

⚡️⚡️⚡️ Ёшларимизни руҳлантирган учрашув

Паркент ёшлари барча соҳаларда, жумладан, спорт, тадбиркорлик, илм-фан, ҳунармандчиликда ўзларининг истеъдодларини намоён қилиб келмоқда. Улар танлаган соҳалари ривожига ҳисса қўшиш билан бир қаторда туманимиз иқтисодиётини янада ривожлантиришга туртки берувчи кучга айланмоқда.

Бунда албатта, “Раҳбар ва ёшлар учрашуви” руҳида ўтаётган мулоқотлар йигит-қизларимизни янги-янги марралар сари руҳлантирмоқда.

Буни яхши билган ҳоким Сардор Исоқулов ёшлар билан Заркент ҳудудидаги “Паркент ижод уйи”да учрашди.

Ҳоким бошчилигида ўтган учрашувда туман прокурори, Ёшлар ишлар агентлиги туман бўлими бошлиғи, маҳалладаги ёшлар етакчилари ҳамда йигит-қизлар иштирок этди.

Учрашувида Сардор Исоқулов расмиятчиликдан четлашиб, очиқ ва ошкора суҳбатлашиш тарафдори эканлигини билдирди.

Ҳоким мулоқот аввалида бугунги кунда ёшлар учун яратилган имкониятлар кўплиги, улардан унумли фойдаланиш кераклигини ҳаётий мисоллар воситасида тушунтириб берди.

Шундан сўнг, ёшлар мурожаатлари, таклиф ва мулоҳазаларини билдиришга кенг ўрин берилди.

Ҳоким ёшлар ҳаётида ўз ечимини кутаётган муаммоларни ҳар бирини алоҳида назоратга олишини, маҳаллаларимиздаги йигит-қизлар билан тизимли ишлаш, уларни муаммоларини ўз вақтида бартараф этиб боришда доимо қатъиятли бўлишини алоҳида таъкидлади.

Мулоқотда ёшларнинг муаммолари имкон қадар шу жойнинг ўзида бартараф этилишига алоҳида эътибор қаратилди.

Самимий мулоқот руҳида ўтган учрашувда сектор раҳбарлари ёшларимизни қизиқтирган саволларига батафсил жавоб беришди.

Шунингдек, айрим ёшлар томонидан билдирилган мурожаатлар назоратга олиниб, айтилган муаммо бўйича масъул ходимларга тезкор топшириқлар юклатилди.

Энг асосийси, тадбир давомида ҳеч кимнинг таклиф ва мулоҳазалари беэътибор қолмади.

👉 @PARKENT_TONGI