#9_май_Хотира_ва_қадрлаш_куни

⚡️⚡️⚡️ Шавкат Мирзиёев паркентлик Анорбой ота Жалиловни байрам билан табриклади

Президент Шавкат Мирзиёев Тошкент шаҳридаги “Chinobod Plaza” санаторийсига бориб, уруш қатнашчилари ҳолидан хабар олди. Анорбой ота Жалилов, Ашир ота Ўсаров, Антонина Коломенцева, Тўлаган ота Имомов, Аббос ота Аппанов билан дилдан суҳбатлашди.

– Сизларни кўрай, байрам билан табриклай деб келдим. Бу, аввало, сизларнинг байрамингиз. Ўша пайтлардаги жасорат ва матонатингиз туфайли кейинги авлодлар тинч, эркин яшади. Машаққатли меҳнат ва зафарларга тўла ҳаёт йўлингиз бугунги ёшлар учун чинакам ибрат мактаби, ватанпарварлик мактаби, десак, айни ҳақиқатни айтган бўламиз. Сиз билан бутун эл-юртимиз фахрланади, – деди давлатимиз раҳбари.

➡️📱 @PARKENT_TONGI😎

#Қадрият

⚡️⚡️⚡️ Хотира ва қадр тантанаси

✅ Туманимизда 9 май – Хотира ва қадрлаш куни кенг нишонланди.

✅ Жумладан, бугун, 9 май куни эрта тонгдан туманимиздаги Хотира майдонида ҳоким Шоҳрух Шоаҳмедов бошчилигида давлат ва жамоат ташкилотларининг раҳбарлари, ҳарбийлар, ҳуқуқ-тартибот ходимлари, меҳнат фахрийлари, ёшлар, кенг жамоатчилик вакиллари жам бўлишди.

✅ Тадбир аввалида туман ҳокими бошчилигида Мотамсаро она ҳайкали пойига гуллар қўйилди. Юртимизда ҳукм сураётган тинчлик, осуда ўтаётган кунларимиз учун жонини фидо қилган тумандошларимиз хотираси ёдга олинди.

✅ Шундан сўнг, ҳоким Шоҳрух Шоаҳмедов ибратли умр йўлини босиб ўтган нуронийлар, меҳнат фахрийлари билан дилдан суҳбатлашди. Уларни байрам билан табриклади.

✅ Хотира майдонида нуронийлар ҳамда ёшлар ўртасида кечган суҳбатларда юртимиздаги тинчликни асраб-авайлаш, шукроналик, эзгу ишларга доим хайрихоҳ бўлиш ҳақида гап борди. Ёшларга нуронийлар Ватанга садоқат, халққа хизмат қилиш инсондаги энг гўзал фазилатлардан эканлиги ҳақида ибратли воқеаларни сўзлаб беришди.

✅ Отахонлар Иккинчи жаҳон уруши ҳамда мустақиллик йилларида тинчлик учун мардларча ҳалок бўлган ўғлонларнинг порлоқ хотирасини ёд этиб, юртимиздаги осойишталик бардавом бўлишини сўраб дуолар қилишди.

➡️😎@PARKENT_TONGI😎