#Халқаро_ҳамкорлик

⚡️⚡️⚡️ Бугун туманимизга Швейцария тараққиёт ва ҳамкорлик агентлиги (SDC) вакиллари келди

✔️ Швейцариянинг Тошкентдаги элчихонаси жорий йил 3-5 май кунлари Швецария ва Ўзбекистон ўртасида 2022-2025-йилларга мўлжалланган янги ҳамкорлик дастури доирасида амалдаги икки томонлама молиявий-техник ҳамкорликнинг долзарб масалалари, шунингдек уни кенгайтириш истиқболлари юзасидан юртимизга ташрифи режалаштирилгани ҳақида хабар берганди.

✔️ Маълумотларга кўра, Швейцария вакиллари мамлакатимиз қисқа вақтда халқаро ва минтақавий муносабатларни ривожлантириш, барқарор ривожланишни таъминлаш каби йўналишларда эришилган натижаларга юқори баҳо бермоқда.

✔️ Шу боис, бугун Паркент туман ҳокимлигига Швейцария тараққиёт ва ҳамкорлик агентлиги (SDC) вакиллари келди.

✔️ Юқори мартабали меҳмонларни туманимиз ҳокими Шоҳрух Шоаҳмедов кутиб олди.

➡️ Хориж вакиллари билан музокара ўтказди.

✔️ Жумладан, туманимизда сув ресурсларидан оқилона фойдаланиш, соҳага инновацион технологияларни кенг жалб қилиш каби истиқболли лойиҳалар юзасидан муҳокамалар бўлди.

✔️ Самимий ўтган мулоқотларда томонлар ҳамкорликнинг устувор йўналишларини муҳокама қилиб, янги ҳамкорлик дастури доирасида ишлаб чиқиш учун энг истиқболли лойиҳаларни кўриб чиқишди.

✔️ Шунингдек, режалаштирилган ишларни жадаллаштириш мақсадида қўшма чора-тадбирлар кўришга келишиб олишди.

➡️📱 @PARKENT_TONGI😎