#Ностальгия

"Эй, сорбон",
Аҳмад Зоҳир. Афғонистон.

Ўтган асрнинг етмишинчи йилларида порлаган Осиё юлдузи. Унинг қўшиқлари жаҳон маданиятининг нодир намунаси ўлароқ эътироф этилган.

У ўша пайтдаги Афғонистон раҳбарининг қизи билан севишгани учун ҳам... ўлдирилган.

Аҳмад Зоҳирнинг бу қўшиғи унинг шоҳ асарларидан биридир. У буюк шоир Шайх Саъдийнинг "Борадур" радифли ғазалини куйга солиб, маромида ижро этган.

Бир сирни айтай, мен шу қўшиқнинг бошламасини, ай сорабон, дея чўзиб айтилган мунгли бир қисмини минг марталар эшитган чиқарман (негадир).

Хуллас, кўҳна куйлардан яралган мунгли бир оҳанг, дардли нола бу!..

Демак, бугун @oltin_voha да афғон классик қўшиқчиси Аҳмад Зоҳир куйлайди....

#Ностальгия

Шерали Жўраев,
«Яна баҳор қайтармикан...»

Умид узиб сендан йироқ кета олмадим...

P.S. Шерали Жўраев нега буюк, деб савол берадиганлар шу қўшиқнинг аввалидаги нолани эшитсин. Нуқта.

@oltin_voha

#Ностальгия

Охунжон Мадалиев
"Тоғ лоласи"

Энди навбат сеники майли.
Кўйлагимга сув сачратиб ўт.
Лолазорда бирга қолайлик,
Не истасанг муродингга ет...

P.S: Бугун устоз санъаткор Охунжон Мадалиев ҳаёт бўлганида 60 ёшни қаршилар эди. Охиратлари обод бўлсин!

@oltin_voha

#Ностальгия

18 июнь - Ўзбекистон халқ артисти Нуриддин Ҳамроқулов таваллуд топган кун.

Шу боис бетакрор қўшиқлари билан ҳамон қалбларда яшаётган санъаткорнинг ижод намунасидан илиндик.

* * * * *

Нуриддин Ҳамроқулов
«Сабо келган куни»

Кулди баҳорим сиз томонлардан сабо келган куни,
Ул шўх сабо қанотида дилдор наво келган куни.

Дилдор наво билан баҳор оғушига олмиш мани,
Дилдор наво оҳангида сиздан садо келган куни...

🎼👍

@oltin_voha

#Ностальгия

Сиз топмишим,
Йўқотмишимсиз.
Сор лочиним,
Ожиз қушимсиз...

P.S. Тўртинчи қаватдаги сарғиш дераза ортида сиз борсиз. Минг йилки, мен кўнгил дарвозангизни чертолмайман. Сиз эса дарпарда узра маҳзун-маҳзун хаёл сурасиз. Уфққа термуласиз умидсиз.

Ахир, севгимиз уфқида ҳеч нарса йўқ, азизам. Уфқ бўм-бўш...

@oltin_voha

#Ностальгия

Куз ҳам келди,
Тилларанг сарполи...

💔✨🔥☔️

@oltin_voha

#Ностальгия

Кузнинг сокин оқшомида негадир Охунжонни тинглагим келди. Унинг қўшиқлари барибир бошқача. Ким нима деса десин-у, Охунжонга тақлид қилиш қийин, унга эргашиб бўлмайди, у битта, ягона...

〰〰〰〰〰

Охунжон Мадалиев
«Йиғладим»

Тақдирми бошимда ўйнаган қамчи,
Сочингми, армоним учган арғамчи,
Чорлагандек бўлар кимдир олисдан,
Наҳотки, сенмисан ўшал алдамчи?..
Билмадим...

@oltin_voha

#Ностальгия

Юлдуз Усмонова
"Ай, дунё"

Бу дунё томошагоҳ, ўйинчиси кўп экан,
Айтилган ҳар ёлғоннинг суюнчиси кўп экан.
Куйиб-куйиб сўзласанг, кулиб-кулиб тинглашар,
Гоҳида одамзод бир тепилгувчи тўп экан...

Ай, дунё, дунё ...

@oltin_voha

#Ностальгия

Аҳрор Усмонов
"Оққушгинам"

Тун. Зимистон. Ва ойдин хаёллар. Хаёлларинг етовидан кимдир чиқиб келади жилмайиб. Ким у? Нега у йўқ? Нега инсон ҳамиша кимнидир соғиниш азоби билан жазоланган? Саволлар, жавобсиз саволлар...

Қаердадир довул, чанг-тўзон кўтарилмоқда. Бу худди қалбинг овозига ўхшайди. Довул ташқарида ёки ичкарида – қалбимдами, деб ўйлайсан киши. Юлдузлар чақнаб турган осмон остида ким нима хаёлда юрган бўлса бордир, аммо биз... Уёғига сўз топилмайди. Бўғзингга аччиқ бир ўкинч қадалади...

Радиодан таниш мусиқа жаранглайди. Ўзбекнинг соҳирнафас бир ҳофизи қалбинг оҳангларига ҳамоҳанг қўшиқ куйлай бошлайди:

Севги осмонида турган довул, бўрон,
Ажабланма, менинг фарёд, жўшларимдан...

@oltin_voha

#Ностальгия

Шерали Жўраев
"Кетма, Баҳор"

Кўкламнинг ҳар нафаси умрга арзигулик,
Кетма, Баҳор, менинг боғимдан...

@oltin_voha

#ностальгия

Оғабек Собиров
"Озми"

Бугун Хоразм булбули - Оғабек Собиров туғилган кун.

Куйла, Оғабек! Торингни нозик пардаларда сайрат, улуғ созанда!

Бу қўшиқ зимнидаги моҳият ҳаммамизга таниш. Турфа кунларингда турли тусланадиган дўсти "содиқлар" ҳақида бу қўшиқ. Афсуски, ундай тоифа ҳамиша бўлган, бўлади.

Санъат - сеҳрли бир олам. Хоссатан, Оғабек куйлаганда, унинг ўктам ва ширали, довудий овози кишини уйғоқ ҳисларга, улуғ туйғуларга ошино қилади.

Ва яна Оғабек соз устаси, шунингдек, унинг жамоасида ўзбекнинг энг моҳир созандалари жам бўлган. Қўшиқ ва оҳанг уйғун бўлса, асабларингиз ором оладиган, юракка қувват берадиган мумтоз қўшиқ бино бўлади.

Сиз, эй, ғолиблар, эй, мағлублар, шодонлар-у нолонлар, севгисидан тонганлар, оташида ёнганлар, қўйинг, дунё ташвишларига қўл силтанг. Юринг, қалбни толиқтирган ўйлардан тониб, санъатга кетамиз.

Тингланг, ҳақиқий санъатдан баҳра олинг...

@oltin_voha

#ностальгия

Тоҳир Содиқов
«Хаёлим сенда»

Умримда биринчи бор.., эсингдами? Ўшанда масъум қизалоқ эдинг. Ўшанда орзулари осмон бир йигит эдим.

Аммо, нима қилиб қўйди бу йиллар?.. Омонмисан? Қаерлардасан, азиз севгилим...

Шуни билки, сен қаерда ва қай ҳолатда бўлма, мен умрим қўшиғига айланган сўзларни такрорлашдан толмайман: «Хаёлим сенда...»

_____

Бугун севимли санъаткоримиз Тоҳир Содиқов таваллуд топган кун.

@oltin_voha

#Ностальгия

Озода Нурсаидова
«Муҳаббат қайдасан?..»

Тушларимда йиғларсан гоҳ бағри қон,
Оҳларингдан дуд чиқиб осмон-осмон...
Нега сену, сенга мен бўлдик армон,
Энди сени излаб қайдан топарман?..

***

Озода эсингиздами? Ўша - саҳналарни портлатиб концертлар берган, стадионларни тўлатиб мухлис тўплаган файзли хонанда!

У пайтларда Озода бошқа эди. У қўшиққа айланиб кетган эди. Қўнғироқдек овози, жаранглаган ноласи кириб бормаган хонадон йўқ эди...

Аммо энг лазиз жойи шундаки, шу қўшиқлар таъсирида дилгир кайфиятга чулғаниб, ёшликка, қачондир йўқотганимиз ойдин ўйларга кетиб қоламиз беихтиёр.

Туйғуларнинг ҳам ўз тарихи, тақдири бор...

@oltin_voha

#Ностальгия

Баҳодир Мамажонов
"18 ёшимда эди"

Куз ҳам тилларанг сарпоси этакларини йиғиб, кетишга чоғланмоқда. Йигирма тўртинчи йилнинг бу фаслида нимага эришдик, нималарни бой бердик, сарҳисобга чўчийсан гоҳо...

Ҳадемай остонада мўйсафид Қиш томоқ қиради. Тирикликнинг, тирикларнинг ташвиши янада ортади...

Келинг, азизим, қув-қув, чоп-чоплардан бир зум тин оламиз. Ёшликка, юрак соғинган асл туйғуларга қайтамиз. Ишонинг, қолгани бўладиган гаплар...

____

Бизларга бахт тилаб қушлар тинмасди,
Бу олис ўн саккизда ёшимда эди...

@oltin_voha