#Сунъий_интеллект

Фиръавнларнинг юз кўриниши қандай бўлган?

Қадимги Миср фиръавнлари ва маликаларининг юзлари сунъий интеллект ёрдамида қайта тикланибди.

@oltin_voha

#Ифтихор

ТАНИШИНГ, ЎЗИМИЗНИНГ ОЛТИНБОШЛАР!

2024/2025 ўқув йилида магистратура мутахассислиги бўйича Ўзбекистон Республикаси Президенти давлат стипендиясига сазовор бўлганлар рўйхати эълон қилинди. Қувонарлиси, бу 20 талик орасидан 2 нафари Тошкент вилояти фарзандлари!

➖ Абдурафиқов Беҳзод Анваржон ўғли - Тошкент давлат техника университети Олмалиқ филиали;

➖ Эшчанов Жушкин Юсупбай ўғли - Тошкент давлат аграр университети.

@oltin_voha

#бизга_ёзадилар

Кунлар исиб қолди, заправкаларда газ бемалол, аммо Оҳангарон шаҳри "круговой" йўналишидаги таксилар нархини сунъий ошириб олишган.

Оширади-да, ахир улар халқнинг мусибатидан соққа қилишнинг "ҳадисини олишган-ку".

Оширади-да, ҳеч ким уларнинг бу ишини текширмагандан кейин.

Оширади-да, ҳеч ким ҳеч қанақа чора кўрмагандан кейин.

Оширади-да, ...

@oltin_voha

#МашаАллоҳ

Акаси чидаб туролмади, йиғлаб юборди...

Видеони кўриб, мениям кўзимдан ёш чиқиб кетди. Барчага мана шундай бахтли кунлар насиб қилсин…🤲

Янги кун хайрли ва хушхабарларга тўла бўлсин!

@oltin_voha

ЭНДИ УНИВЕРСИТЕТЛАР "ОПЕНБЮДЖЕТ"ДА ҚАТНАШОЛМАЙДИ

«Ташаббусли бюджет» жараёнини ўтказиш тартибига ўзгартириш киритилди.

1. Янги тартибга кўра, ҳар йили туман ва шаҳарлар бюджетида 10 тадан кам бўлмаган, кўпи билан 30 та лойиҳа учун етарли маблағлар режалаштирилади ҳамда 10 тадан ортиқ лойиҳалар учун маблағлар туман ёки шаҳар аҳолисининг тегишли ҳудуднинг аҳоли сонидаги улушидан келиб чиқиб тақсимланади.

2. Ўзини-ўзи молиялаштириш тизимига ўтганлигини инобатга олган ҳолда 2025 йил 1-мавсумдан бошлаб молиявий мустақил бўлган Олий ўқув муассасаларининг "Ташаббусли бюджет" жараёнларида иштирок этишига рухсат берилмайди.

3. "Опенбюджет" доирасида ташкилотлар томонидан автомобиллар, жамоат хавфсизлигини таъминлашга оид жиҳозлар (радар, жамоат жойларидаги кузатув камералари, светофорлар), раҳбар ходимлар учун мебель жиҳозларини харид қилиш тақиқланади.

@oltin_voha

#Тугади

"Hamster Kombat" криптобиржалардан ўчирилди. Токен листингдан олиб ташланганидан сўнг 70%га қулади.

Хабарни ўтган йили хомякни босавериб бармоқлари ейилиб кетган танишларга юбориб қўйинг.😉

@oltin_voha

ҚОРАХИТОЙЛИК ТИРИК ТАРИХ

Тошкент вилояти тарихига доир тадқиқот ишлари учун китоб қидириб қорахитойлик Эркин ота Нишоновникига йўлим тушди. 87 ёшли отанинг кўзойнаксиз китоб мутолаа қилаётганлари устидан чиқдим. Интернетга қарамлар сони ортиб, китобхон авлод камайиб бораётган бир даврда бу ибрат бўлгулик манзара эди. Секингина кадрга муҳрладим.

Эркин ота тирик тарих, гаплашиб маза қиласиз. Хотирлаш қобилиятига эса тил ожиз. Ўқиган китобларининг нечанчи бетида нима дейилган, сўзма-сўз айтиб беролади.

– Мен миллиардерман, дунёнинг истаган бой кишисини олиб келинг, баҳслаша оламан, дейди ота суҳбат чоғида.

Ҳа, отахон ҳақ, 7 фарзандни касбу корли қилиб элга қўшган, 26 невара, 31 чевара ардоғида бугунидан мамнун умргузаронлик қилаётган инсоннинг олдидан мана-ман деган Бернар Арно-ю (2024 йилнинг энг бой кишиси), Илон Маск ўтаверсин.

Р.S: Қорахитой томонларга йўлингиз тушса, Эркин ота Нишоновни, Ҳамид ота Сулаймоновни йўқланг. Уларни зиёрат қилинг, илло сиз оддий инсонларга эмас, тарихга сафар қиласиз, кўнгил оламига сайр қиласиз ...

@oltin_voha