#Янги_Ўқув_йили #33_йил #Мустақиллик

▪️Тошкент ислом институтида 2024-2025 ўқув йили бошланди

▫️Ўзбекистон Республикаси Мустақиллигининг 33 йиллиги ҳамда 2024-2025 ўқув йилининг очилиши муносабати билан Тошкент ислом институтида “Бир бўлсак – ягона халқмиз, бирлашсак – Ватанмиз!” шиори остида тадбир ўтказилди.

▫️Тадбирда Ўзбекистон Республикаси Президентининг дин ва миллатлараро муносабатлар масалалари бўйича давлат маслаҳатчиси Музаффар Комилов, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, ЎМИ ўринбосари, ТИИ ректори, профессор Муҳаммадолим домла Муҳаммадсиддиқов, Дин ишлари бўйича қўмита бошқарма бошлиғи Муҳиддин Ҳакимов, Ўзбекистон Ёзувчилар уюшмаси адабий маслаҳатчиси, шоир Рустам Мусурмонов ҳамда бошқа давлат ва жамоат арбоблари, фахрий диний соҳа ходимлари иштирок этдилар.

▫️Ўзбекистон Республикаси Давлат Мадҳияси янграгач, институт талабаси Муҳаммадамин қори Нажмиддинов Қуръон тиловат қилиб берди ва дуойи фотиҳа қилинди.

🔗 t.iss.one/oliymahad

#Янги_Ўқув_йили #33_йил #Мустақиллик

▪️Муфтий ҳазратларининг совғаси

▫️Ўзбекистон Республикаси Мустақиллигининг 33 йиллиги ҳамда 2024-2025 ўқув йилининг очилиши муносабати билан Тошкент ислом институтида “Бир бўлсак – ягона халқмиз, бирлашсак – Ватанмиз!” шиори остида тадбир ўтказилди.

▫️Байрам тадбирида М.Комилов, Муфтий ҳазратлари ва М.Муҳаммадсиддиқов сўзга чиқиб, ўқитувчи ва талабаларни истиқлол айёми, янги ўқув йили бошланиши билан муборакбод этдилар, юртимиздаги олиб борилаётган ислоҳотлар, диний-маърифий соҳадаги хайрли ўзгаришлар тўғрисида тўхталиб ўтдилар.

▫️Тадбирда кундузги таълим бўйича кириш имтиҳонларидан муваффақиятли ўтган 1-курс ҳамда шу ўқув йилидан очилган магистратура босқичининг илк талабаларига Ўзбекистон мусулмонлари идораси раиси, муфтий Шайх Нуриддин Холиқназар ҳазратлари эсдалик совғаларини топширди.

▫️Маросим якунида янги ўқув йилида ўқитувчи ва талабаларга ғайрат, шижоат ва барака сўраб Муфтий ҳазратлари дуо қилдилар.

🔗 t.iss.one/oliymahad – диний-маърифий канал!

#Янги_Ўқув_йили #33_йил #Мустақиллик

▪️Янги ўқув йилининг илк дарси

▫️Тошкент ислом институтида 2024-2025 ўқув йили Ўзбекистон Республикаси Мустақиллигининг 33 йиллиги “Бир бўлсак – ягона халқмиз, бирлашсак – Ватанмиз!” шиорига бағишланган “Нажот – таълимда, нажот – тарбияда, нажот – билимда” мавзусидаги "Мустақиллик дарси" билан бошланди.

🔗 t.iss.one/oliymahad – диний-маърифий канал!