٭بەشی یەکەم، گوزارشتی کرماشان[دوهەم دوایی هاتووە]

گەشتێکی ۶۵۰ کیلومێتری پاسکیڵ سواری #بەڕووپارێزان بۆ گەیاندنی پەیامی #نا_بۆ_ئێکۆساید

https://t.iss.one/oaktree_loverbikers/1059

(٨)-١

ئێرە شاری بێستوونە، تاق بوستانیش هەر لێرەیە و دڵۆڤانە گەورەکانیش،
ئێرە #کرماشان ە!



گەشتی بەڕووپارێزان لە پێنجەمین ڕۆژی دایە و هەر بەردەوامە و جادە گەز دەکرێت!

پیاوێک، هاوتای دکتۆرمحەممەدخانی، بەرۆکی گرتویین و وێڕای نەخۆشی و ناکۆکی، لە کرماشانە بە ئۆتۆمبێڵەکەی، هاوڕێی هاوژینی ڕێگەی بڕیوە و تا ڕەوانسەر، بە پێشوازمانەوە هاتووە!

بڕمان نەکرد و خۆمان تەسلیمی کرد. دوای نێوان وەعدەیەک میوە،
لە دەروازە ی چوونە دەری شاری ڕەوانسەر، پێداڵمان بەرەو کرماشان، داگرت و خۆمان لە میواندار، دوور خستەوە!

جادە تا بلێی گەرم، بەڵام ڕاخراو بوو و هەوراز و نشێوی نەبوو و هەر ئەوەش و مەودای زۆر، شەکەت و ماندووی کردین!

چەند شوێنێک حەساینەوە و دواجار ڕێکەوتینەوە!
چەند خوولەکێک لە پۆلیسی هات و چۆ، دوور نەببوینەوە کە دیسان، کابرا، خۆی و خێزانی و کاک ئەمینی هاوڕێی، پێشیان پێ گرتینەوە و جا ئەو جار هەزار هاوار بە پووڵێک!

سفرە بۆ شێوخوان هاتبۆ دەروازەی شار و خاتوونێک، سەرقاڵی سفرە چنین لە رێواری جادە بوو!

هەرچی هاوارمان کرد و پاڕاینەوە و وتمان وەعدی شێوخوانمان داوە، فایدەی نەبوو و چ ڕێچارەیەک نەما، دواجاریش تەسلیم بوویین و بە ناچار، پاروومان لە گۆشت و پڵاو و خۆرشتی تایبەتی کرماشان، داگرت!

هەر تازە وە خواردن کەوتبوویین کە دوو دۆستی تری میواندار، گەیشتن ودوای بە خێرهێنانمان، ئەوانیش کەوتنە گیانی سفرە و خواردن!

لە زۆر خواردن دا، لار ببووینەوە کە خانە خوێی شێوخوانی سەرەکی، پێوەندی پێوەگرتین و ئەویش هاوتای کاک سەمین، بەڕۆکی گرتین!

چارە نەبوو و بۆ شێوخوانی دوهەم لەم سەری شار، بۆ ئەم سەری شار، نێزیک دوازدە کیلۆمیتر ڕێگەی قەرەباڵغ و پڕتڕافیکمان بڕی تا کەوتینە داوی پێشوازی و خووڵقی گەرم و گەنمینی ئەندازیار کولیوەند!

ئەویش خۆی کاک سەمینێکی تر بوو و تا لە ژووری نەپەستاوتین و دەرکەی لێ گەڵە نەدایین،
کۆڵی نەدا و دواجاریش حەمام و شەربەت و چای و شێوخوانی جاری دوهەم لە یەک شەودا!

شێوخوان نەوشی گیان کرا و چەسپی و چاکیش چەسپی!

هەر ئەو چەسپەش، چەسباندنی و لە کاتی بوومەلەرزەوە تاکوو ئەمڕۆ، هەر بەردەوامین لە پێوەندی چڕی نێوانماندا!

هەر ئەوەش، هۆکارە کە لە یەکەم پێداڵەوە تا کۆتاپێداڵی گەیشتن بە کرماۺان، ئارەق ڕشتنەکەمان پێشکەشی گەورەیی ئەم بنەماڵە ئازیزەی کەیین کە لە گەرما و سەرما و شەختە و سەهۆڵبەندانەوە، هەر پاڵپشتمان بوون و بگره کاتی بومەلەرزەکە، هەر ئەوان، گەورەتر دیار کەوتن و تەنانەت دێهکەدەی ئومێد، بەشێک لە وێنای خزمەتی ئەوان بوو و گشتی نەبوو!

کۆڕێکی خنجیلانە، دوای شێوخوان گیرا و نوێنەری بەڕووپارێزان هۆکاری گەشت و دروشم و پەیامەکەی هێنا بەرباس و پاشان ڕێزی تایبەت بۆ بنەماڵەی میواندار و خزمەتی بەردەوامیان و هەروەها فرەلایەنە چالاکی کۆمەڵایەتی و خێرخوازیان بەرز نرخێندرا و دواجار هێنانەکایە بیری بەپێز و ڕەوتی ئەرێنی تر بۆ ڕوبەڕوبونەوەی قەیرانەکان، خرا بەر تیشکی شڕۆڤە ...

ئەندازیار کوولیوەند و هاوژینی هاوکاریشی، وێڕای بەرزنرخاندنی جۆری چالاکیەکانی بەڕووپارێزان، و بیرهێنانەوەی خزمەتی کاتی بوومەلەرزە، بە دەستەواژەی تەسبیح کراو و لێوا و لێو لە دڵۆڤانی، شەرمەزاریان کردین ...

چیرۆکی گەشتی بەڕووپارێزان هەر بەردەوامە و هات و چۆی ئێمە لە دڵی شه ودا، نێوان دو کاک سەمین،
ئارێشەیەکە، گەورەتر لە چاڵشی بەڕوو لە سەردەمی دەیەی نەوەدی کۆچی دا!

پێوانە کردنی چەند دە کیلۆمیتر لە ناو شار و دڵی شەودا، غەرامەیەک بوو، دەرەنجامی هەبوونی دۆ دۆستی برا و هاوشێوە لە ڕەوشت دا و بێ سنوور گەورە لە دڵفراوانی و خزمەتدا...

باش و ئەرێنی ئەوە بوو کە کات ڕەخسا حەسانەوەیەکی باشمان لای ئەم دوو خۆشەویستە بوو و پاشانیش دەرفەتێک ڕێکەوت و ئەم ئەندامە نەخۆشەی لە جوانڕۆ و ڕەوانسەر بۆمان نەدۆزرایەوە، لە سەر قەرەوێڵە و تەختی نەخۆشخانە زیارەتمان کرد و دوعای خێر و بێڕمان بۆی ڕەوانەی بارگای یەزدان کرد!

سەرەڕای ئەویش‌، گەشتێکی تاق بووستان لە خزمەت کاک ئەمین و گەڕانەوە لای کاک سەمین و بینینی ئەم هەموو دڵۆڤانیە لە پاسکیڵ شتن و کەوش و جلک و گەورەیی نەخشاندن، شەرمەزاری کردین!


+ِپێویستە، بەوپەڕی ڕێز‌و حورمەت، دەست لە سەر سینگ بوەستین لە هەمبەر ئەم هەموو خزمەت و میوانداری و پێوانەی ڕێگە و چاودێری گشت ئازیزانی میواندار، بە تایبەت؛
کاک سە مین و بنەماڵە و تایبەت دادە عەتی یە و ئەسراخاتوونی دەست ڕەنگین و هونەرمەند،
کاک ئەمین و بنەماڵە..
کاک موهەندیس کولیوەند و بنەماڵە
و بە تایبەت خاتوو بەهارە، کاک ڕامین و کاک ئەمین و گشت ئەندامانی مێهرەگان..

هەروەها؛
ئازیران،
کاک امان اللە[ئەمانووڵلا،وللە جوانە] و دکتۆر سەتتار و سەرجەم ئازیزان

بەشی دوهەمی گووزارشتی گەشتی بەڕووپارێزان لە #کرماشان
https://t.iss.one/oaktree_loverbikers/1059


(٨)-٢

...

++به ئەرکی دەزانین دوعای خێر بکەیین بۆ کاک جەلیل بەهرامی نیا و شیفای بە خێرای بۆ بخوازین تا بەڵکوو، کەمپەینی مێهرەبانیە بچکۆڵەکان، جارێکی تر بە هیممەتی بەڕێزیان و ڕاوێژی بە پێزیان، گڕ و تینی زیاتر بگرێت!


+++هەروەها داوی لێبووردن لە سەرجەم دۆست و براو خووشکە ئازیزەکانمان کە پێویست بوو بە خزمەتیان بگەیین و نەپێکرا
و
++++سپاس بۆ گشت شوفێر و ڕێڕەو و وەرزێری ڕێگە کە هۆڕنیان کەم لێدا، ڕێگەیان بۆ ئاواڵاکردین و خەرمانی کەڕەمیان پێشکەش‌کردین...


🌳❤🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#مهرگان
#کمپین_مهربانی_های_کوچک

@oaktree_loverbikers


‌

بۆ سەرجەم شاعیران و ئەدەب دۆستان، هونەرمەندان و ساحیب کەسایەتی و پیشە جیاجیاکان، میدیاکاران، مینبەریەکان، بەرپرسەکان و هۆگرانی چیرۆکی نیشتمان و گەلێکی خێرلەخۆنەدیو ...

سڵاو و ڕێز و خۆشەویستی


ئاگادارتان دەکەینەوە
کە گروپی بەڕووپارێزانی پاسکیڵ سوار
@oaktree_loverbikers

بە مەبەستی گەیاندنی دروشمی #نا_بۆ_ئێکۆساید
و
هەروەها، دووپات کردنەوەی گرێبەستی دڵەکان لە تەک شەهیدانی ژینگە
و
ڕێزنان لە ژینگەپارێزانی ئەمەگناس
و
تەرکیز لە سەر #بەڵێ_بۆ_گۆڕانی_شێوازی_ڕوبەڕوبونەوەی_قەیرانەکان

له شاره شەهیدە
#ژینۆساید کراوەکەی  #سەردەشت،
تا
#بانه،
#مەریوان،
#نۆدشە،
#پاوە،
#جوانڕۆ،
#ڕەوانسەر،
#کرماشان،
#کامیاران
و
#سنەدژ،

بە پاسکیڵ و پێداڵ لێدان،
ڕێگە و سینگی کەژی #ژالانە،
#تەتە و #داڵانیان بڕی و شار بە شار و ڕێکخراو بە ڕێکخراویان چڕی ...


بە پێویستمان زانی،
ئازیزانمان لە گروپ و ڕێکخراوە ئەدەبی وهونەریەکان، هەروەها چالاکانی مەدەنی و سەرجەم خەمخۆرەکانی نیشتمان و مامۆستا و بلیمەت و کەسایەتیەکان و هتد،
ئاگادار کەینەوە کە زۆر بە داخەوە، کارەساتێکی کاولکاری ژینگەیی زۆرێک ساڵە بەرۆکی نیشتمانی گرتووە و ئەمساڵ زێدەتر و بربڵاوتر لە جاران،
تەنگی بە دارستانە بەڕوەکان هەڵچنیوە و ئەگەر ئاگر و بە گزەبردنی دارەکان بەم شێوازە دەوامی بێت،
ئەوە دوای چەند ساڵی تر،
نە دارستان و نە ژینگە و نە نیشتمان چی نامێنێت
و داخەکەم زێدە لەوانێش ئەویندارانی ژینگەش کە ناتوانن بێدەنگ و بێخەم دەست وەبن سەردەن و چاو لە هەڵقرچانی نیشتمان بگرن،
خۆداوێژنە ناو قەیرانەکان و لە دەست دەچن و ئیتر مرۆڤە #شەریفەکان،
#ئومێد
و
#موختارەکانی گەلیش تێدا دەچن...😭


ئێمە وەکوو ئەویندارانی ژینگە،
لە ژێر ناوی

#بەڕوپارێزانی_پاسکیڵ سوار،
(بلوطبانان پا به رکاب)

وێڕای بەرهەڵست بوونەوەی کاولکاریەکان،
کۆتا هۆشداری خۆمان دوای  ئاگرەکانی سەردەشت، بانە، مەریوان و پاوە و هتد لە تارانەوە بە گوێچکە ی بەرپرسان چرپاندووە

و ئەمجارەش؛

بەم ڕێپێوانە و پێداڵ لێدانە
۶۵۰
کیلۆمێتریە، 
پەیامی ترمان گەیاندە گوێچکە خەڵکانی بە پەرۆش و ڕێکخراوە ژینگەیێەکان و بەشێک لە چاڵاکانی مەدەنی بەردەست...

ئەم گوزارشتە

https://t.iss.one/oaktree_loverbikers/1030

کە بەشی یەکەم لە دە ڕاپۆرتەکانی گەشتەکەمانە(ئەوانی تر بە زوانی کووردی نوسراون و بە دەنگ و ڕەنگ ئاودێر کراون)،
بۆ ئاگاداری ئێوە ئازیزان  ڕادەگوێزین تا وێڕای گەیاندنی خۆشەویستمان بە خزمەتتان، داوکار بین؛
ئێوەش بە هەست و سۆزی شاعیرانە،
هەڵوێستی پسپۆڕانە،
لێدوانی بوێرانە،
ڕێگەیەکی چارەسازانە،
و
بە هەر شێوازێکی بۆتان دەگوونجێت و دەتوانن و دەلوێت، ئەم هۆشیارە بدەن بە کۆمەڵگە و خەڵکان تێبگەینن کە دەست درێژی بۆ ژینگە و خاپۆرکردنی دارستان، داڕمانی نیشتمان و هێماکانی گەلێکی لێقەوماوە
و نەشیاوە ئەم ڕەوتە و ئەم کردەوە قیزەوونە،
بەشێکی لە سەر دەستی وەرزێر، جوتێر، ڕەزوان، شۆفڵ دار و دارا و نەداری ئەم گەلە بێت
و چاوی لێ بنووقێنن و پارووی لێ بادەن و گیرفانی بێ حەیایی لێ پڕکەن!


تکایە، تکایە، تکایە؛

هەروەک گشت ساتە قەیراناویەکانی مێژوو،

ئێوەش پێنووس تاودەن و لێنووس بچڕن و دەنگی بوێرتان لە پشت مایکەکان بەرز کەنەوە و یاریدەدەری ئیدارەی ئەم قەیرانە بن و هۆشداریەکان بگەیننە کوێچەکەی ئەوینداران تان ...


بەڵکوو، ئەم هەڵمەتە، هۆشیارترمان کاتەوە و هەرکەس لە بەرخویەوە،
ئەرکێک لە ئەستۆگرێت
و ئیزن نەدا،
نەیاران و چاوچنۆکەکان،
ئاوەها بەو پەڕی بێ شەرمی، ژینگە و نیشتمان و مێژووی گەلەکەمان تاڵان کەن و پاشان بە ڕیشی سپی بەشێکمان و به رووی سپی تری گشتمان پێبەکەنن!

ئێوەش بە پێنووس و زوان و هاوار،
لە گەڵمان بن با قاچەکانمان  هێزی زێدەتر بگرن بۆ  پێداڵ لێدانێکی تر و ئەمجارە بۆ گەیاندنی موژدەی سەرکەوتنی ئیڕادەی گەل بە سەر کاولکاراندا، ڕێگە ببڕن و گوێچکەکان بچڕن...
🌳❤🚴

بە ڕێزەوە،

بەڕووپارێزانی پاسکیڵ سوار

۶ی ڕەزبەری ۲۷۲۳ ی کوردی

-----
#بلوطبانان_پا_به_رکاب
@oaktree_loverbikers