📺 -«Сүбедей» спорт өргээзинге Бай-Тайга кожууннуң шаңналы дээш хүреш маргылдаазы болуп эрткен.

🥇 “Сүбедей” спорт өргээзинге республиканың шыырак дээн мөгелериниң хүрежи болуп эрткен. Аңаа 74 мөге киришкен. Бо удаада олар Бай-Тайганың шаңналы дээш тудушканнар. Ай санында болуп эртип турар хүреш маргылдаазынга кым шүүлгенил?

#Тыва24 #Медээлер #Хүреш

📺 Кызылдың элээди армейжилери “Блокаданың хлеви” акцияга киришкен.

✍️ Январь 27- Ленинградты бүзээлээшкинден долузу-биле хостаан хүнү. Ол хүн Ленинград-Новгород стратегтиг халдаашкынныг операциязының түңнелинде немец-фашистерниң шериин чылча шапкан. Төөгүлүг бо хүнге тураскааткан “Блокаданың хлеви” деп акцияны элээди армейжилер Кызыл хоорайның төвүнге чоруткан.

#Тыва24 #Медээлер #Тиилелге80

📺 Тываның школаларында кибер айыыл чок чорук кичээлдери эртип турар.

📱 Кылымал интеллект азы кылымал угаан-медерел – келир үе бе азы бо хүннүң болуушкуну бе? Кара сагыштыг кижилерниң холунга киргеш, ол хора чедирип болур бе? Интернет четкизинден келир айыылдан канчаар камгаланып болурул?

#Тыва24 #Медээлер #КиберАйыыл

📺 Найысылалдың 3 дугаар школазынга “Чугула чүүлдер дугайында чугаа” болуп эрткен..

✍️ Дайын халавының уржуктарын шыдажып эрткен кижилерге ханы хүндүткелди чалыы салгалга оттуруп, оларның эрес-дидим, маадырлыг чоруктарын магадаар болгаш сеткил-хөңнүнге кээргелди хайныктырары-биле чурттуң муң-муң өөредилге черлеринге январь 27-де ажык кичээлдер, лекциялар болуп эрткен. 1944 чылдың шак ол хүнүнде Маадыр-хоорай Ленинград фашистерниң бүзээлээшкининден бүрүнү-биле хостаттырган. Кызыл хоорайның 3 дугаар школазы база Бүгү-российжи сактыышкын, эрес-дидим чорук болгаш патриотизм акциязынга киришкен.

#Тыва24 #Тиилелге80 #Медээлер #Өөредилге

📢«Тыва 24». Хүннүң кол болуушкуннары. Башкарыкчызы – Буян Ооржак.
- Интернет четкизинден келир айыылдан канчаар камгаланып болурул? Тываның школаларында кибер айыыл чок чорук кичээлдери эртип турар.
- Найысылалдың 3 дугаар школазынга “Чугула чүүлдер дугайында чугаа” болуп эрткен.
- Кызылдың элээди армейжилери “Блокаданың хлеви” акцяга киришкен.
-«Сүбедей» спорт өргээзинге Бай-Тайга кожууннуң шаңналы дээш хүреш маргылдаазы болуп эрткен. Маргылдааларга кым тиилекчи болганыл?

#Тыва24 #Медээлер

📢Ара доктаавас – ам-даа бурунгаар, Европа чемпионадынче!

📺Владислав Ховалыг Красноярск хоорайга болуп эрткен Иван Ярыгинниң кубогу дээш хостуг хүрешке делегей чергелиг турнирге тергиин эки киришкеш келген мөгелер-биле ужурашкан. Тываның Баштыңы республикаже ээп чанып келген Начын Монгуш биле Бады-Маадыр Самданга, оларның тренер башкыларынга байыр чедиргеш, шак ол чугула маргылдааларга регионнуң адын төлептии-биле камгалааны дээш өөрүп четтиргенин илереткен.

#Тыва24 #Медээлер #Спорт #ТываныңБаштыңы

📢Самагалтайның школа назыны четпээн чаштары “Баштайгыларның юннаттары” шимчээшкинниң одуруунче кирген.

📺Төрээн чуртунуң экологиязының дугайында билип алыры, баштайгы шинчилелдер, төлевилелдер болгаш өске-даа. Самагалтайның “Дамырак” аттыг уруглар садының чаштары “Баштайгыларның юннаттары” шимчээшкинниң одуруунче кирген.

#Тыва24 #Медээлер #Өөредилге #ТесХем

📢Россияның найысылалында өөренип чурттап чоруур студентилеривистиң амыдыралындан

📺Чоокта чаа болуп эрткен Россияның студентилер хүнүн таварыштыр Москвада өөренип турар тыва студентилеривистиң амыдыралын сонуургап көрдүвүс. Ында аныяктар улуг хоорайның шиинче кире берген чурттап чорза-даа, төрээн чериниң культуразы болгаш ёзу-чаңчылдарын утпайн, кадагалап арттырарын кызыдып чоруурлар.

#Тыва24 #Медээлер #Өөредилге

📢2025 чылда агроүлетпүр комплекизин сайзырадыры

📺Республиканың Дээди Хуралынга Айыткалынга Тываның Баштыңы Владислав Ховалыг регионнуң көдээ ажыл-агый адырын экижидер болгаш хөгжүдериниң чугулазын демдеглээн. Харыысалгалыг удуртукчуларга база ведомстволарга ук айтырыгларны шиитпирлээр даалгаларны салган.

#Тыва24 #Медээлер #Айыткал #КөдээАжылАгый

📢Театрның сценазында нарын айтырыглар

📺Сцена кырынга нарын айтырыгларны көдүрүп, көрүкчүге ону көргүзер аргалыг болуру – социал театрның кол сорулгазы ол. Шак ындыг угланыышкынныг төлевилелди републиканың өөредилге черлеринге шуптузунга нептередир дугайында чугаалашкан.

#Тыва24 #Медээлер #СоциалТеатр

📢Регионнуң Хамааты камгалал болгаш онза байдалдар албаны 2024 чылда ажылының түңнелдерин үндүрген.

📺2024 чылда республикага хамааты камгалал болгаш онза байдалдар адырынга чоруттунган ажыл-иштиң түңнелдерин үндүрген коллегия хуралы болуп эрткен.

#Тыва24 #Медээлер

📢Өг-бүле чылының соонда Ада-чурт камгалакчызының чылы келген

📺Ёзу-чаңчылдарын салгалдан салгалче дамчыдып чоруп олурар республикага өг-бүле чылы дээрге канчаар-даа аажок улуг үнелиг чүүл-дүр. Улусчу чогаадылга бажыңынга 2024 чылда эрткен Өг-бүле чылын түңнээш, улаштыр чаа Ада-чурт камгалакчызының чылын ажыткан.

#Тыва24 #Медээлер #ӨгБүле

📢Россияның банкызы чаа 5 муң рубльдиң саазын акшаларын үндүрген

📺Россияның банкызының Тывада салбырынга журналистер-биле ужуражылга болуп эрткен. Аңаа банкының Тывада салбыры чаарттынган чаа саазын акшаларны көргүзүп, кандыг өскерилгелер кылдынганын тайылбырлаан.

#Тыва24 #Медээлер #Банк