😎"Xavfsiz maktab" tamoyili amalda

🔹Bugungi kunda maktablarda xavfsizlikni ta’minlash, maktab qorovullarining bilim va ko‘nikmalarini oshirish maqsadida tizimli ishlar amalga oshirilmoqda.

🔹Navoiy viloyati Qo‘riqlash boshqarmasi hamda Maktabgacha va maktab ta’limi boshqarmasi bilan hamkorlikda viloyat hududidagi barcha maktab qorovullari ishtirokida yig‘ilish o‘tkazildi. 

🔹Yig‘ilishda so‘z olganlar, maktab qorovulining asosiy vazifalari, xizmat intizomiga qat’iy amal qilish, fuqarolar bilan xushmuomalada bo‘lish, xizmatga taalluqli bo‘lmagan ishlarga aralashmaslik xususida batafsil to‘xtalib o‘tishdi. Tezkor chaqiruv tugmalaridan hamda maxsus vositalardan  foydalanish tartiblari tushuntirildi.

🔹Yig‘ilish yakunida tinglovchilar o‘zlarini qiziqtirgan savollariga mas’ullar tomonidan atroflicha javob oldilar.

Navoiy viloyati Maktabgacha va maktab ta’limi boshqarmasi matbuot xizmati.

#Bizning_faxrimiz

😎"ZIYOLILAR. MAKTAB" LOYIHASI G‘OLIBI

✅ Maktabgacha va maktab ta’limi vazirligi tomonidan Ilm-fan va ta’lim-tarbiyani rivojlantirish Ziyo Forum fondi bilan hamkorlikda "Ziyolilar.maktab" loyihasida g‘olib bo‘lgan o‘quvchilarni taqdirlash marosimi tashkil etildi. Taqdirlangan 100 nafar iqtidorli yoshlar orasida uchquduqlik o‘quvchi Guli Jonuzoqovaning ham borligi bizning faxrimizdir.

✅Tadbirni vazir Hilola Umarova ochib berdi. U o’z nutqida g‘oliblar va ularning yaqinlarini samimiy tabriklab, ulkan zafar va muvaffaqiyatlar tiladi.

✅ Jonuzoqova Guli Ortiqjon qizi, Uchquduq tumanidagi 7-MFCHIDUM tahsil oladi. U mazkur loyihada ishtirok etib, 100 nafar tashabbuskor va iqtidorli o‘quvchilar safidan o‘rin egalladi.
✅G‘olib o‘quvchilar sertifikat, "Ziyolilar” to‘plami hamda esdalik sovg‘alari bilan taqdirlandi.

Navoiy viloyati Maktabgacha va maktab ta'limi boshqarmasi matbuot xizmati.