#АртэФакт

🎉 У гэтым годзе ў нашым музеі з вялікім поспехам прайшла выстава “Гродна ў часы Паўночнай вайны”. На ёй сярод іншага былі прадстаўлены рэдкія кнігі XVIII–XX стагоддзяў – самыя першыя біяграфіі яе венцаносных удзельнікаў – Пятра І, Карла XII, Аўгуста ІІ і Станіслава Ляшчынскага, ад рашэнняў якіх залежалі лёсы многіх народаў.

📕 Знаёмства з гэтымі цікавымі выданнямі мы пачнём з кніг, прысвечаных расійскаму імператару Пятру І. Іх больш за ўсё ў нашых фондах.
У 1725–1726 гадах у Амстэрдаме на французскай мове былі выдадзены "Успаміны аб панаванні Пятра Вялікага, імператара Расіі" (Memoires du règne de Pierre-le-Grand, empereur de Russie) у 4 тамах. Гэта была першая сапраўдная біяграфія Пятра I, напісаная, як гаворыцца, “па гарачых слядах”. Аўтарам «Успамінаў» быў нейкі «барон Іван Іванавіч Несцесуранай, маскоўскі дваранін».

⬇️⬇️⬇️

❗️Як пазней высветлілася, пад гэтым псеўданімам хаваўся вядомы французскі гісторык, юрыст і журналіст Жан Русэ дэ Місі (1686–1762), заснавальнік першай масонскай ложы Амстэрдама, які пазней стаў ганаровым членам Расійскай акадэміі навук (з 1737). Дэ Місі ніколі не быў у Расіі, але тым не менш напісаў некалькі грунтоўных прац па яе гісторыі. Гэту кнігу ён напісаў на замову рускага ўрада.

📖 "Успаміны аб панаванні Пятра Вялікага" Русэ дэ Місі былі сачыненнем грувасткім, складзеным з дрэнна ўзгодненых паміж сабой крыніц, напоўненым памылкамі. І тым не менш гэта была першая ў Еўропе закончаная біяграфія Пятра Вялікага, якая адыграла прыкметную ролю ў распаўсюджанні ведаў пра Расію і яе знакамітага пераўтваральніка. Выданне багата ілюстравана разцовымі гравюрамі. У самой Расіі сачыненне падобнага роду (праўда, значна больш змястоўнае і поўнае) з'явіцца значна пазней – гэта будуць "Дзеянні Пятра Вялікага, мудрага пераўтваральніка Расіі" І.І. Голікава, якія выйшлі толькі ў канцы XVIII ст.

🌸 18 кастрычніка запрашаем на мерапрыемства “З сям’ёй у музей, з сям’ёй па жыцці”, прымеркаванае да Тыдня бацькоўскай любові.

🏰 Вашай увазе будзе прадстаўлена музейная батлейка “Пажар у замку Вітаўта”, а таксама вы зможаце пазнаёміцца з экспазіцыяй Старога замка.
⏱ 11.00/12.00/13.00/14.00 – музейная батлейка “Пажар у замку Вітаўта”

🔸 Кошт:
дарослыя – 9 руб.
студэнты, пенсіянеры – 7 руб.
школьнікі і дашкольнікі – бясплатна
Адзначым Дзень маці і Дзень бацькі разам!

📞 Падрабязней па тэлефонах: 71-86-88, + 375 (29) 77-66-588 (МТС),
+375 (29) 61-48-235

⭐️ 17 кастрычніка ў Сенатарскай зале Новага замка адбудзецца адкрыццё персанальнай выстаўкі мастака Глеба Анатольевіча Отчыка "Беларускі космас".

🖼 На выстаўцы будзе прадстаўлена каля 40 жывапісных палотнаў, некаторыя з іх прысвечаны космасу, увасабляюць касмічны нацюрморт і сімвалізуюць вясковы быт – “беларускі космас”.

🎨 Глеб Отчык нарадзіўся 20 чэрвеня 1983 г. у горадзе Гомель. Скончыў у 2007 годзе аддзяленне манументальна-дэкаратыўнага жывапісу Беларускай дзяржаўнай акадэміі мастацтваў. Вучыўся ў Віктара Альшэўскага. У 2018 годзе прайшоў павышэнне кваліфікацыі па педагагічнай дзейнасці ў Беларускім дзяржаўным педагагічным універсітэце імя Максіма Танка. З 2009 года выкладае на кафедры малюнка, жывапісу і скульптуры Беларускай дзяржаўнай акадэміі мастацтваў, з 2019 года – дацэнт.

🔶 Удзельнік мастацкіх выставак з 1998 года, у тым ліку 121 рэспубліканскай, 58 міжнародных, 10 персанальных выставак. З 2013 года арганізатар і ўдзельнік, куратар 36 міжнародных пленэраў з удзелам калег з Расіі. Член Беларускага саюза мастакоў з 2008 года, з 2019 года – старшыня.