📢 Выстаўка “Арсенал: ваенная зброя ў гістарычным кантэксце” з фондаў Гродзенскага дзяржаўнага гісторыка-археалагічнага музея адкрылася 23 кастрычніка 2024 года ў Музеі “Замкавы комплекс “Мір”.

⚔️ Выставачны праект з'яўляецца не толькі знаёмствам з гісторыяй, але і сапраўдным далучэннем да духу той эпохі, калі кожны прадмет быў напоўнены сэнсам і значнасцю.

🟠 На выстаўцы прадстаўлена халодная і агнястрэльная зброя, ваенны рыштунак, армейскія мундзіры і іх элементы, а таксама ўзнагароды, жэтоны, кукарды перыяду XVIII–XIX стст.
Убачыць зброю і ацаніць, як у ёй пераплятаюцца мастацтва і рамяство, задумацца аб нашай спадчыне, аб уплыве вайны на чалавецтва ў цэлым і лёсы народаў у прыватнасці, змогуць усё жадаючыя.

🟠 Выстаўка будзе працаваць да 24 кастрычніка 2025 г. у выставачнай зале ўстановы “Замкавы комплекс “Мір”.

➡️ Падрабязнасці па спасылцы
https://mirzamak.by/events/otkrytie-vystavki-23

#АртэФакт

⭐️ Электрычная гірлянда – дэкаратыўнае ўпрыгажэнне, якое звычайна складаецца з ланцужка лямпаў напальвання або святлодыёдаў, паслядоўна злучаных жгутом электрычных правадоў. Назва запазычана ў традыцыйнага расліннага ўзору. Першая электрычная навагодняя гірлянда была выраблена ў ЗША ў 1882 г. Эдвардам Джонсанам, паплечнікам Томаса Эдысана. З 1895 г. электрычныя агні сталі няўхільна выцясняць пажаранебяспечныя традыцыйныя свечкі.

✨ Вашай увазе прадстаўлена электрычная гірлянда з паралельным злучэннем, вырабленая ў ГДР на прадпрыемстве IKA EIK (Краніхфельд) у 1956 г. Яна складаецца з 12 свечкападобных лямпачак, якія мацуюцца да ёлкі пры дапамозе заціскаў зялёнага колеру. Гірлянда захоўваецца ў арыгінальнай кардоннай каробцы, на якой змешчаны надпіс на нямецкай мове: Kerzen Garnitur (набор свечак).