Сурхондарё вилоятидаги 967 та мактабни янги ўқув йилига тайёрлаш ишлари якуний босқичда олиб борилмоқда. Ўнга яқин мактабларда таъмирлаш ишларининг охирги босқичи бажарилмоқда.

Бугун вилоят ҳокими Улуғбек Қосимов Жарқўрғон туманида бўлиб, 8-, 31- ва 47-сонли мактабларда олиб борилаётган қурилиш-таъмирлаш жараёнлари билан танишди. Масъуллар таъмирлаш ишлари ва бошқа мактабларнинг тайёргарлиги ҳақида ахборот берди. Жиҳозлаш ишларини сифатли амалга ошириш ҳамда мактабларни ўз вақтида фойдаланишга топшириш вазифалари белгилаб берилди.

Шунингдек, ҳоким "Какайди" маҳалласида инфратузилмани яхшилаш ва канал бўйида ташкил этилаётган сайлгоҳ қурилиши ишларини ҳам кўздан кечирди. Мутасаддилар белгиланган вазифалар ижроси бўйича ҳисобот берди. Ишларни сифатли ва муддатида якунлаш, аҳоли турмуш фаровонлигини ошириш юзасидан кўрсатмалар берилди.

Каналга уланиш: https://t.iss.one/murodbekdavlatov

Сурхондарё вилоятида "Обод ва файзли маҳалла – юрт кўрки" шиори остида умумхалқ хайрия ҳашари уюшқоқлик билан ўтказилмоқда.

Эрта тонгдан маҳаллалар, кўчалар, хиёбонлар, ташкилот ва муассасалар ҳудудларида ободонлаштириш ҳамда кўкаламзорлаштириш ишлари кўтаринки руҳда олиб борилмоқда. Қадамжолар ва қабристонлар тартибга келтирилиб, бўш ерларга гул кўчатлари экилиб, дарахтларга шакл берилмоқда.

Сурхондарё вилояти ҳокимлиги жамоаси ҳам ҳашарда фаол иштирок этиб, тозалик ва ободонликка ўз ҳиссасини қўшмоқда.

Икки кун давом этадиган ҳашарнинг биринчи кунида воҳаликлар 1 950 гектар майдонни ободонлаштириш, 1 400 тонна чиқиндиларни чиқариш, 2,6 минг километрдан зиёд ариқ ва зовурларни тозалашни режалаштирган. Бу ишларга 1 300 дан зиёд махсус техника жалб қилинган.

Шунингдек, ҳашар доирасида 881 та қабристон, 35 та зиёратгоҳ ва 13 мингга яқин кўчада ободонлаштириш ишлари амалга оширилади.

Каналга уланиш: https://t.iss.one/murodbekdavlatov

Бугун Сурхондарё вилояти ҳокими Улуғбек Қосимов "Санъат саройи" мажмуаси амфитетарида асосий саҳна ва атрофдаги йўлаклар, майдонларни байрамона кўринишга келтириш, декорациялар билан безатиш ҳамда концерт дастурига тайёргарлик ҳолати билан танишди.

Илгариги ўрганишлар давомида берилган топшириқлар ижроси юзасидан масъуллар ахбороти тингланди. Тайёргарлик ишларини жадаллаштириш ва режа асосида ташкил этиш вазифалари белгилаб берилди.

Кейинги манзилда вилоят раҳбари Термиз туманидаги "Учқизил" сув омбори ҳудудида ташкил этилаётган "Ёшлар ва туризм" кўчаси қурилиш ишларини кўздан кечирди. Ишлар талаб даражасида эмаслиги, айрим қурилиш-таъмирлаш ишлари тўхтаб қолгани танқид қилинди. Масъулларга йўл қўйилган камчиликлар кўрсатилиб, зарур кўрсатмалар берилди.

Барча куч ва имкониятларни жалб этган ҳолда 2 километр узунликдаги пиёдалар ва велосипед йўлакларини барпо этиш, шунингдек, савдо ва хизмат кўрсатиш нуқталарининг қурилишини жадаллаштириш вазифалари белгиланди.

Каналга уланиш: https://t.iss.one/murodbekdavlatov