⚡️Dasturiy mahsulotlar va axborot texnologiyalari texnologik parki (IT Park) rezidentlari tomonidan amalga oshirishga ruxsat etilgan faoliyat turlari kengaytirildi

Vazirlar Mahkamasining 2023-yil 29-dekabrdagi 698-son qarori bilan “Dasturiy mahsulotlar va axborot texnologiyalari texnologik parki faoliyatini tashkil etish tartibi to‘g‘risida”gi nizomga o‘zgartirish va qo‘shimchalar kiritildi.

✅Unga ko‘ra, IT Park rezidentlariga quyidagi faoliyat turlarini ko‘rsatishga ruxsat etildi:

– Multimedia va dizayn sohasida xizmat ko‘rsatish;
– Dasturiy ta’minotdan foydalangan holda multiplikatsiya mahsulotlarini ishlab chiqarish;
– Axborot texnologiyalari sohasidagi loyihalarni venchur moliyalashtirish hamda akseleratsiya dasturlarini amalga oshirish faoliyati;
– Kibersport sohasida xizmat ko‘rsatish.

🟠Shu bilan birga, IT Park rezidentlari tomonidan amalga oshirilishi mumkin bo‘lgan faoliyat turlarini kengaytirilishi munosabati bilan IT Park rezidenti maqomini olish va undan mahrum qilishning qo‘shimcha asoslarini belgilandi.

#digital
#qaror

📌 Telegram | Facebook | Instagram | Youtube | Threads | Twitter

⚡️ “Raqamlashtirish sohasida malakali mutaxassislar tayyorlash faoliyatini qo‘llab-quvvatlash bo‘yicha qo‘shimcha chora-tadbirlar to‘g‘risida”gi Prezident qarori qabul qilindi

✍️ Qarorga muvofiq, 2024-yil 1-martdan boshlab:

⏺nodavlat ta’lim tashkilotlariga bitiruvchisi IT-xizmatlarni eksport qiluvchi tashkilotga ishga joylashganda, bazaviy hisoblash miqdorining 75 baravarigacha, nogironligi bo‘lgan yosh bitiruvchisi bunday tashkilotga ishga joylashgan hollarda esa 105 baravarigacha bir martalik subsidiya ajratish tizimini nazarda tutuvchi dastur;

⏺xalqaro IT-sertifikatlarga ega
yoshlarning o‘qish hamda ushbu sertifikatlarni olish xarajatlarining 60 foizgacha bo‘lgan qismini qoplab berish tartibi;

⏺ingliz tilida B2 va undan yuqori darajadagi sertifikatga ega bo‘lgan yoshlarning xalqaro IT-sertifikatlar olish xarajatlarini to‘liq qoplab berish tartibi joriy etiladi.

Batafsil: 👉 https://digital.uz/news/view/5394/

#digital
#qaror

📌 Telegram | Facebook | Instagram | Youtube | Threads | X

⚡️ “IT-xizmatlar eksporti yo‘nalishi bo‘yicha malakali mutaxassislarni tayyorlash faoliyatini qo‘llab-quvvatlash chora-tadbirlari to‘g‘risida” Vazirlar Mahkamasi qarori qabul qilindi

✍️ O‘zbekiston Respublikasi Prezidentining 2024-yil 1-fevraldagi qarorining 1-bandida nodavlat ta’lim tashkilotlariga bitiruvchisi IT-xizmatlarni eksport qiluvchi tashkilotga ishga joylashganda bazaviy hisoblash miqdorining 75 baravarigacha, nogironligi bo‘lgan yosh bitiruvchisi bunday tashkilotga ishga joylashgan hollarda esa 105 baravarigacha bir martalik subsidiya ajratish tizimini nazarda tutuvchi dastur joriy etish belgilangan.

✅ Dastur doirasida nodavlat ta’lim tashkilotlariga subsidiya quyidagi barcha mezonlar bajarilgan hollarda ajratiladi:

– IT-park rezidenti maqomiga ega bo‘lish;
– bitiruvchi ishga kirgan IT-xizmatlarni eksport qiluvchi tashkilot rezident maqomini olganiga olti oydan oshgan bo‘lishi;
– bitiruvchi IT-xizmatlar eksporti sohasida talab yuqori bo‘lgan Raqamli texnologiyalar vazirligi tomonidan tasdiqlanadigan o‘quv yo‘nalishlari bo‘yicha nodavlat ta’lim tashkilotida o‘qishni tamomlagan bo‘lishi;
– bitiruvchi IT-xizmatlarni eksport qiluvchi tashkilotda olti oydan ortiq muddat davomida uzluksiz ravishda ishlab kelayotgan bo‘lishi;
– bitiruvchi o‘qishni tamomlaganidan keyin uch oy muddatda eksport qiluvchi tashkilotlarga ishga joylashgan bo‘lishi;
– bitiruvchi ishga kirgan Kompaniyaning yillik eksport xizmatlari hajmi xodimlarga to‘langan umumiy yillik ish haqi miqdoridan kam bo‘lmasli belgilandi.

Batafsil: 👉 https://digital.uz/news/view/5796/

#digital
#qaror

📌 Telegram | Facebook | Instagram | Youtube | Threads | LinkedIn | X

⚡️ Ingliz tili bo‘yicha B2 va undan yuqori darajaga ega bo‘lgan yoshlarning professional darajadagi xalqaro IT-sertifikatlarni olish hamda o‘qish xarajatlari to‘liq qoplab beriladi – Vazirlar Mahkamasi qarori

✅ Vazirlar Mahkamasining “Xalqaro IT-sertifikatlarga ega yosh mutaxassislarni rag‘batlantirishga oid qo‘shimcha chora-tadbirlar to‘g‘risida” 2024-yil 17-fevraldagi 95-son qarori qabul qilindi.

❗️Qarorga ko‘ra, 1-martdan boshlab:

🔴 Xalqaro IT-sertifikatlarga ega yoshlarning o‘qishi hamda ushbu sertifikatlarni olish uchun sarf qilgan xarajatlarining 60 foizgacha bo‘lgan qismini qoplab beriladi.

🔴 Shuningdek, ingliz tili bo‘yicha B2 va undan yuqori darajaga ega bo‘lgan yoshlarning professional darajadagi xalqaro IT-sertifikatlarni olish hamda o‘qish xarajatlarini to‘liq qoplab berish belgilandi.

🔴 Bunda yoshlar xalqaro IT-sertifikatlarni olish xarajatlarini qoplab berish bo‘yicha Yagona interaktiv davlat xizmatlari portali (my.gov.uz) orqali elektron tarzda ariza yuboradi.

Batafsil: 👉 https://digital.uz/news/view/6060/

#digital
#qaror

📩Telegram 📱Facebook 📱 Instagram 📺Youtube 🐦 X 🌐 LinkedIn 🐦 Threads

⚡️ IT Parkning eksport faoliyatini amalga oshiruvchi rezidentlari uchun bir qator qo‘shimcha imkoniyatlar yaratildi

✍ O‘zbekiston Prezidentining “Mamlakatimizda raqamlashtirish sohasidagi xizmatlar eksportini rivojlantirishga doir qo‘shimcha chora-tadbirlar to‘g‘risida” 2024-yil 26-fevraldagi PQ–87-son qarori qabul qilindi.

Unga ko‘ra, quyidagilar belgilandi:

‼️ “Zero Risk” dasturi doirasida:

♦️ IT-Park tavsiyanomasiga asosan bo‘sh turgan davlat ko‘chmas mulk obyektlari bo‘lgan bo‘sh binolar va maydonlar (xonalar) bir yilgacha muddatga tekin foydalanish huquqi asosida beriladi;

♦️ IT-Park tomonidan xarid qilingan yangi kompyuter, boshqa texnika va jihozlar bir yilgacha muddatga tekin foydalanish huquqi asosida, keyinchalik ular 3 oylik davrda foizsiz bo‘lib to‘lash (xarid qilish) sharti bilan taqdim etiladi;

♦️ish haqi xarajatlari mehnat faoliyatini amalga oshiruvchi xodimlari soniga mutanosib ravishda bir yil muddatda 15 foizgacha miqdorda qoplab beriladi;

♦️inson resurslarini rivojlantirish yo‘nalishida xarajatlarining
bir qismi qoplab beriladi:

‼️“Local to Global” loyihasi doirasida:

🔹IT-Park tomonidan bepul maslahat (eksport mentoring) xizmatlari ko‘rsatiladi;

🔹jahon bozoriga chiqish yo‘nalishidagi xarajatlarning 50 foizgacha qismi chegaralangan miqdorlarda qoplab beriladi;

🔹nufuzli xalqaro platformalar va ta’lim yo‘nalishlarida o‘qish xarajatlarining yarmi qoplab beriladi.

🔹“Bir million dasturchi” loyihasi doirasida eksport yo‘nalishida talab yuqori bo‘lgan onlayn o‘quv kurslarida bepul o‘qish imkoniyati ta’minlanadi.

Shu bilan birga, O‘zbekistonning IT-salohiyatini jahon bozorida targ‘ib qilish, mamlakatimizga xorijiy kompaniyalarni va chet el buyurtmalarini keng jalb qilish maqsadida:

☑️ 2024-yilda Germaniya va Saudiya Arabistonda IT-Parkning vakolatxonasi (filiallari) faoliyati yo‘lga qo‘yiladi;

☑️xorijiy mamlakatlarda muntazam ravishda “O‘zbekiston IT-kunlari” xalqaro tadbirlari o‘tkaziladi.

#digital
#qaror

📩Telegram 📱Facebook 📱 Instagram 📺Youtube 🐦 X 🌐 LinkedIn 🐦 Threads

⚡️ Tadbirkorlarga raqamli texnologiyalar sohasida xizmatlar ko‘rsatish uchun qulay shart-sharoit yaratiladi

2024-yil 1-apreldan huquqiy eksperiment doirasida Dasturiy mahsulotlar va axborot texnologiyalari texnologik parki (IT-Park) rezidentlari tomonidan raqamlashtirish sohasidagi xizmatlar (ular amalga oshirishi ruxsat etilgan faoliyat turlari ro‘yxatiga muvofiq) eksporti bo‘yicha xalqaro platformalarda elektron shaklda rasmiylashtirilgan qiymati 100 ming AQSH dollarigacha (yoki ushbu ekvivalentga teng miqdorgacha) bo‘lgan shartnomalar (kelishuv, hisobvaraq-faktura, invoys) elektron hujjat sifatida tan olinadi hamda ularning qog‘oz shaklidagi nusxasi talab etilmaydi.

Batafsil: 👉 https://shorturl.at/glvEU

#digital
#qaror

📩Telegram 📱Facebook 📱 Instagram 📺Youtube 🐦 X 🌐 LinkedIn 🐦 Threads