Raqamli texnologiyalar vazirligi jonajon Vatanimiz kelajagi bunyodkorlari – Siz aziz yoshlarni 30-iyun – Yoshlar kuni munosabati bilan tabriklaydi

Bugungi kunda yurtimizda yoshlarga oid davlat siyosati zamonaviy bilim va ko‘nikmalarga ega, mamlakatning munosib kelajagi uchun javobgarlikni o‘z zimmasiga ola biladigan barkamol, maqsadga intiluvchan va serg‘ayrat yoshlarni tarbiyalashga yo‘naltirilgani bilan ahamiyatlidir.

Axborot va raqamli texnologiyalar sohasining barcha jabhalarida amalga oshirilayotgan islohotlarni yoshlarning mustaqil fikri, zamonaviy bilim va ko‘nikmalarisiz tasavvur qilib bo‘lmaydi.

Aziz O‘zbekiston yoshlari!

Bugungi kunda ko‘p millatli xalqimiz, Vatanimiz taraqqiyoti yo‘lidagi ulkan orzu-umidlar, katta rejalarining asosiy tayanchi va suyanchi sifatida Sizlarni ko‘rmoqda. Sizlar tom ma’noda yurtimiz istiqboli, yorug‘ kelajagimiz bunyodkorisiz!

Sizlarni bugungi bayramingiz – Yoshlar kuni bilan tabriklab, barchangizga sihat-salomatlik, baxt-saodat va yangi zafarlar tilaymiz.

Bayramingiz muborak bo‘lsin, aziz yoshlar!

#digital
#mitc
#yoshlar_kuni
#muhim_sana

📌 Telegram | Twitter | Facebook | Instagram | Youtube