#JARAYON

🏘 Qurilish va uy-joy kommunal xo'jaligi mas'ullaridan iborat ishchi guruh hududlarda qish mavsumini betalofat o’tkazish, aholini energiya resurslari bilan ta’minlash chora-tadbirlari yuzasidan amalga oshirib kelinayotgan ishlarni o'rganmoqdalar.

Jumladan, Surxondaryo viloyati Termiz shahri "Alpomish" MFYda joylashgan RK-6 isitish qozonxonasi (42 ta koʻp qavatli uy na va 3 ta ijtimoiy soha obyektlariga issiqlik beruvchi) va "Oʻzbekiston" MFYda joylashgan RK-6 isitish qozonxona (14 koʻp qavatli uylarga va 2 ta ijtimoiy soha obyektlariga issiqlik uzatuvchi)larining mavsumga shayligi ko’rib chiqildi.

Monitoring chog'ida sohaga doir muammo va kamchiliklarni bartaraf etish yuzasidan muhokamalar tashkil qilindi va aniq vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

📹 #ONLAYN

Energiya resurslaridan oqilona foydalanish va uni iqtisod qilish yuzasidan seminar tashkil etildi

Xabar berib kelayotganimizdek, davlatimiz rahbarining tegishli topshirig’i asosida O’zbekiston Respublikasi Prezidenti Administratsiyasi, Prokuratura, vazirlik va idoralar mutasaddilaridan iborat ishchi guruhi tashkil etilgan bo’lib, kuz-qish mavsumini betalofat o’tkazish, aholini energiya resurslari bilan ta’minlash chora-tadbirlarini amalga oshirish yuzasidan qator ishlar olib borilmoqda.

O’rganishlar davomida aniqlangan bir qator kamchiliklar, xususan, elektr energiyasini behuda sarflash holatlari, aholiga kommunal resurslarni taqdim qiluvchi va ushbu sohada xizmat ko’rsatuvchi tashkilotlar mutaxassislarining energosamaradorlikni ta’minlash yuzasidan ko’nikmalarini oshirish zaruratini paydo qilmoqda.

Shu bois daxldor tashkilotlar hamkorligida mamlakatimizda kuz-qish mavsumini betalofat o’tkazishga mas’ul bo’lgan bir qator soha mutaxassislari uchun seminar tashkil etildi.

🟢 Tadbirni O’zbekiston Respublikasi Prezidenti maslahatchisi Doniyor Qodirov kirish so’zi bilan ochib berdi.

- Ishchi guruhimiz joylarda ko’p qavatli uylar hamda ijtimoiy soha obyektlarini kuz-qish mavsumiga tayyorlash yuzasidan olib borilgan ishlarni o’rganishi davomida bir qator kamchiliklarga guvoh bo’lyapmiz. Energosamaradorlikka amal qilmaslik, savdo-maishiy shaxobchalarda kunduzi ham chiroqlar yonib turgani bu borada amalga oshirishimiz lozim bo’lgan ishlar ko’p ekanligini ko’rsatmoqda. Shu ma’noda sohaga daxldor barchani bir manzilda yig’ib, mavzuning qay darada aktual ekanligini ta’kidlamoqchimiz,- dedi D.Qodirov.

Tadbirda energetik xavfsizlik, samaradorlik, resurslarni iqtisod qilish imkoniyati ilmiy yechimlar asosida tushuntirib berilmoqda.

Seminar davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|