#REYD

🔵Sirdaryo viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi boshchiligidagi ishchi guruh tomonidan qurilish obyektlarida nazorat tadbirlari olib borilmoqda.

Jumladan, Boyovut tumani "Shirin" mahallasida barpo etilayotgan quvvati 1573 MWT bo‘lgan Issiqlik elektr stansiyasi qurilishi ishchi guruh tomonidan o‘rganildi.

Nazorat tadbirlari davomida qurilish jarayonlarida quyidagi qoidabuzarliklarga yo‘l qo‘yilganligi aniqlandi:

➖texnik, mualliflik va ichki nazorat ishlari belgilangan tartibda olib borilmagan;
➖metall konstruksiyalarga korroziyaga qarshi ishlov berilmagan va bo‘yalmagan;
➖poydevor osti va poydevor izolyatsiya ishlari bajarilmagan;
➖nazorat davri mobaynida qurilish uchun keltirilgan materiallarning sifat sertifikatlari taqdim etilmadi.

✅ Inspeksiya xodimlari tomonidan buyurtmachi va pudratchilarga qurilish-montaj ishlarini loyihaga muvofiq sifatli bajarish hamda qoidabuzarliklarni bartaraf etish bo‘yicha elektron yozma ko‘rsatmalar berildi hamda uning ijrosi qat'iy nazoratga olindi.

#SIRDARYO

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#REYD

Bino devorlari buzdirildi...

🚨 Namangan viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi qurilish sinov laboratoriyasi xodimlari tomonidan Yangi Namangan tumani Furqat mahallasi hududida “Shabnam betakror qurilish” MCHJ tomonidan barpo etilayotgan savdo va maishiy xizmat ko‘rsatish shoxobchalarini o‘z ichiga olgan ko‘p qavatli turar joy binosida monitoring ishlari o‘tkazildi.

⏺ O'rganish jarayonida binoning orayopma temir beton plitalaridagi oraliq choklar beton qorishmasi bilan to‘ldirilmagani, bino qavatlaridagi parda devorlar loyiha talabi asosida bajarilmagani, oraliq g‘isht terish ishlarida gorizontal, vertikal choklar sementli qorishma bilan to‘ldirilmagani va choklarning masofaviy o‘lchamlari saqlanmagani aniqlandi.

Shu bois inspeksiya mas'ullari tomonidan joyida kamchiliklarni bartaraf etish maqsadida devorlar va sifatsiz bajarilgan g‘ishtlar buzdirildi hamda kelgusida bunday kamchiliklarni qayta takrorlamaslik bo‘yicha yozma ko‘rsatmalar berildi.

#NAMANGAN

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#REYD

🚨 Toshkent shahrida yana bir sifatsiz qurilish to‘xtatildi

Bektemir tumanida qurilayotgan maktabgacha ta’lim tashkiloti binosi Qurilish va uy-joy kommunal xo'jaligi sohasida nazorat qilish inspeksiyasi xodimlari tomonidan o‘tkazilgan navbatdagi monitoring natijasida to‘xtatildi. Tekshiruv davomida obyekt qurilishida sifatsiz temir-beton plitalar olib kelingani va foydalanilgani aniqlandi.

Aniqlangan qoidabuzarliklar yuzasidan qurilish mas’ullariga elektron yozma ko‘rsatmalar berildi. Shuningdek, sifatsiz temir-beton plitalar buzdirilib, ishlab chiqaruvchi korxonaga qaytarildi.

📌 Sifatsiz qurilish materiallarini ishlab chiqargan korxonaga nisbatan tegishli taqdimnomalar kiritildi, obyektning qurilish-montaj ishlari esa vaqtinchalik to‘xtatildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|