#JARAYON

Mamlakatimizning barcha hududlarida ko’p xonadonli uylarga xizmat ko’rsatish sohasini takomillashtirish yuzasidan salmoqli ishlar amalga oshirilmoqda. Aholining eng zarur ehtiyojlari bilan bog’liq tizimdagi bunday ishlar, eng avvalo, yurtdoshlarimiz turmush tarzini yaxshilash uchun xizmat qilmoqda.

🏘 Ta’kidlaganimizdek, vazir o’rinbosari Ozoda Jo’rayeva qator hududlarda bo’lib, ayni tizimdagi islohotlarning borishi hamda sohadagi mavjud muammolarni o’rganmoqda.

Bugun Xorazm viloyatiga yetib kelgan vazir o’rinbosari Urganch shahrida joylashgan 307 ta ko’p qavatli uyga xizmat ko’rsatib kelayotgan “Xorazm shinam uylar” boshqaruv servis kompaniyasi faoliyatini o’rgandi.
2024-yil tashkil etilgan kompaniya hududdagi 8 ta boshqaruv tashkilotlarini optimallashtirish asnosida tashkil etilgan.

Ozoda Jo’rayeva kompaniyada murojaatlarni qabul qilish tartibi, dispetcherlik faoliyati, aholiga xizmat ko’rsatishda ishchi-xodimlar hamda moddiy-texnika bazasining shayligini ko’zdan kechirdi.

- Kompaniya qamrovi juda katta, bu juda yuksak mas’uliyat, degani. Bir-biriga bog’liq tarmoqlardan iborat murakkab sohada har qaysi jihatga alohida e’tibor berish shart, - dedi Ozoda Jo’rayeva.

Shu bilan birga mas’ullar qo’shimcha servis xizmatlari va tadbirkorlik faoliyatlarini kengaytirish orqali mulkdorlarga yanada qulaylikni ta’minlash yo’lida erishilayotgan natijalar bilan tanishdilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📌 Vazir o'rinbosari Xivada

Ozoda Jo'rayeva ko'p qavatli uylarga xizmat ko'rsatish sohasidagi ishlar bilan tanishish maqsadida Xiva shahri “Xiva brend servis” boshqaruv servis kompaniyasida bo'ldi.

Boshqaruv organi bugungi kunda 300 ta xonadondan iborat 11 ta ko‘p kvartirali uyga xizmat ko‘rsatib kelmoqda. Ozoda Jo'rayeva kompaniya binosi, unda tashkil etilgan dispetcherlik xizmati, boshqaruv tashkilotining moddiy-texnika bazasi bilan tanishdi. 1 ta avtotransport, 2 ta mototransport, 20 dan ortiq har xil turdagi asbob-uskunalarga ega bo'lgan kompaniyaga qo'shimcha tadbirkorlikni kuchaytirish bo'yicha zarur tavsiyalar berildi.

Shuningdek, “Xiva brend servis” aholining debitor qarzdorligini undirish yo'lida ham qator ishlarni amalga oshirgan. Birgina 2024-yil mobaynida 42,2 mln so‘m aholi qarzdorligi undirilgan bo'lib, bu bo'yicha tizimli ishlar davom ettirilmoqda.

- Xiva shahridagi o'zgarishlar meni juda quvontirdi. Bir yil avval mazkur hududlarda muammolar yetarli edi. Demak, harakat va mas'uliyat bilan har qanday muammoga yechim topish mumkin,- dedi Ozoda Jo'rayeva.

Ozoda Jo'rayeva kompaniya xizmat ko'rsatuvchi ko'p qavatli uylarning texnik holatini ham o'rgandi. Ish samaradorligini oshirish yuzasidan mas'ullarga tegishli topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📍 Xiva shahridagi keyingi manzil “Xiva kalta minor” boshqaruv servis kompaniyasi binosi bo'ldi. Ozoda Jo'rayeva kompaniya binosida ishchi-xodimlar va aholi uchun yaratilgan sharoitlar bilan yaqindan tanishdi. Dispetcherlik faoliyati qanday tashkil etilganligi bilan qiziqdi. Kompaniyaning moddiy-texnika bazasi, qo'shimcha tashkil etilgan tadbirkorlik faoliyatlari, xususan temir eshiklarni ishlab chiqarish ustaxonasi faoliyati ko'zdan kechirildi.

- Imkon izlaganga yo'l topiladi, deb bejizga aytishmagan. Haqiqatan, bugun kommunal sohada qo'shimcha daromad topish va o'z ishini rivojlantirishga barcha sharoitlar bor. U qaysi hudud bo'lmasin, biz tashabbuskor, mehnat va mas'uliyatdan qochmaydigan tadbirkorlarimizni qo'llab-quvvatlaymiz,- dedi Ozoda Jo'rayeva.

Ma'lumot uchun, boshqaruv tashkiloti 2 552 ta xonadondan iborat 162 ta ko‘p kvartirali uyga xizmat ko‘rsatib keladi va bugungi kunda 1 ta avtotransport, 1 ta mototransport, 30 ta xar xil turdagi asbob-uskunalarga ega. Kompaniyada 22 ta ishchi-xodim va mutaxassislar faoliyat yuritib kelmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

📌 Tuproqqal’a tumanida ham o’rganish ishlari olib borildi

Ozoda Jo’rayeva Xorazmning eng qadimiy hududlaridan biri bo’lgan Tuproqqal’a tumanida ham bo’ldi. Mazkur tumanda 97 ta ko’p qavatli uy mavjud bo’lib, 2 ta boshqaruv organlari tomonidan xizmat ko’rsatiladi.

Vazir o’rinbosari tumandagi ko‘p kvartirali uy-joylarning texnik holatini ko’zdan kechirdi. Shuningdek, “Drujba foton” va “Obod city” boshqaruv servis kompaniyalarining faoliyati o’rganildi. Mas’ullarga sohani takomillashtirish, yangi bosqichga olib chiqish yuzasidan aniq vazifalar belgilandi. Ozoda Jo’rayeva jarayonda aholi bilan suhbatlashib, ularning sohaga doir muammolari bilan ham qiziqdi. Aniqlangan kamchiliklar va mulkdorlar murojaatini o’z vaqtida bartaraf etish bo’yicha topshiriqlar berildi.

Ma’lumot uchun, 2024-yilda tumandagi 49 ta qizil toifadagi va 461 ta sariq toifadagi elektro-shitlar mahalliy budjet mablag‘lari hisobidan ta’mirlash ishlari bajarilgan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Ozoda Jo’rayeva Sirdaryoda

Ta’kidlab kelayotganimizdek, vazir o’rinbosari hududlarda ko’p qavatli uylarga xizmat ko’rsatish sohasida amalga oshirilayotgan ishlar ustidan nazorat ishlarini amalga oshirmoqda.

Xususan, Sirdaryo viloyatida ham bir qator boshqaruv organlarining faoliyati o’rganildi. Viloyatning Guliston shahri “Boston” MFYda joylashgan 52 ta ko‘p qavatli uyga xizmat ko‘rsatib kelayotgan “Istiqlol kommunal” boshqaruv tashkiloti tomonidan amalga oshirilayotgan ishlar, obodonlashtirish, kuz-qish mavsumiga tayyorgarlik holatlari ko’zdan kechirildi. Kompaniyaning ko’p qavatli uylarni ekspluatatsiya qilishdagi hamda aholi bilan ishlashdagi kamchiliklari tanqid qilindi.

Ozoda Jo’rayeva ish samaradorligini zamonaviy talablar asosida doimiy oshirib borish lozimligini, kompaniya binosida avvalo, ishchi-xodimlarga sharoit yaratish zarurligini ta’kidladi.

- Ishchi-xodimlari resurslari eng qimmatli resursdir. Biz boshqaruv organlari faoliyatida ham mutaxassislarimizga yaxshi sharoit yaratib berishimiz kerak. Chunki bizning xodimlar eng mashaqqatli mehnatni amalga oshiradilar, - dedi Ozoda Jo’rayeva.

Shuningdek, mutasaddilar hududda yakunlangan RK-1 va RK-2 qozonxonalari faoliyati bilan tanishib, aniqlangan bir qator kamchiliklar bo‘yicha tegishli mas’ullarga topshiriqlar berdilar.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Ma'lum qilinganidek, Qurilish va uy-joy kommunal xo'jaligi vaziri o'rinbosari Ozoda Jo'rayeva respublikaning barcha hududlarida ko'p kvartirali uylarga xizmat ko'rsatish, issiqlik ta'minoti tizimi yuzasidan amalga oshirilayotgan ishlarni o'rganmoqda.

Navbatdagi manzil Andijon viloyati "Yangi Andijon" shahri bo'ldi. Shahar qurilishi bundan 4 yil avval qir-adirlarni o‘zlashtirish va tuproq ishlarini bajarishdan boshlangan edi. Hozirga qadar 100 ga yaqin uy-joylar foydalanishga topshirilib, mazkur uylarda 2 000 nafardan ortiq aholi istiqomat qilmoqda.

Ozoda Jo'rayeva shaharda tashkil etilgan "Yangi Andijon obod servis" BSK faoliyati bilan yaqindan tanishdi. So'nggi talablar va sharoitlar bilan ish boshlagan kompaniyaning boshqaruv binosi, moddiy-texnika bazasi, aholi uchun yaratilgan qo'shimcha imkoniyatlarni ko'zdan kechirdi. Yangi uylarga individual issiqlik punktlari (IIP) o'rnatilgan bo'lib, kompaniya issiqlik ta'minoti korxonalari bilan hamkorlikda mazkur yo'nalishda ham mulkdorlarga xizmat ko'rsatib kelmoqda.

- Bu yangi joylar, obod makonlar hurmatli yurtboshimizning xalqchil o'y-fikrlari asnosida qad rostlamoqda. Haqiqatan mamlakatimizda inson qadri, uning yaxshi sharoitlarini ta'minlash bugun asosiy mezonga aylanib ulgurdi. Bizning vazifamiz ana shu imkoniyatlarni yanada takomillashtirish, yurtdoshlarimizga sifatli xizmat ko'rsatishdan iborat, - dedi vazir o'rinbosari.

Jarayonda boshqaruv organi mas'ullariga ish samaradorligini oshirish yuzasidan tavsiyalar berildi. Bunda tadbirkorlikni rivojlantirish, qo'shimcha servis xizmatlari turlarini ko'paytirish lozimligiga alohida urg'u berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✈️Telegram| 📹Youtube|

#JARAYON

📍Avval xabar berganimizdek, Qurilish va uy-joy kommunal xoʻjaligi vaziri oʻrinbosari Toir Alimatov boshchiligidagi ishchi guruhi Surxondaryo viloyatida boʻlib turibdi.

Navbatdagi manzil Termiz tumani “Yangi Oʻzbekiston” massivida barpo etilayotgan Termiz pedagogika universiteti boʻldi. Bu yerda qurilish me’yorlariga amal qilinmayotgani tanqid qilindi. Vazir oʻrinbosari eng avvalo, quruvchilarning hayoti va xavfsizligi muhim ekanini, ishchilarni maxsus ust-bosh bilan taʼminlash lozimligini taʼkidladi. Shu bois obyekt masʼullariga qurilish madaniyati va xavfsizlik texnikasi qoidalariga amal qilish boʻyicha koʻrsatmalar berildi.

Shuningdek, oliygoh oʻz nomiga monand boʻlishi qayd etildi.

“Bu yerdan kelajagamiz liderlari yetishib chiqadi. Universitet esa ularning taʼlim olishlari uchun qulay, xavfsiz hamda kamchiliklarsiz boʻlishi kerak”, - deya taʼkidladi Toir Alimatov.

Bundan tashqari energosamaradorlik qoidalariga amal qilish zarurligi qayd etildi. Jarayonda hududiy inspeksiya mutaxassislariga tegishli koʻrsatmalar berilib, aniqlangan muammolarni tezkorlik bilan bartaraf etish lozimligi tushuntirildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|