🇹🇯🇮🇷07-уми майи соли 2025, Теҳрон (Эрон). – Вазири энергетика ва захираҳои оби Ҷумҳурии Тоҷикистон, раиси ҷониби тоҷикистонии Комиссияи муштараки Тоҷикистону Эрон оид ба ҳамкориҳои тиҷоратӣ, иқтисодӣ, техникӣ, илмӣ ва фарҳангӣ Далер Ҷумъа бо муовини аввали Президенти Ҷумҳурии Исломии Эрон Муҳаммадризо Ориф вохӯрӣ намуд.

Зимни мулоқот ҷонибҳо аз рушди босуботи муносибатҳои дуҷониба изҳори қаноатмандӣ намуда, густариши ҳамкориҳои байнидавлатиро дар соҳаҳои муҳими иқтисодӣ ва иҷтимоӣ натиҷаи иродаи сиёсӣ ва талошҳои муштараки роҳбарони ҳар ду кишвар арзёбӣ карданд.

Бо хушнудӣ зикр гашт, ки дар се моҳи аввали соли 2025 гардиши савдои дуҷониба 110,6 млн долларро ташкил намуда, нисбат ба ҳамин давраи соли гузашта 33,2 млн доллар ё 42,9 фоиз зиёд мебошад.

Ҷонибҳо барои боз ҳам тақвият бахшидани робитаҳои тиҷоратӣ ва боз намудани имкониятҳои нави сармоягузорӣ изҳори ҳавасмандӣ намуданд.

Дар идома густариши ҳамкорӣ дар бахшҳои энергетика, нақлиёт, саноат, илму техника ва дигар соҳаҳои стратегӣ мавриди муҳокима қарор гирифт.

Дар ин росто, масъалаи таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар шаҳри Душанбе ҳамчун иқдоми муҳими таҳкими ҳамкориҳои дуҷониба пешниҳод ва баррасӣ шуд.

Вазири энергетика ва захираҳои оби Ҷумҳурии Тоҷикистон Далер Ҷумъа аз тасдиқ гардидани иштироки муовини аввали Президенти Ҷумҳурии Исломии Эрон Муҳаммадризо Ориф дар Конфронси байналмилалӣ оид ба ҳифзи пиряхҳо, ки 29-31-уми майи соли ҷорӣ дар шаҳри Душанбе баргузор мегардад, истиқбол намуд.

Муфассал
Подробнее

✅@mewrtj

Дар шаҳри Кӯлоб таҳти раёсати муовини Сарвазири Ҷумҳурии Тоҷикистон Усмоналӣ Усмонзода вобаста ба масъалаҳои пешгирии насб ва истифодаи таҷҳизоти истеҳсоли криптоасъор, ғайримақсадноку ғайриқонунии истифодаи неруи барқ, паст кардани талафоти неруи барқ ва ҷамъоварии пурраи маблағи неруи барқи истифодашуда дар филиали ҶСК “Шабакаҳои тақсимоти барқ” дар шаҳри Кӯлоб машварати корӣ баргузор гардид.

✅ @mewrtj

​ҶАНГИ БУЗУРГИ ВАТАНӢ: САҲМИ ЗАФАРМАНДОНИ ТОҶИК ДАР ТАЪМИНИ ҒАЛАБА БУЗУРГ АСТ

Ҳарчанд ки солҳои мудҳиши Ҷанги Бузурги Ватанӣ аз мо дур мешаванд, корнамоиҳо ва ҷоннисориҳои фарзандони ҷасури халқи Иттиҳоди Ҷумҳуриҳои Шӯравии Сотсиалистӣ (ИҶШС), аз ҷумла шаҳрвандони Ҷумҳурии Тоҷикистон, бо гузашти вақт боз ҳам возеҳтару равшантар ба назар мерасанд. Ҳамасола 9-уми май - Рӯзи Ғалаба бар фашизмро мардуми сулҳпарвари ҷаҳон бо ифтихору тантана таҷлил мекунанд.

Ҷанги Бузурги Ватанӣ яке аз саҳифаҳои пурфоҷеа, вале ҳамзамон пуршараф ва саршор аз қаҳрамониҳо дар таърихи халқи тоҷик ба шумор меравад. Германияи фашистӣ 22 июни соли 1941, соати 4-и субҳ, бе эълони ҷанг ва аҳдшиканона ба Иттиҳоди Шӯравӣ ҳуҷум кард.

Тоҷикистон, ки он замон ҷузъи ҷудонопазири ИҶШС буд, дар ин ҷанг саҳми арзишманду таърихӣ гузошт. Зиёда аз 300 ҳазор шаҳрванди кишвар ба майдони ҷанг сафарбар шуданд, ки 50 фоизи аҳолии қобили меҳнати кишварро ташкил медод. Беш аз 100 ҳазор нафари онҳо дар муҳорибаҳо қурбон шуда, зиёда аз 40 ҳазор беному нишон гардиданд ва 60 ҳазор нафари дигар аз ҷанг бо маъюбият баргаштанд. Онҳо бо мардонагиву шуҷоат, паҳлу ба паҳлуи дигар халқу миллатҳои ИҶШС, зидди истилогарони фашистӣ мубориза бурданд.

Мардуми тоҷик дар баробари набард дар фронт, дар ақибгоҳ низ дар таъмини ғалаба саҳми бузург гузоштанд - ғаллаву озуқа, сару либос, пул ва дигар маводи заруриро барои фронт фиристода, қаҳрамонӣ нишон доданд.

Имрӯз, ки мо 80-солагии ин ғалабаи таърихиро таҷлил менамоем, бо сарфарозӣ ва эҳтиром онҳоеро ёд меорем, ки барои оромиву осоиштагии ояндагон ҷонбозиҳо карданд. Маҳз иттиҳоду якдилии халқҳо, дӯстиву бародарии онҳо, иродаи қавӣ ва ватандӯстӣ ба ин пирӯзии бузург асос гузоштанд.

Зоҳир НАБИЕВ, сармутахассиси раёсати захираҳои оби Вазорати энергетика ва захираҳои оби Ҷумҳурии Тоҷикистон

Муфассал

✅ @mewrtj

13-16-уми май дар шаҳри Душанбе ҷаласаи навбатии Гурӯҳи кории муштарак ва Шурои байниҳукуматии Лоиҳаи минтақавии интиқоли неруи барқи «CASA-1000» баргузор мегардад.

Дар назар аст, ки 13-14 -уми май дар Китобхонаи миллии Тоҷикистон ҷаласаи навбатии Гурӯҳи кории муштарак доир гардад. Дар он ҳайатҳои расмии аъзои лоиҳа, коршиносон, инчунин намояндагони шарикони рушд ва дигар ҳайатҳо иштирок менамоянд.

15-уми май дар Китобхонаи миллии Тоҷикистон Шурои байниҳукуматии Лоиҳаи минтақавии «CASA-1000» баргузор мегардад.

16-уми май иштирокчиёни ҷаласа бо зеристгоҳи конветорӣ бо иқтидори 1300 мегаватт дар мавзеи Сангтӯда ва Неругоҳи барқи обии «Норак» шинос мешаванд.

Муфассал
Подробнее

✅ @mewrtj

Иштироки корманди Вазорати энергетика ва захираҳои оби Ҷумҳурии Тоҷикистон дар барномаи «Суҳбати рӯз»-и телевизиони «Баҳористон»

Дар барномаи мавзуъҳои зерин матраҳ гардиданд:
🔹Фарҳанги истифодаи сарфакоронаи неруи барқ;
🔹Чорабиниҳои фаҳмондадиҳӣ ва иттилоотӣ миёни аҳолӣ доир ба истифодаи оқилонаи неруи барқ;
🔹Масъалаи кам намудани талафоти неруи барқ;
🔹Тағйирот ба Кодекси ҳуқуқвайронкунии маъмурӣ ва Кодекси ҷиноятии Ҷумҳурии Тоҷикистон вобаста ба истифодаи ғайриқонунии неруи барқ.

Ҳадафи ташкили барномаи мазкур баланд бардоштани сатҳи маърифати ҳуқуқӣ ва фарҳанги энергетикии шаҳрвандон, инчунин тақвияти ҳамкориҳои ҷомеа бо ниҳодҳои давлатӣ ҷиҳати истифодаи самараноки захираҳои энергетикӣ мебошад.

✅ @mewrtj