ДАБРАНАЧ - АД МАТУЛІ.

"Гэта лета прайшло назаўсёды,
Гэта лета ў сэрцы маім.
У небе хмары вядуць карагоды,
Навяваючы мне ўспамін.

Колькі момантаў зноў перажыта,
Сэрца б’ецца хутчэй у грудзях.
Колькі дзён назаўсёды забыта,
Попел часу застыў на вачах.

І жыццё прабягае няспынна,
Гэта лета ў сэрцы маім,
Яно будзе заўсёды гасцінна,
У душы саграваць успамін."

      ( МІКІТА ПРЫХОДЗЬКА )

Пэўна лета - вельмі важны час ! Пытаюцца ж "сколько человеку лет" ?!) Значыць, назапашваем як мага больш "летаў" у сваім жыцці, Сябры 💪!

Яшчэ адно - перажылі...

Дзякуй Богу, усё ладна. Мірна. Сытна. Была і праца, і адпачынак. І надвор'е не падвяло. Прыгажосць навокал - прырода буяла !
І настрой летні - ён заўсёды асаблівы. Разняволены, сонечны, шчаслівы, светлы, з надзеяй...

Калі што не так - будзем чакаць наступныя чэрвень-ліпень-жнівень, каб ужо "на ўсю катушку" ! А пакуль скажам : "Лета, бывай, ты - цудоўнае" і заснем, каб прачнуцца ўвосень...

ДАБРАНАЧ, СЯБРЫ ❤️ !
Я была рада ВАМ гэтым летам 🌻

ДОБРАГА ДНЯ !
МАТУЛЯ ВІТАЕ !

"Дзень першы восені. А гэткі,
Што восень цяжка распазнаць.
Гараць, як летам, ярка кветкі,
Сады зялёныя стаяць.

Ды між плывучай павуціны
Яе настойлівасць відна —
Загад свой піша на рабіне
Ў чырвоных літарах яна.

Запахла бульбаю пячонай,
Туман дыміцца ля ракі.
Пакінуць кут свой улюбёны
Не хочуць, раяцца шпакі.

А школьнікі з вясёлым гулам
Да школ вярнуліся з лясоў.
I сэрца даўняе адчула,
Нібыта з імі сам пайшоў."

( ПЯТРУСЬ БРОЎКА )

Ці то восень наступіла, Сябры 😉? Непрыкметна неяк, уначы размінулася з летам і не стала кардынальна нічога мяняць:тое ж сонца, спякота, тое ж буянне прыроды...Нават дзеці ў школкі - не пабеглі, быццам жнівень затрымаўся на дзянёк !

Прывітанне,ВЕРАСЕНЬ !
Твой пачатак - ласкавы, шчыры, цудоўны !
Вітаем і просім, каб гэтая восень нічога добрага не зменьшыла ў нашым жыцці, толькі дадала...І мы будзем старацца так жыць,каб навокал не разбуралася, а расло, цвіло, ззяла !

ДОБРАГА ВЕРАСНЁЎСКАГА ДНЯ, ЛЮДЗІ ❤️!

ЦЁПЛАЙ, ШЧАСЛІВАЙ ВОСЕНІ, БЕЛАРУСЫ 🌞!

КУЛЬТУРНАЯ ПАЛІТРА БЕЛАРУСІ. ВІЦЕБСК.

КУЛЬТУРНАЯ ПАЛІТРА БЕЛАРУСІ. МІНСК.

КУЛЬТУРНАЯ ПАЛІТРА БЕЛАРУСІ. СТРОЧЫЦЫ. МІНШЧЫНА.
Музей народнай архітэктуры і побыту запрашан на акцыю «Дзень ведаў» !

1 верасня 2024 года
15:00

Музейная акцыя пазнаёміць з сістэмац адукацыі і навучання дзяцей у канцы XIX ст. на прыкладзе помніка архітэктуры «Народнае вучылішча з в. Калодчына Вілейскага раёна Мінскай вобласці».

Вас чакае:
🔸 Расповед пра сістэму адукацыі к. XIX пач.- XX стст.;
🔸 Экскурсія па помніку народнай архітэктуры «Народнае вучылішча з в. Калодчына Вілейскага раёна.

etna.by

КУЛЬТУРНАЯ ПАЛІТРА БЕЛАРУСІ. СУЛА. МІНШЧЫНА.
Парк Сула запрашае на самыя цікавыя ўрокі гісторыі і музыкі.

Для школьнікаў, малых дзетак, бацькоў і проста дарослых, прапануем:
⭐️ праграму ў цэнтры з нашай сульскай настаўніцай, якая правядзе незвычайныя ўрокі, сярод якіх "Гукі беларускай музыкі" з вакалістамі і музыкамі народнага хору імя
Г. І. Цітовіча. Ну і канешне, яскравыя перапынкі з гульнямі!!
І яшчэ:
⭐️ лялечны тэатр «Батлейка»
⭐️ інтэрактыўныя пляцоўкі з цікавымі гістарычнымі аповедамі

КУЛЬТУРНАЯ ПАЛІТРА БЕЛАРУСІ. БРЭСТ.

НАША НАДВОР'Е.

Прагноз надвор'я па Беларусі на 1 верасня.

Чакаецца пераменная воблачнасць.
Месцамі кароткачасовыя дажджы,
⚡️ ☔️ навальніца.
🌬 Вецер паўночна-ўсходні ўмераны,
💨 пры навальніцах парывісты.
Тэмпература паветра максімальная днём ад + 20°з па паўночным захадзе да +32°з па паўднёвым усходзе краіны.

У Мінску:
пераменная воблачнасць.
Без істотных ападкаў (верагоднасць ападкаў 5-10 %).
Вецер паўночна-ўсходні ўмераны.
Тэмпература паветра:
раніцай +16..+19 ° з,
днём +23..+25 ° з,
увечары +20..+22°з.

НАШ КАЛЯНДАР.
НАРОДНАЕ.
БЕЛАРУСЫ ПРЫКМЯЧАЛІ...

1 верасня - Андрэй-Страцілат.
У гэты дзень раілі паклапаціцца пра утульнасць і бяспеку свайго жытла, падрыхтаваць хату да сезонных змен.

Для сялян лічылася - прыйшоў час убіраць буракі. Іх вельмі цанілі, лічылі, што яны лечаць ад хвароб.

Нашы продкі прыкмецілі, што 1 верасня часта дзьме цёплы паўднёвы вецер, які так і звалі – цяпляк. Казалі: "Бацечка поўдзень пусціў вецер на авёс-даўгарост".

Па народным календары ў першы дзень восені імяніны ў Андрэя, Мікалая, Цімоха, Тэклі.

Прыкметы надвор'я:
якое надвор'е сёння, такім яно будзе цэлую восень; туман з раніцы прарочыў снежную зіму;
калі вецер дзьме поўдня, то ўраджай аўса будзе багаты.

НАШ КАЛЯНДАР.
ВЕРАСЕНЬ. ЭТЫМАЛОГІЯ.

Вресень, руін, ріень, зарев - гэтым старабеларускім найменням
дзевятага месяца года адпавядае сучаснае беларускае верасень, што
паходзіць ад слова "верас" (менавіта ў гэты час расліна пачынае красаваць).

Ва ўкраінскай мове першы месяц восені таксама вересень, у чэшскай - zari,
польскай - wrzesien. У англічан, французаў і немцаў - варыянты рымскага
september.

Рымскі september меў 29 дзён (адзін дзень дадаў Юлій Цэзар у 46
годзе). Рымляне прысвячалі яго Вулкану, богу агню, і святкавалі Вулканаліі,
забіваючы ў ахвяру парася і цяля.

У старажытных грэкаў на працягу дзевяці дзён адбываліся "містэрыі", таемныя культы. У іх прымалі ўдзел толькі пасвячоныя, якія рабілі ахвяры з
захаваннем асаблівых абрадаў. Паказваліся ўдзельнікам абразы багоў і знакі- сімвалы, што да гэтага часу старанна ўтойваліся.

НАШ КАЛЯНДАР.
ВЕРАСЕНЬ : НАРОДНЫЯ ПРЫКМЕТЫ.

Шматгадовыя назіранні за прыродай, за асаблівасцямі раслін і паводзінамі жывёл
адлюстраваны ў мудрых народных прыкметах.

🐱Каток-вуркаток вымываецца і сцены шкрабае - на непагадзь, а на спіне качаецца - на добрае надвор'е.
🕸Імклівыя павучкі па хованках разбягаюцца - непагадзь наступае. Плятуць
свае красёнцы павукі ў паўднёвым напрамку - пацяплее, а ў паўночным -
пахаладае.
🦃Цецярукі на верхалінах дрэў расселіся - на яснае надвор'е.
🌧Воблакі
цягнуцца з поўначы на поўдзень - на сонечнае надвор'е, а наадварот - чакай непагадзь.
⚡️Вераснёўскія перуны абяцаюць цёплую восень.
🦆Тлушчам пер'е ў гусей,качак і курэй пакрываецца - халады набліжаюцца.
☁️Воблакі нізка
сцелюцца - чакай халадоў. 🌫Туманы на зямлю прылягаюць - пацяплее хутка.
🌳Калі лісты на дрэвах моцна трымаюцца - абавязкова чакай позняй зімы.