لُری

📚🌸غزلی زیبا از استاد #عزیز_نادری
👇👇👇👇👇👇👇

مِه وِه دورِ نیرِ عشقِت بیمَه پاپریکِ زارئ
که نه قُرپِ مَنِه دارَه نه جسارَتِ فرارئ

#نیر👈نور
#پاپریک👈پروانه
#قرپ👈عزت
#منه( مَنِن)👈ماندن
✦
سی چئ هِه سر وِه هوایی،سیلی هم وِه زیرِ پات کو
که خزونِ عاشقونِت بِییرَه رنگِ بِهارئ
✦
سَرِ سوزِت وِه سلامت تا زِمونئ تونِه دارِم
دسِ حاجت سی چی بُورِم وِه هناسِ کس وُ کارئ

#وه_هناس👈 به سمتِ( هناس: راستا، جهت، سمت )
✦
اَر ایسِه چی تک درختئ که دِ زورِ سوز وُ سرما
نَمَنَه وِ تَلِ هُشکِم اثرئ دِ بلگ وُ باری

#نمنه👈 نمانده
#تَل👈 نهال، شاخه
✦
وَختِشَه هنی بِیینم سوزِ سیلِ آسمونِه
نمونه دِ وَشتِ بارو وِه سَرِم توژِ غوارئ

#هنی👈دوباره، باز
#سوزسیل👈 رنگین کمان #وشت👈بارش ممتد
#توژ👈 لایه
#غوار👈غبار
✦
اَر بویی دشمنِ جونم ایقه نازِتِه مئ کَشِم
که بیای تَر دِ جفا وُ بویی دوسِ لادِرارئ

#بیایی_تر👈 خسته شوی
#لادرار👈 حامی، طرفدار

تو"عزیز" دونم آخِر ایقدر جفا میینی
که بوُوه ستم کشی تو مَتَلی سئ روزگارئ


🌺🌸🌺🌸

@nayekash
نای کش