Ці ведалі вы такое слова, сябры?

КÁПА (kapa)
(назоўнік, жаночы род)

Узорыстае пікейнае пакрывала на ложак.

Заслаць ложак капай.
У хатах радыё, гардзіны на вокнах, ложкі з капамі і рознымі накідкамі на падушках. (Ермаловіч).
На блакітную коўдру і падушкі накінута капа з карункамі. (Гарбук).

✏️ Слова пайшло ад лацінскага "cappa" — 'пакрыццё галавы’, ’плашч з капюшонам’.
#словы_К

Гэтаксама перакладаецца як ''канючить''.

✏️ Цікава, што дзеяслоў пайшоў ад слова "каня". Каня (рас. "канюк") — драпежная птушка сямейства ястрабіных, якая жыве на балотах, сырых лугах, крык якой нагадвае слова «піць».
⠀
КА́НЬКАЦЬ
(дзеяслоў | незакончанае трываньне)
⠀
Размоўнае слова: назойліва прасіць аб чым-н., скардзіцца на што-н.
⠀
🔸Як ні канькала, ні маліла, ня даў каня ў нядзелю завезьці парсючка ў Лашычы. (Хадкевіч).
🔸Марта ішла сьледам, крыху супакоіўшыся, але ўсё яшчэ не пераставала канькаць аб сваіх патрэбах. (Броўка).
#словы_К

ФАЦЭ́ТНЫ (facetny)
(прыметнік, мужчынскі род)

Размоўнае слова: камічны, забаўны.

🔸На гэты раз дзьверы расчыніліся болей урачыста, павольна і стала, і парог пераступіла даволі фацэтная і маляўнічая постаць штацкага чалавека. (Колас).
🔸Ва ўкраінскім мястэчку, куды, асьмялеўшы, Сяргей завітаў, цырульнік зрабіў яму фацэтную прычоску. (Навуменка).
#словы_Ф

Ці ведаеце Вы, сябры, што значыць "Мілавіца"? А як іначай нашыя продкі называлі Вялікую і Малую Мядзьведзіцу? Ніжэй спрадвечныя беларускія імёны асноўных зорак й сузор’яў (паводле артыкула В. Вячоркі):

✨️Млечны Шлях — Птушыны Шлях, Дарога ў Вырай, Божая Дарога, Зорны Шлях

✨️Палярная Зорка — Зорны Кол

✨️Вэнэра — Зараніца, Заранка, Вечарніца, Вячорка, Воўчая Зорка, Мілавіца

✨️Вялікая і Малая Мядзьведзіца — Вялікі і Малы Воз

✨️Пляяды — Сіта

✨️Пояс Арыёна — Тры Каралі, Касцы

З Днём матчынай мовы, родненькія! 🤍

Даражэнькія! З нагоды Дня роднае мовы публікуем для Вас падборку разнастайных беларускамоўных Тэлеграм-каналаў 🤍

📺 @piershy_hikauski — #1 Гікаўскі: Далучайцеся да каналу, дзе знойдзеце апошнія навіны фільмаў, серыялаў, тэхналогій  ды гульняў па-беларуску.

🛤 @tropinki — падарожжы на Беларусі, старыя фотаздымкі, экатурызм і архітэктура Беларусі, а таксама навіны рэстаўрацыі і аднаўлення архітэктурнай спадчыны.

🏛 @belarus_sacral — аўтар канала блукае па Беларусі ў пошуках старой архітэктуры, закінутага і разбуранага, атмасферных могілак, бровараў, млыноў і цудоўных гісторый.

🎮 @Gamer_BY — суполка аматараў відэагульняў, з рознымі навінамі, анонсамі, цікавосткамі індустрыі (і не толькі).

🎧 @bel_audiobooks — тэлеграм-канал навігатара па беларускіх аўдыякнігах. Тут вы можаце знайсці анонсы новых рэлізаў, падборкі кніг на любы чытацкі густ і апошнія навіны беларускай аўдыякніжнай прасторы. Падпісвайцеся і слухайце сваё!

📜 @belarusian_monsters — беларуская аўтэнтычная і кабінетная міфалогія, персанажы фальклора, легенд і казак у інтэрпрытацыі ілюстратара з Гародні.

✉️ @poshtabel — Беларусь на старых паштоўках. Нашыя гарады і мястэчкі, а таксама іх жыхары на вінтажных картках і здымках.

На дабранач 🧡

ГНУТКІ (hnutki)
(прыметнік, мужчынскі род)

1. Здольны лёгка гнуцца; гібкі.

🔸️Пад хатаю тонкая рабіна
Да клёна хіліць гнуткі стан. (Ляпёшкін).
🔸️Гусі шчыпалі мураву жоўтымі дзюбамі. Часта схілялі нізка, над самаю муравою, свае доўгія белыя гнуткія шыі і, выцягваючы іх на ўсю даўжыню, сіпелі ў бок на дзяцей. (Галавач).

2. Пераноснае значэньне: багаты адценьнямі, зьменлівы ў сваім руху (пра голас, мову і пад.).

🔸️Гнуткі голас артыста лёгка зьліўся з цудоўным вакальным малюнкам вобраза. («Беларусь»).
🔸️Антон Корж — чалавек гнуткага розуму і дыялектычнага мысьленьня. (Лойка).
#словы_Г

Дабрыдзень, каханенькія-родненькія! 🐣
Зычым Вам лёгкага тыдня! 💛

Відэа: @ducks_in_space (Instagram)

На наш погляд, гучыць значна прыгажэй за "прахожы". А Вам ці даспадобы, сябры? 🧡

МІНА́К (minak)
(назоўнік, мужчынскі род)
⠀
Тое, што і прахожы.
⠀
🔸Мінак паглядзеў на Мірона, як на пустое месца і пашыбаваў сабе далей. (Аўласенка).
#словы_М