#егорборисов #эҕэрдэ #кыымру

Арассыыйа сенатора, Федерация Сэбиэтин Аграрнай-продовольственнай бэлиитикэҕэ уонна айылҕаны туһаныыга кэмитиэтин бэрэссэдээтэлин солбуйааччыта Егор Борисов Саха сирин олохтоохторун Дьокуускайга «Килбиэннээх үлэ куората» аат иҥэриллибитинэн эҕэрдэлээтэ.

«Киин куораппытыгар маннык үрдүк аат иҥэриллибитинэн барыгытын эҕэрдэлиибин уонна илии баттааһыны тэрийэн ыыппыт дьоҥҥо махтанабын. Уопсастыбанньыктар киллэрбит этиилэрин үрдүкү салалта толору өйөөбүтэ кэрэхсэбиллээх. Биһиги Улуу Аҕа дойду сэриитигэр эҥкилэ суох дьоруойдуу үлэлээбит биир дойдулаахтарбытыгар сүгүрүйэбит. Оччолорго норуот күүскэ сомоҕолоһуутун түмүгэр кыайыыны ситиспиппит. Ол бүгүн эмиэ хатыланар. Биир дойдулаахтарбыт дьоруойдуу быһыыларын, онно бар дьон сүҥкэн көмөтүн бары билэ, көрө сылдьабыт. Ити курдук, дойдубут туһугар бары сомоҕолостохпутуна табыллар», - диэн Егор Афанасьевич бэйэтин @ea_borisov телеграм-ханаалыгар суруйбут.

https://t.iss.one/kyymsakha

Бүгүн, сэтинньи 22 күнүгэр, «Ил Түмэн» бэчээт дьиэтин салайааччыта уонна сүрүн эрэдээктэрэ, норуот дьокутаата Мария Николаевна Христофорова төрөөбүт күнэ🌞

Мария Христофорова дойдутун, норуотун туһугар киэҥ далааһыннаах үлэни ыытар дьокутааттартан биирдэстэрэ буолар. Маны сэргэ, кини Саха сирин сайдыытыгар сүҥкэн суолталаах элбэх тэрээһини көҕүлээн ыыппыт, бастыҥ таһаарыылардаах “Ситим” медиа-бөлөҕү төрүттээбит уонна “Кыым” норуот хаһыатын тилиннэрбит сатабыллаах салайааччы быһыытынан биллэр✅

Ытыктабыллаах Мария Николаевнаны күн сирин көрбүт күндү күҥҥүнэн истиҥник эҕэрдэлиибит уонна чөл туругу, үтүмэн ситиһиини уонна саҥа кыайыылары баҕарабыт! Бар дьон үөрүүтүнэн, махталынан кынаттанан, дойдугар, норуоккар өссө да элбэх үтүөнү оҥор, ай-тут!

#кыымноруотхаһыата #кыымру #эҕэрдэ #марияхристофорова #илтүмэн