Хойутаан да буоллар диэбиккэ дылы, Дьокуускайбыт бочуоттаах аакка тиксибитинэн, күндү доҕоттор! Аҕа көлүөнэ дьоммут дьоруойдуу, килбиэннээх үлэлэрэ сыаналаммыта саныахха да астык.

Сэтинньи 16 күнүгэр килбиэннээх үлэ куоратыгар — Дьокуускайга күн-дьыл туруга

Түүн -38 -40, күнүс 34 -36°.
Сөҥүүтэ суох, туманнаах, тыал хайысхатын уларыта сылдьан сөк. 1-4 м түргэннээхтик үрэр.

Өрөспүүбүлүкэ үрдүнэн

Баһыйар өттүгэр сөҥүүтэ суох, муора кытылынан, арҕаа кыра хаар түһэр, күнүс соҕуруулуу-арҕаа хаардыыр. Киин улуустарга сорох сирдэринэн дьыбардаах. Анаабырга, Булуҥҥа буурҕа, тибии тибэр, тыал сөк. 15-19 м түргэннээх. Салгын температурата түүн -36-41°, хотугулуу-арҕаа намыһах өттүгэр, хотугулуу-илин -45°, күнүс 30-35°. Арҕаа хаардаатаҕына, соҕуруу түүн -21-26°, сорох сирдэринэн -28-33°, күнүс -16-21°, соҕуруулуу-арҕаа -6-11°.

Ахсынньы 22 күнүттэн "Кэрэни көрбүт" ( "Не хороните меня без Ивана") диэн туруорааччы режиссёр Любовь Борисова саҥа киинэтэ көрдөрүүгэ (прокакка) тахсар диэбиттэр . Кинини үгүстэр "Надо мной солнце не садится" киинэтинэн билэргит буолуо.
Сүрүн дьоруой -- летаргическай утуйуу диэн билигин да үчүгэйдик ситэ үөрэтиллэ илик ыарыыттан эрэйдэнэр Ыстапаан Бересеков. Барахсан эмискэ баҕайы итинник утуйан хааларын уруһуйдьут Иван Поповтан уратылар өлбүт дии саныыллара. Онон Уйбаан суоҕуна, аны хаһан эрэ тыыннаахтыы көмөн кэбиһиэхтэрэ диэн туһунан кутталга сылдьара.
Арай биирдэ Попов экспедицияҕа барар буоллум диир...
Бу киинэни устарга Култуура министиэристибэтэ 20 мөл. солк. көрбүт.
Быһата, долгуйа күүтэр буоллахпыт.

Айхал Габышев бу күннэргэ Турция тас дойдуларга миниистирэ Мевлют Чавушоглуну кытары көрүстэ. Кини "сотору кэминэн Дьокуускай аэропордуттан Турцияҕа дылы быһа эриэйсэлэр көтүөхтэрэ" диир. Чопчу хаһан, ханнык авиахампаанньа көтөрө ыйыллыбат. Санатар буоллахха, Айхал Иванович өссө Эрдоган уола манна кэлэр сылыгар быһа эриэйсэлэри көтүтэр туһунан кэпсэтиилэр тахсыбыттара, онтон хамсык, сааҥсыйа бүрүүкээбитэ. Табылыннаҕына, туманнаах, тыйыс кыһыммытыттан быһа уруулуу туроктарбыт ичигэс дойдуларыгар сыламныы тиийиэхпит

📝Билигин да өрөспүүбүлүкэ олохтоохторо албын дьон угаайытыгар киирэн биэриилэрэ тахса турар.
СӨ ИДЬМ Сэлиэстийэлиир управлениета иһитиннэрбитинэн, ааспыт суукка иһигэр төлөпүөнүнэн эрийэр масыанньыктар дьонтон 4,5 мөл. солк. үктэтэн ылбыттар😡.
Ол курдук, маннык араас суумаҕа албыннаппыттар:
- 653.200₽;
- 209.000₽;
- 2.583.240₽;
- 42.880₽;
- 1.083.090₽.
Бука диэн, болҕомтолоох буолуоҕуҥ.

Үөһээ Бүлүү аннынан Бүлүү эбэни туораабыттар

#егорборисов #эҕэрдэ #кыымру

Арассыыйа сенатора, Федерация Сэбиэтин Аграрнай-продовольственнай бэлиитикэҕэ уонна айылҕаны туһаныыга кэмитиэтин бэрэссэдээтэлин солбуйааччыта Егор Борисов Саха сирин олохтоохторун Дьокуускайга «Килбиэннээх үлэ куората» аат иҥэриллибитинэн эҕэрдэлээтэ.

«Киин куораппытыгар маннык үрдүк аат иҥэриллибитинэн барыгытын эҕэрдэлиибин уонна илии баттааһыны тэрийэн ыыппыт дьоҥҥо махтанабын. Уопсастыбанньыктар киллэрбит этиилэрин үрдүкү салалта толору өйөөбүтэ кэрэхсэбиллээх. Биһиги Улуу Аҕа дойду сэриитигэр эҥкилэ суох дьоруойдуу үлэлээбит биир дойдулаахтарбытыгар сүгүрүйэбит. Оччолорго норуот күүскэ сомоҕолоһуутун түмүгэр кыайыыны ситиспиппит. Ол бүгүн эмиэ хатыланар. Биир дойдулаахтарбыт дьоруойдуу быһыыларын, онно бар дьон сүҥкэн көмөтүн бары билэ, көрө сылдьабыт. Ити курдук, дойдубут туһугар бары сомоҕолостохпутуна табыллар», - диэн Егор Афанасьевич бэйэтин @ea_borisov телеграм-ханаалыгар суруйбут.

https://t.iss.one/kyymsakha

Саха байыастарын үтүө ааттара умнуллубатын🎗

Кыым.ру саайт 2022 сыл олунньу 24 күнүгэр саҕаламмыт анал байыаннай дьайыыларга (СВО) сылдьан олохтон туораабыт байыастар туһунан ахтыылары босхо таһаарарын туһунан иһитиннэрэбит.

Бэчээттэммит ахтыыны, хаартысканы [email protected] электроннай почтаҕа тутабыт.

Билсэр төл.: 8 (914) 820-09-75

https://t.iss.one/kyymsakha

Бүгүн Ил Түмэн дьокутааттара 2022 сыллааҕы судаарыстыбаннай бүддьүөккэ тустаах уларытыылары киллэрэр сокуон барылын ылыннылар. Быйылгы бүддьүөт уопсай дохуота 43 млрд солк. улааппыт, онон барыта 318 млрд. 750 мөл. солк буолбут. Ил Дархан Айсен Николаев 2022 сыллааҕы бүддьүөт сүрүн хайысхаларыгар өрөспүүбүлүкэ социальнай-экэнэмиичэскэй сайдыытын сылыктааһыныгар олоҕуран уларытыы киллэриллибитин туһунан эттэ.Ону тэҥэ, манна сүрүн оруолу өрөспүүбүлүкэ бөдөҥ хампаанньалара киллэрэр нолуоктара ылбыттар. Быйылгы бүддьүөккэ өрөспүүбүлүкэ бэйэтин нолуогуттан уонна нолуок быһыытынан ылыллыбат дохуоттан улаатыы 15 млрд солк. былааннаныллыбыт.Ону тэҥэ, төннөрүллүбэт дохуот эмиэ улааппыт, ол 27 млрд солк тэҥнэһэр. Федеральнай бүддьүөттэн 6 млрд солк. эбии көрүллэрэ күүтүллэр. Хаарбах дьиэттэн дьону көһөрүү бырагырааманан ДьУоХХ реформалааһыҥҥа пуондатыттан эбии 20,8 млрд солк тыырыллыаҕа. 2022 сыллааҕы бүддьүөккэ ороскуот 43 млрд солк улаатыа. Ити эбии көрүллэр үп социальнай суолталаах хайысхаларга туһаныллыаҕа.

📈Социальнай ситимнэринэн СӨ Сыана бэлиитикэтин судаарыстыбаннай кэмитиэтин аатытыттан “ахсынньыттан сыана бас баттах барар, онон бородууктаҕытын хаһааныҥ” диэн иһитиннэрии тилийэ көппүтэ. Ити – сымыйа сурах буоларын кэмитиэт пресс-сулууспата иһитиннэрэр.
“Бородуукта сыаната ырыынак мэхэньиисимнэрин дьайыытыттан үрдүүр, ол иһигэр дьыл кэмиттэн, аска наадыйыыттан, оҥорон таһаарааччылар ороскуоттарыттан тутулуктанар. Сыана үрдээһинэ ити чахчылары учуоттаан ыытыллар, ол эбэтэр ый саҥатыттан үрдүүр диэн буолбатах”, – диэн иһитиннэриигэ ыйыллар.

Арассыыйа Силиэстийэлиир кэмитиэтин Саха сиринээҕи салаата Арассыыйа ХК 160 ыст. 3 ч. (сулууспалаах балаһыанньатын туһанан итэҕэтиллибит үгүөрү үбү уоруу) уорбаланар Үөһээ Бүлүү улууһун олохтооҕор тэриллибит дьыаланы силиэстийэлээн бүттэ. Силиэстийэ сабаҕалыырынан, уорбалаанааччы – ТХПК бэрэссэдээтэлэ быйыл ыам ыйыгар кээпэрэтиип счетугар түспүт тыа хаһаайыстыбатын өйүүр субсидия харчытын бэйэтэ билэринэн ыскайдаабыт. Уорбаланааччы ол харчыны интэриниэтинэн араас букмекерскай хонтуораларга уксубута биллибит. Инньэ гынан, кээпэрэтиипкэ 400 тыһ. солк. хоромньу тахсыбыт. Уоруллубут харчыны силиэстийэ саҕаланыытыгар кээпэрэтиипкэ төннөрбүт. Холуобунай дьыала суут көрүүтүгэр ыытылынна.

📝-- Туттулла илик, эрдэ анаммыт Ийэ хапытаала индексацияланар дуо?
-- Дьиэ кэргэн Ийэ хапытаалын ылан баран, ол үбүн туһана илик түгэнигэр кэлэр 2023 сыл олунньу 1 күнүттэн инфляцияҕа тэҥнээх индексация ааҕыллар. Оттон ким эрэ хапытаал сорох өлүүскэтин бэлиэр туһаммыт да буоллаҕына, ордубут суумата индексацияланар. Индексация диэн, судургутук өйдөөтөххө, харчы эбиллиитэ.
Оттон олоччу туһаммыт түгэҥҥэ, биллэн турар, туох да эбиллибэт.
@РФ Минтруд иһитиннэриититтэн.