Тийкарғы мақсет – халықты разы етиў жолында әмелге асырылыўы зәрүр болған ўазыйпаларды белгилеп алыўдан ибарат

Қарақалпақстан Республикасы Жоқарғы Кеңесиниң Баслығы Аманбай Орынбаев Қоңырат районындағы мәҳәллелерде ушырасып атырған системалы машқалаларға шешим табыў ҳәм алдағы әмелге асырылыўы тийис ўазыйпаларды белгилеп алыў мақсетинде көше бийлери ҳәм мәҳәлле белсендилери менен гезектеги ушырасыўын өткерди.

Онда дәслеп Жоқарғы Кеңес Баслығы сөзге шығып, Президентимиз басшылығында республикамыз ушын қаратылып атырған үлкен итибар, әмелге асырылып атырған жумыслар ҳаққында кең түрде атап өтти.

Бүгинги күнде халқымызға мүнәсип турмыс шараятын жаратыў, олардың абадан өмир сүриўин тәмийинлеў бағдарында алып барылып атырған салмақлы жумыслар турмыста өз сәўлелениўин таўып атыр.

Көше бийлери менен ашық-айдын пикирлесиў түринде өткерилип атырған ушырасыўлар да халқымыздың турмысындағы шешимин таппаған системалы машқалаларды шешиўге қаратылған.

Бүгинги ушырасыў да ашық-айдын пикирлесиў түринде болып, көше бийлери менен Қоңырат районындағы мәҳәллелерди ҳәр тәреплеме раўажландырыў, пуқараларға мүнәсип шараят жаратыў бағдарында ўазыйпалар белгиленди.

Өз нәўбетинде көше бийлери тәрепинен бир қатар әҳмийетли мәселелер көтерилип, машқалалар атап өтилди.

Жоқарғы Кеңес Баслығы тәрепинен көтерилген барлық мәселелер белгилеп алынып, алдағы ўақытта бул жумысларды орынлаў бойынша қадағалаўға алынды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Көше бийлериниң ҳәр бир усынысы машқалалардың шешилиўине тийкар болады

Президентимиз басшылығында халқымыздың абадан турмысын тәмийинлеў бағдарында республикамызда көлемли жумыслар алып барылмақта.

Бул ийгиликли ислердиң даўамы сыпатында Жоқарғы Кеңес Баслығының орынлардағы системалы машқалаларды анықлаў бойынша көше бийлери менен ушырасыўлары басланған еди. Гезектеги ушырасыў Қанлыкөл районында өткерилди.

Онда көше бийлери, нураный-аксақаллар ҳәм белсендилер қатнасып, еле де шешимин күтип турған әҳмийетли мәселелер бойынша пикирлесилди.

Айтып өтиў керек, алдыңғы ушырасыўда да көше бийлери тәрепинен бир қатар әҳмийетли мәселелер көтерилген еди. Бул машқалалардың көпшилиги Президентимиз тәрепинен қабыл етилген 408-санлы қарарға тийкар өз шешимин тапты. Буннан тысқары, 213-санлы пәрман тийкарында да қатар машқалаларға мүнәсип жуўап табылды. Усы бағдарда халықты қыйнап киятырған барлық мәселе ҳәм мүрәжатлар басқышпа-басқыш халықшыл сиясат ҳәм әмелий жумыслар тийкарында сапластырылады.

Бүгинги ушырасыўда өз нәўбетинде, көше бийлери тәрепинен мәҳәллелерди абат етиў ҳәм халқымызға мүнәсип турмыс шараятын жаратыў бағдарында бир қатар әҳмийетли мәселелер көтерилди.

Жоқарғы Кеңес Баслығы бул мәселелер алдағы ўақытта әлбетте шешим табыўы зәрүрлигин атап өтти ҳәм өзиниң жеке қадағалаўына алатуғынын билдирди.

Ушырасыў жуўмағында узақ жыллық жемисли мийнетлери ушын бир қатар жасы үлкенлер "Ардақлы нураный" көкирек белгиси менен сыйлықланды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Көше бийлериниң усынысы тийкарында пуқаралардың тәшўишине шешим табылмақта

Көше бийлери бул әзелден халқымыз арасында абырайға ийе, кәдқудашылығы менен көпшиликке сөзи өтимли адамлар болған. Ҳақыйқатында бул инсанлар тиккелей пуқаралардың қәлеўи ҳәм олар арасындағы ҳүрметке ийе екенлиги себепли бул атқа ийе болып келген. Ең тийкарғысы, көше бийлери тиккелей пуқаралар менен бирге жасап, олардың дәрти ҳәм тәшўиши, турмыслық машқалаларын теңдей көрип, жақыннан сезинген инсанлар есапланады. Сонлықтан да, Жоқарғы Кеңес Баслығы тәрепинен олар менен жақыннан пикирлесилип, машқалаларды шешиў ушын режелерди белгилеп алыў жолға қойылды.

Өткерилген ушырасыўда мине усындай бир қатар ийгиликли жумысларды әмелге асырыў бойынша сәўбетлесилди. Соның менен бирге, көше бийлери, мәҳәлле белсендилери менен ашық-айдын пикир алысылды.

Өз нәўбетинде көше бийлери тәрепинен бүгинги күнде елимизде әмелге асырылып атырған жаңаланыўлар, пуқаралардың бүгинги турмысынан разылығы ҳаққында атап өтилип, ҳәзирги ўақытта шешимин күтип турған еле де бир қатар мәселелер бар екенлиги тилге алынды.

Жоқарғы Кеңес Баслығы бул мәселелерди алдағы әмелге асырылыўы тийис ўазыйпалар қатарына киргизип, шешимин табыў бағдарында әмелий илажлар көриў бойынша өз қадағалаўына алатуғынлығын билдирди.

Ушырасыў соңында узақ жыллық мийнет жолы даўамында жемисли мийнет еткен бир қатар жасы үлкенлерге «Ардақлы нураный» көкирек белгиси тапсырылды.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter