Өзбекстанда «пуллы жоллар» қурылады

2023-жыл 10-октябрьде «Жол хожалығы тараўын еле де жетилистириў ис-илажлары ҳаққында»ғы Өзбекстан Республикасы Президентиниң қарары қабыл етилген еди.

Қарар тийкарында, халықаралық қаржы институтлары қатнасыўындағы жойбарлар шеңберинде автомобиль жолларын, соннан, улыўма пайдаланыўдағы автомобиль жолларын жоқары тезликте ҳәрекет етиўге тийисли халықаралық талапларға муўапық жойбарлаў, қурыў ҳәм реконструкциялаў жумысларын әмелге асырыў ҳәмде келесиде усы жолларға альтернатив жоллар бар болғанда, Министрлер Кабинетиниң қарары менен «пуллы жоллар» категориясына өткериў белгиленген.

Бунда «пуллы жоллар»дан алынған дәраматларды бөлистириў ҳәм усы жолларды басқарыў мәселелери Министрлер Кабинети тәрепинен белгиленеди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Имканияты шекленген шахсларға дәрамат салығы бойынша жеңиллик бериледи

Өзбекстан Республикасының 05.05.2022 күнги ӨРН–767-санлы Нызамы менен Салық кодексине өзгерислер киргизилген.

Нызамға тийкар:

Балалықтан майыплығы болғанлар, сондай-ақ, I ҳәм II топар майыпларының МҲТЕКМ (бүгинги күнде 980 000 сум)ның 3 есеси (2 млн 940 мың сум) муғдарындағы қаржылары дәрамат салығына тартылмайды.

Салық кодексине усы өзгерислер киргизилиўинен алдын да бундай жеңилликлер бар еди, бирақ, оларды алдын МҲТЕКМ ның 1,41 есеси, яғный, – 1 млн 381 мың 800 сум болған дәраматлары дәрамат салығына тартылмайтуғын еди. Өзгеристен кейин усы 1,41 есеси 3 есеге арттырылды.

Бул дегени, ҳәзирги ўақытта I ҳәм II топар майыплығы болған шахслар, балалықтан майыплығы болғанлар 2 млн 940 мың сумға шекемги болған дәраматларынан дәрамат салығы төлеўи шәрт емес. Олар дәрамат салығын усы суммадан асқан дәраматларына төлейди.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жаңа Өзбекстан – Жасыл мəканда бирге жасайық!

Қарақалпақстан Республикасы мәҳәлле белсендилери, нураныйлары, зыялылар, ҳаял-қызлар ҳәм жаслар ўәкиллериниӊ халқымызға

ҮНДЕЎИ

Толық мағлыўмат


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарары тийкарында Тахтакөпир районындағы бир қатар мәҳәллелердеги машқалалар өз шешимин тапты

Өзбекстан Республикасы Президентиниң 2022-жыл 25-октябрь күнги ПҚ-408-санлы қарарына тийкар, Тахтакөпир районы аймағында халықтың турмыс шараятын жақсылаў мақсетинде 2022-2023-жылларда бир қатар қурылыс-оңлаў жумыслары әмелге асырылды.

Атап айтқанда, ишки хожалық жолларын қум-щебень араласпалы жолға айландырыў бойынша:

«Атакөл» АПЖ аймағында 2,2 км;
- «Дәўир» МПЖ аймағында 1,6 км;
- «Айдын жол» МПЖ аймағында 5,86 км жәми 9,7 км ишки жоллар оңланды.

Ишимлик суў тәмийнатын жақсылаў бойынша:

- «Дәўқара» АПЖ аймағында 1,8 км;
- «Мүлик» АПЖ аймағында 1,6 км;
- «Даўыт сай» МПЖ аймағында 1,4 км;
- «Қоңыраткөл» АПЖ аймағында 7,9 км;
- «А.Адилов» аймағында 3,3 км суў тармақларын тартыў;
- «Атакөл» АПЖ аймағында суўды душшыландырыўшы станциясын жаңадан қурыў;
- «Қоңыраткөл» АПЖ аймағында суўды душшыландырыўшы станциясын реконструкциялаў;
Жәми 12,7 км ишимлик суў тармағын тартыў ҳәм 2 объектте қурылыс жумыслары жуўмақланыўы менен 400 ге шамалас шаңарақтың ишимлик суў жеткерип берилиўи жақсыланды.

Көпир қурылысы бойынша;

- «А.Адилов» АПЖ аймағындағы «Жылўан жап» каналындағы көпирди қайта қурыў жумыслары толығы менен жуўмақланып, пайдаланыўға тапсырылды.

Президент қарары тийкарында райондағы мәҳәллелердеги бир қатар машқалалар өз шешимин тапты.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Президент қарары менен исбилерменликти қоллап-қуўатлаў бойынша бир қатар жеңилликлер берилген

Усы жылдың 8-август күни Қарақалпақстан Республикасын раўажландырыў ҳәм исбилерменликти қоллап-қуўатлаў бойынша Президентимиздиң және бир тарийхый ПП-129-санлы пәрманы қабыл етилген еди.

Пәрман менен Тиклениў ҳәм раўажланыў фонды тәрепинен Қарақалпақстан Республикасында ислеп шығарыўды кеңейтиў бойынша инвестициялық жойбарларды қаржыландырыў мақсетинде 100 млн. АҚШ доллары ажыратылды. Усы қаржылар шеңберинде:

Коммерциялық банклер тәрепинен инвестиция жойбаларын қаржыландырыў ушын сырт ел валютасында 5 процент, миллий валютада 12 процент болған жыллық ставкаларда 10 жыл мүддетке шекем 5 жыллық жеңилликли дәўир менен Орайлық банктиң тийкарғы ставкасынан жоқары болмаған муғдарда кредитлер ажыратылды. Бунда коммерциялық банктиң маржасы сырт ел валютадағы кредитлер бойынша 1 процент, миллий валютадағы кредитлер бойынша 2 процент муғдарында белгиленди.

Инвестициялар, санаат ҳәм саўда министрлиги тәрепинен 2024-жыл жуўмағына шекем жаңа жойбарларды қаржыландырыў жумысларын шөлкемлестириў мақсетинде халықаралық қаржы институтларынан қосымша 200 миллион АҚШ доллар муғдарында кредит қаржылары тартылыўы белгиленди.

Қарақалпақстан Республикасында бизнес орталығын еле де жақсылаў мақсетинде исбилерменлик субъектлериниң жойбарларына Исбилерменликти қоллап-қуўатлаў мәмлекетлик фонды тәрепинен, инвестиция жойбарларын қаржыландырыў ҳәмде айланба қаржыларын қәлиплестириў мақсетлерине миллий ҳәм сырт ел валютасында ажыратылатуғын кредит муғдарының 75 процентине шекем, бирақ, 5 млрд сумнан аспаған муғдарда кепиллик бериледи.

Киши ҳәмде жаслар санаат ҳәм исбилерменлик зоналарында инвестиция миннетлемелерин орынлаған исбилерменлерге жер участкаларын, имарат ҳәм объектлерди меншиклестирип бериў тәртиби белгиленеди.

Аймақта ғалабалық саўдаларда турған мәмлекетлик мүлк объектлери 3 ай мүддетте сатылмағанда оларды электрон таңлаў тийкарында ең жақсы усыныс билдирген талабанға инвестиция киргизиў миннетлемеси менен бериў тәртиби енгизиледи.

2023-2024-жылларда Нөкис қаласында 1 млн АҚШ доллары, қалған районларда 300 мың АҚШ доллары муғдарында инвестиция киргизиў миннетлемеси менен жойбар басламашыларына Министрлер Кеңеси қарары тийкарында жер участкаларын туўрыдан-туўры узақ мүддетли ижара ҳуқықы менен бериў системасы енгизиледи.

Қарақалпақстан Республикасы, ўәлаятлар ҳәм Ташкент қаласындағы саўда, улыўмалық аўқатланыў бағдарындағы ҳәм автомобильлерге жанылғы қуйыў ҳәм электр қуўатландырыў шақапшалары жумысын шөлкемлестирген киши исбилерменлик субъектлерине қуяш панеллерин сатып алыў ҳәм орнатыў ушын ажыратылып атырған кредитлерге белгиленген муғдар ҳәм шәртлер шеңберинде компенсация усынылады.

Орайлық банк тәрепинен 2024-жылдан баслап ҳәр жылы коммерциялық банклерге Қарақалпақстан ушын шаңарақлық исбилерменликти раўажландырыў бағдарламалары шеңберинде кеминде 2 трлн. сум қаржылары ажыратылады.

- Шаңарақлық исбилерменликти раўажландырыў бағдарламалары шеңберинде жаңадан шөлкемлестирилген, есап бетинде қаржы жетерли дәрежеде айланбаған исбилерменлик субъектлерине, қаржылық қоллап-қуўатлаў ушын гиреў тәмийнатынан келип шығып, базалық есаплаў муғдарының 100 есесине шекемги болған муғдарда;

- жасларды кәсип-өнерге үйретиў ҳәмде ислеп шығарыў процесиндеги кәнигелерди қайта таярлаў, билим ҳәм потенциалын арттырыў мақсетинде олардың сырт мәмлекетлерде билим алыўы ушын 4 жыллық жеңилликли дәўир менен 10 жыл мүддетке Орайлық банктиң тийкарғы ставкасынан аспаған муғдарда кредит қаржылары ажыратылыўы системасы енгизиледи.

Хожели районындағы 100 гектар жер майданында «Жаслар социаллық-экономикалық орайы» шөлкемлестириледи.
Жаслар орайында белгиленген объектлерди қурыў ушын Өзбекстан Республикасы республика бюджети қаржылары есабынан 2023-2027-жыллар даўамында 10 жыл мүддетте қайтарыў шәрти менен 1 трлн сум муғдарында ссуда қаржылары ажыратылады.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Бир қатар қарақалпақстанлы жаслар ушын Президентимиз тәрепинен үлкен имканият берилди

Президентимиздиң тапсырмасы менен сырт елде төлемли-контракт тийкарында оқып атырған бир қатар қарақалпақстанлы студентлер республикамыздағы мәмлекетлик жоқары оқыў орынларына оқыўын имтихансыз көшириўине имканият берилди. Ең баслысы, барлық студентлер енди өз оқыўын мәмлекетлик грант тийкарында даўам еттирмекте.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter