Jizzaxda Kasaba uyushmalari kuni nishonlandi

Jizzax viloyati hokimligi anjumanlar saroyida 11-noyabr – Oʻzbekiston kasaba uyushmalari kuni munosabati bilan bayram tadbiri tashkil etildi.

Unda viloyat hokimi Ergash Saliyev kasaba uyushmalari federatsiyasining viloyat kengashi, boshqarma, muassasalar rahbarlari, hamkor tashkilotlar, uyushma xodimlari, keng jamoatchilik vakillari ishtirok etdi.

Tadbirda viloyati hokimi Ergash Saliyev soʻz olib, barchani bayram bilan tabrikladi.

Bugun kasaba uyushmalari mehnatkashlar tashkilotidan umumxalq tashkilotiga aylanib borayotgani xususida soʻz yuritilib, Yangi Oʻzbekistonni barpo etishda tashabbuskorlik namunasini koʻrsatayotgani qayd etildi.

Ayni paytda viloyat kasaba uyushmalari oʻz safida 248 mingdan ziyod aʼzoni birlashtirib, ularning mehnatga oid huquq va manfaatlarini taʼminlashga yaqindan koʻmaklashmoqda.

Bayram tadbirida Kasaba uyushmalari federatsiyasi eʼlon qilgan “Eng yaxshi sektor rahbari”, “Eng yaxshi mahalla raisi”, “Eng yaxshi xotn-qizlar faoli”, “Eng yaxshi hokim yordamchisi”, “Eng yaxshi yoshlar yetakchisi”, “Eng yaxshi profilaktika inspektori” hamda “Ehtirom nishoni” va “Eng yaxshi shifokor” singari tanlovlar gʻoliblariga diplom va esdalik sovgʻalari tantanali tarzda topshirildi.

Jizzax viloyati hokimi Slovakiyaning elchisini qabul qildi

Jizzax viloyati hokimi Ergash Saliyev viloyat hokimligida Slovakiyaning Oʻzbekistondagi favqulodda va muxtor elchisi Viktor Boreskiy boshchilik delegatsiya aʼzolarini qabul qildi.

Viloyat hokimi Ergash Saliyev muzokaralar davomida viloyatning iqtisodiy-ijtimoiy va investitsiya salohiyati hamda hududlarda amalga oshirilayotgan investitsiya loyihalari boʻyicha tushunchalar berib, viloyatning asosiy drayver sohalari boʻlgan avtomobilsozlik, tekstil, qurilish materiallari ishlab chiqarish, qishloq xoʻjaligi, turizm sohasida investitsiya loyihalarni xususida soʻz yuritdi.

Uchrshuv davomida Slovakiya davlati bilan savdo-iqtisodiy hamkorlik sohasida koʻplab ishlar amalga oshirilishi boʻyicha muhokamalar oʻtkazildi.

Oʻz oʻrnida elchi Viktor Boreskiy ham Jizzax viloyatini bugungi salohiyati haqida toʻxtalib oʻtar ekan, ikki davlat oʻrtasidagi hamkorlik yangi bosqichga olib chiqish boʻyicha tayyorligini maʼlum qildi.

Jizzaxda tibbiyot xodimlari kuni keng nishonlandi

Jizzax viloyati hokimligi anjumanlar saroyida tibbiyot xodimlari kuniga bagʻishlangan tantanali bayram tadbiri oʻtkazildi.

Unda sogʻliqni saqlash muassasalarida aholi salomatligini saqlash, sifatli tibbiy xizmat koʻrsatish yoʻlida fidoyilik namunalarini koʻrsatayotgan soha jonkuyarlari ishtirok etdi.

Tadbir avvalida viloyat hokimi Ergash Saliyev sogʻliqni saqlash sohasi xodimlarini samimiy muborakbod etib, bugungi kunda Prezidentimiz tomonidan mamlakatimizda zamonaviy tibbiyotning rivojlanishi uchun ulkan imkoniyatlar yaratilishi asnosida shifokorlarga ham alohida eʼtibor qaratilayotganini qayd etdi.

Hurmatli Prezidentimizning kechagi “Tibbiyot xodimlari kuni munosabati bilan soha xodimlaridan bir guruhini mukofotlash toʻgʻrisida” gi Farmoniga asosan taqdirlangan II darajali “Calomatlik” ordeni  sohibi Viloyat yuqumli kasalliklar shifoxonasining boks-brutsellyoz boʻlimi mudiri  Xamida Bobokeldiyeva va “Shuhrat” medali sohibi  Zomin tumanidagi “Muruvvat” nogironligi boʻlgan shaxslar uchun ayollar internat uyi hamshirasi Adolat Moʻminovaga orden va medalni tantanali ravishda topshirdi.

Shuningdek, bayram munosabati bilan sogʻliqni saqlash vaziri buyrugʻi bilan “Sogʻliqni saqlash aʼlochisi” koʻkrak nishoni bilan mukofotlangan bir guruh tibbiyot xodimlariga ham koʻkrak nishoni topshirildi.

Bundan tashqari, yana bir guruh tibbiyot xodimlari viloyat hokimligining faxriy yorliq va qimmatbaho sovgʻalari bilan taqdirlandilar.

Viloyat va poytaxtlik mashhur sanʼatkorlarning  bayramona konsert dasturi yigʻilganlarga  xushkayfiyat ulashdi.