Кўксаройда расмий ташриф билан мамлакатимизда бўлиб турган Италия Президенти Сержо Маттарелла тантанали кутиб олинди
—
В Куксарое состоялась торжественная встреча Президента Италии Серджо Маттареллы, пребывающего в нашей стране с официальным визитом

#Mirziyoyev #tashrif #Italiya #marosim

Jizzax viloyatidagi Erkin iqtisodiy zonasida yangi ishga tushirilgan eksporter korxonalar haqida

Viloyatda oʼzgarishlarga yuz tutgan hududlardan biri bu Jizzax viloyati erkin iqtisodiy zonasi hisoblanadi. Soʼngi paytlarda ushbu hududda judayam koʼplab turli maxsulotlar ishlab chikaruvchi korxonalar soni koʼpayib boryapti.

2023 yilning 1 sentyabr holatiga koʼra, Jizzax erkin iqtisodiy zonasi hududida qiymati 2 trillion 820,8 milliard soʼm boʼlgan 28 ta loyiha amalga oshirilgan boʼlib, natijada 5923 ta ishchi oʼrinlari yaratilgan. Shuningdek, 2023-2026 yillarda qiymati 9 trillion 515,9 milliard soʼmlik 20 ta loyiha amalga oshirilishi rejalashtirilgan. Ushbu loyihalar amalga oshirilishi natijasida 10490 ta yangi ish oʼrinlari yaratiladi.

Shu oʼrinda erkin iqtisodiy zonada ishlab chiqarish koʼrsatgichlariga xam toʼxtalib oʼtadigan boʼlsak, 2022 yilda hududdagi korxonalar tomonidan 1 trillion 109,8 milliard soʼmlik mahsulot ishlab chiqarish rejalashtirilgan boʼlib, amalda 3 trillion 604,7 milliard soʼmlik mahsulot ishlab chiqarildi.
Shundan 41 million dollarlik mahsulot eksport qilingan.

Joriy yilning yanvarь-avgust oylarida 7 trillion 137 milliard soʼmlik maxsulot ishlab chiqarilib, 36,5 million dollarlik mahsulot eksport qilingan.

Mazkur jarayonlarda "Jizzax toshtepa tekstil" korxonasi ham faol ishtirok etib kelmoqda. Korxona ishlab chiqarishining asosiy yoʼnalishi paxtadan tayyorlangan mahsulotlar boʼlib, u ekologik toza, zamonaviy dizayndagi tayyor trikotaj mahsulotlari ishlab chiqarishga ixtisoslashgan.

Korxonadagi ishlab chiqarishning dastlabki bosqichi, yaʼni toʼquv boʼlimida Turkiya va Xitoy davlatidan keltirilgan texnologiyalari asosida kalava-ip xom mato holatiga keltiriladi. Bir necha darajadagi sifat nazoratidan oʼtkazilgan trikotaj mato keyinchalik boʼyash sexiga kiradi.

Bu yerda aktiv boʼyoqlardan foydalangan holda boʼyalgan matolar ishlab chiqariladi. Bu boʼlimdagi maxsus qozonlarda buyurtmaga koʼra matolarga rang beriladi.