Avval xabar berganimizdek, O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi,  O‘zbekiston Respublikasi Fanlar akademiyasi va O‘rmon xo‘jaligi ilmiy-tadqiqot institutining  xulosalariga  asosan,  joriy yil 12-noyabrdan boshlab respublikamizning bir qator viloyatlarida "Yashil makon" umummilliy loyihasi doirasida ko‘chatlar ekilishini boshlanishi tavsiya etilgan edi.  Shu munosabat bilan bugun Jizzax viloyatida ham "Yashil makon" umummilliy loyihasining kuzgi mavsumining boshlanishiga start berildi.

Mavsumning boshlanishida "Jizzaxyo‘lko‘kalam" davlat muassasasi va Jizzax viloyati Ekologiya, atrof-muhitni muhofaza qilish va iqlim o‘zgarishi boshqarmasi bilan hamkorlikda manzarali daraxt ko‘chatlari ekish ishlari  tashkil etildi.  Paxtakor tumani hududidan o‘tuvchi xalqaro ahamiyatga ega bo‘lgan M-39 yo‘lining 956-957 kmlari oralig‘ida tanlangan yerga avvalo, agrotexnik ishlov berilib, so‘ngra ekish ishlari tashkillashtirildi.  Joyning iqlim sharoitiga qarab 10 mingta qayrag‘och,10 mingta tut va 5 mingta  katalpa, jami 25 ming dona manazarali daraxt ko‘chatlari ekiladi.

Ma’lumot o‘rnida, bu yilgi kuzgi mavsumda Jizzax viloyatida tasdiqlangan manzilli rejaga asosan 6  mln. 337 ming dona manzarali va mevali daraxtlar  ko‘chatlari ekilishi reja qilingan.

Ko‘chat ekish tadbirida Paxtakor tuman hokimligi ma’sullari va A.Ikromov  MFY vakillari ham ishtirok etdi.

Markaziy harbiy okrugda joylashgan “Forish” tog‘ poligonida O‘zbekiston-Qozog‘iston harbiy xizmatchilari o‘rtasida hamkorlikdagi maxsus-taktik o‘quv mashg‘ulotlariga start berildi.

“Hanjar-2024” nomi ostida tashkillashtirilayotgan yig‘in ishtirokchilari ikki qardosh davlat bayroqlari va madhiyasi sadolari ostida saf maydonidan shaxdam qadamlar bilan o‘tishdi.

Tantanali ochilish marosimidan so‘ng Qozog‘iston harbiy delegatsiyasi rahbarlari bilan brifingda o‘quv mashg‘ulot dasturi bo‘yicha rejalar muhokama qilindi. O‘n kun davom etishi ko‘zda tutilgan maxsus-taktik o‘quv yig‘inida ko‘plab amaliy mashqlar bo‘yicha o‘zaro tajriba almashishga kelishib olindi. Xususan, “Hanjar-2024” maxsus-taktik o‘quvi davomida ikki davlat harbiy xizmatchilari turli jangovar qurollardan otish, shartli aholi yashash hududida jang olib borish va harakatlarni tahlil qilish jarayonlarini amalga oshiradi.

Do‘stona ruhda boshlangan o‘quv yig‘ini davomida mehmonlar uchun milliy taomlar kuni, futbol musobaqasi hamda Samarqand shahriga sayohat tadbirlari o‘tkazilishi rejalashtirilgan.