#Bilasizmi | #imkoniyat

⚡️Ayrim yoshlarning haydovchilik kurslarida o‘qish xarajatlari bir qismi qoplab beriladi.

✅ “Yoshlar daftari”ga kiritilgan ijtimoiy himoyaga muhtoj yoshlarning avtomototransport vositalari haydovchilarini tayyorlash o‘quv kursining xarajatlarini qoplash uchun BHMning 4 baravarigacha (hozirda 1.500.000 so‘m) miqdorda yoshlar yetakchisining ijobiy tavsiyasi asosida subsidiya ajratiladi. O‘qish xarajatlarining qolgan qismini ariza beruvchining o‘zi to‘laydi.

Asos: https://lex.uz/docs/-6051791#-6054488

🇺🇿 @imtiyozuz

#Bilasizmi

⚡️IT yo‘nalishida yutuqlarga erishgan xotin-qizlar Zulfiya nomidagi Davlat mukofoti bilan taqdirlanadi.

☝️Bundan tashqari, mukofotini olish uchun talabgorning so‘nggi 3 yil mobaynidagi ibratli faoliyati, ta’lim, fan, adabiyot, madaniyat, san’at, sport, axborot texnologiyalari sohalari va jamoatchilik faoliyatidagi alohida yutuqlariga oid hujjatlar taqdim etilishi belgilangan.

Asos: https://lex.uz/uz/docs/-213812

🇺🇿 @imtiyozuz

#Bilasizmi

⚡️Ko'p yillik ish stajiga ega tibbiyot xodimlariga oylik ustama to'lanadi.

✅ Vrachlarga, o'rta va kichik tibbiyot xodimlariga, sog'liqni saqlash barcha muassasalari farmasevtika xodimlariga quyidagi ustamalar to'lanishi kerak:

➖ uzluksiz ish staji 5 yildan 10 yilgacha – tarif stavkasining 5 foizi;

➖ uzluksiz ish staji 10 yildan 15 yilgacha – tarif stavkasining 10 foizi;

➖ uzluksiz ish staji 15 yildan 20 yilgacha – tarif stavkasining 15 foizi, oliy ma'lumotli hamshiralar uchun tarif stavkasining 20 foizi;

➖ uzluksiz ish staji 20 yildan ortiq – tarif stavkasining 20 foizi, oliy ma'lumotli tibbiyot hamshiralari uchun tarif stavkasining 30 foizi.

Asos: https://lex.uz/docs/-941878

🇺🇿 @imtiyozuz

#Bilasizmi | #Xotin_qizlar

⚡️Xotin-qizlarga tadbirkorlikni yo'lga qo'yish uchun 33 million so'mgacha kreditlar ajratiladi

Xotin-qizlarga tadbirkorlikni yo‘lga qo‘yish uchun Xotin-qizlarni qo‘llab-quvvatlash davlat maqsadli jamg‘armasi hisobidan 3 yilgacha va 6 oygacha imtiyozli davr bilan yillik 14 foiz stavkada 33 million so‘mgacha kreditlar ajratiladi.

🔰 Kreditlar quyidagi dasturlarni muvaffaqiyatli tugatgan xotin-qizlarga beriladi:

➖ Tadbirkorlikni rivojlantirish agentligi va Biznes va tadbirkorlik oliy maktabi ma’qullangan dasturlar asosidagi o‘quv kurslari;

➖ “Ishga marhamat” monomarkazlari, kasb-hunarga o‘qitish markazlari, mahallalardagi kasb-hunarga o‘qitish maskanlari va Xotin-qizlar tadbirkorlik markazlari yoki nodavlat ta’lim muassasalarining kasbga o‘rgatish o‘quv kurslarining maxsus o‘qitish dasturlari.

🇺🇿 @imtiyozuz

#Bilasizmi | #Xotin_qizlar

⚡️Yolg'iz ayollarning farzandlari bog'chaga imtiyozli ro'yxat asosida qabul qilinadi.

“Ayollar daftari”ga kiritilgan ijtimoiy himoyaga muhtoj yolg‘iz ayollarning bolalari davlat maktabgacha ta’lim tashkilotlariga ustunlik bilan qabul qilinish huquqiga ega.

🇺🇿 @imtiyozuz

#Bilasizmi

⚡️Quyidagi banklar bankomatlaridan past foiz bilan yoki komissiyasiz naqd pul yechish mumkin.

1) Ipoteka bank - 0,7%
Bankning Uzcard kartalaridan Samarqand viloyati, Chilonzor va Ko’ksaroy filiallari bankomatlarida naqd yechilganda;

2) Asakabank - 0,7%
Bankning Uzcard va Humo kartalaridan Asakabank bankomatlarida naqd yechilganda;

3) Garantbank - 0,7%
Bankning Uzcard va Humo kartalaridan Garantbank bankomatlarida naqd yechilganda;

4) Asia Alliance Bank - 0,6%
Bankning Uzcard va Humo kartalaridan AAB bankomatlarida naqd yechilganda;

5) Ipak Yo’li Banki - 0,5%
Bankning Visa Start so’m kartalaridan IYB bankomatlarida naqd yechilganda;

6) Davrbank - 0,5%
Bankning Uzcard va Humo kartalaridan Davrbank bankomatlarida naqd yechilganda;

7) Biznesni Rivojlantirish Banki - 0,5%
Bankning Uzcard va Humo kartalaridan BRB bankomatlarida naqd yechilganda;

8) KDB Bank O’zbekiston - 0,5%
Bankning Humo kartalaridan KDB Bank bankomatlarida naqd yechilganda;

9) Kapitalbank - 0%
Bankning Visa so’m kartalaridan Kapitalbank bankomatlarida 10 mln. so’mgacha naqd yechilganda;

10) Tenge Bank - 0%
Bankning xalqaro bank kartalaridan Tenge Bankning bosh ofisi, Intercontinental, Hyatt Regency va TATUda joylashgan AMEX logotipi bor bankomatlarida 30 mln. so’mgacha naqd yechilganda.

❗️Oradan vaqt o’tgach, komissiyalar o’zgarishi mumkin.
©Manba...

🇺🇿 @imtiyozuz

#Bilasizmi

⚡️Ona tili va adabiyot hamda tarix fani o‘qituvchilariga har oy 50 foiz miqdorida qo‘shimcha ustama to‘lanadi.

✅ 2025-yil 1-yanvardan boshlab Maktabgacha va maktab ta’limi vazirligi tizimidagi umumiy o‘rta ta’lim muassasalarida ona tili va adabiyot hamda tarix fanlari bo‘yicha Oliy ta’lim, fan va innovatsiyalar vazirligi huzuridagi Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan va ushbu fanlardan dars beruvchi pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

🇺🇿 @imtiyozuz

#Bilasizmi

⚡️O‘qituvchilar faoliyatiga aralashganlik uchun javobgarlik bor.

❗️Ma'muriy javobgarlik toʻgʻrisdagi kodeksning 197-5-moddasiga muvofiq ta’lim tashkiloti pedagog xodimining kasbiy faoliyatiga qonunga xilof ravishda aralashish yoki o‘z xizmat vazifalarini bajarishiga to‘sqinlik qilish ma'muriy javobgarlikga sabab bo'ladi.

Ta’lim tashkiloti pedagog xodimining kasbiy faoliyatiga ta’lim oluvchilarning bilimini to‘g‘ri va xolis baholashiga ta’sir ko‘rsatish bilan ifodalangan tarzda qonunga xilof ravishda aralashish yoki ta’lim tashkiloti pedagog xodimining xizmat vazifalarini bajarishiga to‘sqinlik qilish, — fuqarolarga bazaviy hisoblash miqdorining yetti baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi;

Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, — fuqarolarga bazaviy hisoblash miqdorining o‘n baravaridan o‘n besh baravarigacha, mansabdor shaxslarga esa — o‘n besh baravaridan yigirma baravarigacha miqdorda jarima solishga yoki o‘n besh sutkagacha ma’muriy qamoqqa olishga sabab bo‘ladi.

🇺🇿 @imtiyozuz