#Trening

PSIXOLOGIK TRENING

🗓 5-noyabr kuni Muhammad al-Xorazmiy nomidagi ixtisoslashtirilgan maktabda psixolog tomonidan "Stresdan хoli maktab" nomli trening tashkil etildi. Ushbu tadbir maktab jamoasiga stressni kamaytirish, psixologik barqarorlikni oshirish va umumiy ish muhitini sog'lomlashtirishga qaratildi.

Mashg'ulotlarda psixolog Sh. Sultanova pedagog xodimlarga jamoaga yaqindan yondashish va maktab an'analarini mustahkamlash muhimligini tushuntirdi. U stressni yengish uchun qo'llaniladigan turli xil terapiya usullari haqida so'zlab berdi. Jumladan, qo'shiq, raqs, mutolaa, jismoniy mashqlar, meditatsiya va boshqa usullardan foydalanishning afzalliklari batafsil muhokama qilindi. Shuningdek, xodimlarga stressdan himoyalanish va uni profilaktika qilish bo'yicha foydali maslahatlar berildi.✨⭐️

⚡️Qatnashchilar o'zlarini qiziqtirgan savollariga javob olishdi va kundalik faoliyatlariga psixologik jihatdan qanday yondashish mumkinligi borasida aniq tushunchaga ega bo'lishdi. Trening davomida olingan bilimlar ularga ish rejalari va jamoaviy munosabatlar uchun yangi motivatsiya berdi, shuningdek, professional o'sishga bo'lgan ishtiyoqni kuchaytirdi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#trening
#IB
#International_Baccalaureate
#Xalqaro_hamkorlik

TA’LIMGA ZAMONAVIY YONDASHUV

📎Muhammad al-Xorazmiy nomidagi ixtisoslashtirilgan maktabda filologiya va amaliy fanlar metodbirlashma o‘qituvchilari uchun IB -yangicha baholash tizimiga bag‘ishlangan keng ko‘lamli amaliy trening o‘tkazildi. Mazkur treningda barcha fanlar bo‘yicha 3-chorak uchun baholash mezonlarini to‘g‘ri tanlash va ularni dars jarayonida qo‘llash bo‘yicha masalalar atroflicha muhokama qilindi.

Tadbir davomida asosiy e’tibor quyidagi masalalarga qaratildi:
➖ IB tizimining xalqaro talablari va ular asosida baholashning metodik yondashuvlari;
➖Fanlarning xususiyatlariga mos ravishda baholash mezonlarini shakllantirish;
➖ BSB mezonlarini amalda qo‘llashda yuzaga keladigan muammolarni hal qilish yo‘llari;
➖O‘quvchilarning bilim va ko‘nikmalarini adolatli baholash tamoyillari.

📌Mashg’ulot treneri Umida Sabirova o‘zining katta tajribasi va bilimlari asosida o‘qituvchilarni qiziqtirgan savollarga javob berdi. U mezonlarni ishlab chiqish va ularni sinf darajasida amaliy qo‘llashning eng samarali usullarini tushuntirdi. Shu bilan birga, o‘qituvchilar uchun interaktiv mashg‘ulotlar tashkil etilib, yangi baholash tizimini tushunishga doir real vaziyatlar tahlil qilindi.

Treningda qatnashgan o‘qituvchilar ushbu amaliy tadbirdan mamnun ekanliklarini bildirdilar va bu kabi tajriba almashuv mashg‘ulotlari kelgusida o‘z pedagogik mahoratini oshirishda muhim o‘rin tutishini ta’kidladilar. Tadbir so‘ngida barcha ishtirokchilar yangi bilimlarini o‘z faoliyatiga samarali tatbiq etish bo‘yicha kelishib oldilar.⁉️

Bu kabi tadbirlar zamonaviy ta’lim talablariga mos ravishda o‘qituvchilarning professional rivojlanishiga katta hissa qo‘shadi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#xalqaro_hamkorlik
#trening
#boshqaruv_koʻnikmalari

⚡️XALQARO EKSPERTLAR ISHTIROKIDA TRENING BOSHLANDI

🤩 Ixtisoslashtirilgan taʼlim muassasalari agentligi tizimiga kiruvchi maktablar rahbar xodimlari uchun maxsus trening mashgʻulotlari boshlandi.

✅Mazkur trening Buyuk Britaniyaning AQA (Assessment and Qualifications Alliance) xalqaro taʼlim tashkiloti bilan hamkorlikda tashkil etilgan boʻlib, tizimdagi maktablar rahbar xodimlarining boshqaruv salohiyatini yanada rivojlantirish, ularning kasbiy bilim va ko‘nikmalarini chuqurlashtirish, shuningdek, zamonaviy ta’lim talablariga mos ravishda rahbarlik malakasini takomillashtirish maqsadlarini koʻzda tutadi.

📶 Trening mashg‘ulotlarini olib borishga AQA xalqaro taʼlim tashkiloti vakillari Samantha Twiselton va Ann Burgess taklif etilgan. Xalqaro ekspertlar ilg‘or xalqaro yondashuvlar hamda amaliy bilimlar orqali samarali rahbarlik, o‘zgarishlarni boshqarish, ta’lim muassasasining rivojlanish strategiyasini ishlab chiqish, hamkorlikda ishlash va jamoani boshqarish borasida muhim ko‘nikmalar bilan oʻrtoqlashmoqda.

📆13-iyunga qadar davom etadigan trening mashgʻulotlari rahbar kadrlarning xalqaro tajribaga asoslangan bilimlarga ega bo‘lishi, ularning zamonaviy menejment yondashuvlarini chuqur anglab yetishi va amalda qo‘llay olishi uchun muhim zamin yaratadi.

🗣Mashg‘ulotlar interaktiv shaklda, amaliy topshiriqlar va guruh muhokamalari asosida olib borilib, ishtirokchilar yangi bilim va koʻnikmalar olish, tajriba orttirish imkoniyatiga ega bo‘ladi.

📍Tadbirga Muhammad al-Xorazmiy nomidagi ixtisoslashtirilgan maktabi mezbonlik qilmoqda.

❗️Qabul yangiliklarini biz bilan kuzating:
Telegram | Facebook | Instagram | YouTube

#xalqaro_hamkorlik
#trening
#boshqaruv_koʻnikmalari

🤩 Ixtisoslashtirilgan taʼlim muassasalari agentligi tizimiga kiruvchi maktablar rahbar xodimlari uchun AQA (Assessment and Qualifications Alliance) xalqaro taʼlim tashkiloti bilan hamkorlikda maxsus trening mashgʻulotlari oʻtkazilayotgani haqida xabar bergan edik.

📶 Treningning ikkinchi kunida AQA xalqaro taʼlim tashkiloti vakillari Samantha Twiselton va Ann Burgess tomonidan olib borilgan mashgʻulotlarda zamonaviy boshqaruv ko‘nikmalarini shakllantirish, samarali yetakchilik, o‘qituvchilarni rag‘batlantirish va ta’lim sifatini oshirishga qaratilgan mavzular muhokama qilindi. Xalqaro tajriba asosida ishlab chiqilgan metodik yondashuvlar ishtirokchilar e’tiboriga havola etildi.

📆 Maxsus trening mashgʻulotlari 13-iyunga qadar davom etadi.

❗️Qabul yangiliklarini biz bilan kuzating:
Telegram | Facebook | Instagram | YouTube