#xorijdagi #elchixonalar #rahbarlari #uchrashuvi

☑️Muhammad al-Xorazmiy nomidagi ixtisoslashtirilgan maktabda O'zbekiston Respublikasining xorijdagi elchixonalari rahbarlari bilan Prezident ta'lim muassasalari agentligi o'rtasida ta'lim borasida ochiq muloqot o'tkazildi.

✔️Mehmonlar agentlik rahbari Hilola Umarova hamda maktabimiz o'quvchilari hamrohligida Muhammad al-Xorazmiy nomidagi ixtisoslashtirilgan maktab faoliyati va o‘quvchilar uchun yaratilgan qulayliklar bilan yaqindan tanishdi.

◾️Shuningdek, tashrif buyurganlar o'quvchilarimiz tomonidan AKT bo‘yicha qilingan ixtirolar va tayyorlangan loyihalar ko'rgazmasini tomosha qildilar.

▫️Mamlakatimizda ta'lim darajasini yanada yuksaltirish va bu borada xorijiy hamkorlar bilan qo‘shma loyihalarni muvaffaqiyatli amalga oshirish bo‘yicha kelishib olindi.

🔘Yurtimizning jahon ayvonidagi mavqeyi va nufuzini belgilashda xorijiy davlatlardagi elchilarimizning o‘rni nihoyatda beqiyosdir. Shu nuqtai nazardan, mamlakatimizning xorijdagi diplomatik vakolatxonalari rahbarlari bilan tashkil etilgan ushbu muloqot mamlakatimiz uchun keng imkoniyatlar eshigini ochishiga shubha yo‘q!

🔲Prezident ta'lim muassasalari agentligi direktori Hilola Umarovaning so‘nggi yillarda mamlakatimizda ta'lim sohasini rivojlantirish yo‘lida amalga oshirilayotgan keng ko‘lamli islohotlar to‘g‘risidagi taqdimoti ishtirokchilarga manzur bo‘ldi.

▪️Shundan so‘ng mamlakatimizning xorijiy davlatlardagi elchilari o‘zlarini qiziqtirgan masalalar yuzasidan soha mutasaddilari bilan fikr almashdi.

Fotolavhalar

©️Muhammad al-Xorazmiy axborot texnologiyalari maktabi matbuot xizmati.

Telegram |Facebook |Instagram |Web