#seminar

USTOZLAR TAJRIBASI - KATTA MAKTAB!

⏳Bugungi jadal rivojlanib borayotgan davr unga hamohang harakatlanishni talab etadi. Ayniqsa, ta'lim sohasidagi har qanday inson kechagidan ko'ra bugun jadalroq ilgarilashi lozim.

👩‍🏫👨‍🏫 Kadrlarning raqobatbardoshlik sifatlari hamda bilim va koʻnikmalarining zamon talablariga javob bera oladigan darajada boʻlishini taʼminlash maqsadida maktabimizdagi matematika uslubiy birlashmasida bir qator ilg'or va malakali o'qituvchilar tomonidan o'tkazilgan "Chet ildiz" mavzusiga doir seminar trening o'tkazildi.

➕Treningda o’qituvchilar “Chet ildiz” mavzusini o'quvchilarga yanada qiziqarliroq tushuntirish, chet ildizlarning kelib chiqish sabablarini tahlil qilish, masala-misollarda mustahkamlashga doir bir qator qiziqarli tajribalari bilan o'rtoqlashdilar.

✔️Shuningdek, matematika darslarini yanada qiziqarli va jonli tarzda tashkil etish borasida bahslar ham bo'lib o'tdi.

💡Noto'g'ri ishlatilgan atamalar tajribali ustozlar tomonidan to'g'rilandi.

📝Keyingi trening mavzulari rejalashtirib olindi.
________
✈️Telegram 📒Facebook 📷Instagram 🌐Web 📹Youtube

#seminar

MATEMATIKLAR DTM SAVOLLARI MUHOKAMASIDA

⚡️Turli seminar, trening va uchrashuvlar ustozlar o'rtasida fikr va tajriba almashish uchun qulay fursatdir. Semenarlarni ko'proq tashkil etish ustozlarning ijodiy qirralarini kashf etishga yordam beradi.

👨‍💻Buni yaxshi anglagan maktabimiz matematika ustozlari har hafta ana shunday treninglarni tashkil etishni kanda qilishmayapti. Navbatdagi mavzu "Testdagi murakkabroq misollar, ularni tez va oson yechish usullari" bo'ldi. Mavzuni matematika fani o'qituvchisi Mirzo Ulug'bek Qurbonov yoritib berdi.

👨‍💼 Tadbirda ustoz Mirfozil Mirzaahmedov ko'p yillik tajribalaridan kelib chiqib, o'z tavsiya va maslahatlarini ayamadilar. Shuningdek, ustozlar Ahmad Xolmatov, Feruz Mamirov, Muhiddin Matmurodovlar ham o'z fikr va mulohazalarini bo'lishdilar.

🕰 Uchrashuv so'nggida navbatdagi mavzu haqida kelishib olindi.
__________
✈️Telegram 📒Facebook 📷Instagram 🌐Web 📹Youtube

#seminar

XALQARO HAMKORLIK

🇺🇿🇹🇷Muhammad al-Xorazmiy nomidagi ixtisoslashtirilgan maktabida Toshkent Prezident maktabi xalqaro toifadagi o'qituvchisi Ms.Gizem Oyguç boshchiligida "Ta'lim berishda yangicha yondashuv" mavzusida seminar- trening bo'lib o'tdi.

🧠Seminar-treningda ta'limda AI (su'niy intellekt)dan samarali foydalanish bo'yicha bir qancha yangicha yondashuvlar va amaliy ma'lumotlar berib o'tildi.

🧠Shunigdek, Almanack Sun'iy intellekt asosidagi dars rejalari va sinf resurslarini yaratish borasida o'qituvchilar uchun tavsiyalar berildi. Seminar-treningda ingliz tili fani ustozlari bilan birgalikda ona tili va adabiyot, tarix, biologiya va informatika fani ustozlari ham ishtrok etishdi.

❗️Ushbu seminar- treningdan olingan barcha yangiliklar darslarni tashkil qilish uchun o'qituvchilarning kelajakdagi ish faoliyatida juda foydalidir.
_________
✈️Telegram 📒Facebook 📷Instagram 🌐Web 📹Youtube

#seminar

☄️Muhammad al-Xorazmiy nomidagi Toshkent axborot texnologiyalari universitetining Kompyuter injiniringi fakulteti mas'ullari Muhammad al-Xorazmiy nomidagi ixtisoslashtirilgan maktabiga "Dasturlashni o'qitishda muammo va yechimlar" nomli seminar-trening o'tkazish uchun tashrif buyurdi.

✔️Seminar-trening davomida maktablarda informatika va dasturlash fanlarini o'qitish, o'quvchi-talabalarni dasturlashga o'qitishdagi zamonaviy va innovatsion yondashuvlar, imkoniyatlar, IT sohasida bo'lajak dasturchilarni tayyorlashda raqobatli dasturlash yondashuvlaridan foydalanish, o'quvchi-talabalarni mahalliy va xalqaro nufuzli olimpiadalarga tayyorlash, birgalikda qo'llanmalar yaratish kabi masalalar muhokama qilindi.
_________
✈️Telegram 📒Facebook 📷Instagram 🌐Web 📹Youtube

#seminar

USTOZLAR HAMKORLIGI DAVOM ETMOQDA!

☄️Muhammad al-Xorazmiy maktabining tinib-tinchimas matematiklari tomonidan nafaqat o‘zaro, balki, oliy o‘quv yurtlari ustozlari bilan ham do‘stona aloqalar yo‘lga qo‘yilgan.

📣 Bu galgi matematiklar seminarida Nizomiy nomidagi Toshkent Davlat Pedagogika universiteti ustozlari mehmon bo‘lishdi. Ulardan ustoz Rasul Qo‘shnazarov "Matematik analizning elementar matematikaga tadbiqlari" mavzusida taqdimot qildilar.

Taqdimotda hayotiy jarayonlarni modellashtirish haqida qiziqarli ma'lumotlar berildi. Tajribali ustozlar Mirfozil Mirzaahmedov hamda Barat Rahimovlar mavzu doirasida o‘z fikr- mulohazalarini bildirdilar.🎙

📌So‘ngra ko‘plab matematika darsliklari muallifi, professor, fizika, matematika fanlari doktori – Bahodir Haydarov "Matematika fanini o‘qitishda MRT" mavzusini yoritib berdilar. O‘quvchilarga matematika fanini o‘qitishda "Moddiy-Rasmli-Timsolli" usulida nazariya va amaliyotni muvozanatda tutgan holda qanday tushuntirish metodlarini o‘rgatdilar.

Bundan tashqari, boshqa davlatlarda matematikani o‘qitishda nazariya va amaliyot qanday nisbatda ekanligi haqidagi statistikani ham taqdim etdilar.📈📉

Seminarlardan olinayotgan bunday foydali ma'lumotlar,albatta,keyingi uchrashuvlarni qiziqish bilan kutilishiga sabab bo'ladi.

ℹ️Tadbir so'ngida bundan keyingi seminar haqida kelishib olindi.
_________
✈️Telegram 📒Facebook 📷Instagram 🌐Web 📹Youtube

#seminar_trening

🤩 Agentlikning Toshkent shahrida joylashgan ixtisoslashtirilgan maktablar pedagog xodimlari uchun oʻquv jarayonlarini samarador usullarda olib borish, yangi baholash mezonlari tartibiga bagʻishlangan seminar-trening tashkil etildi.

Muhammad al-Xorazmiy nomidagi ixtisoslashtirilgan maktabida oʻtkazilgan ushbu seminar-trening Agentlik huzuridagi Pedagogik mahorat va xalqaro baholash ilmiy-amaliy markazi rahbariyati, masʼul xodimlari tomonidan olib borilib, yangi baholash mezonlari tartibi boʻyicha metodik tavsiyalar berildi, taqdimotlar oʻtkazildi.

Seminar-trening oʻz ishini ertaga ham davom ettirib, Toshkent shahrida joylashgan umumtaʼlim maktablari pedagog xodimlarining ayni yoʻnalishda bilim va malakalarini oshirish rejalashtirilgan.

Telegram | Facebook | Instagram | YouTube

#seminar_trening

🤩 Muhammad al-Xorazmiy nomidagi ixtisoslashtirilgan maktabida Toshkent shahrida joylashgan umumtaʼlim maktablar pedagog xodimlari uchun oʻquv jarayonlarini samarador usullarda olib borish, yangi baholash mezonlari tartibiga bagʻishlangan seminar-trening tashkil etildi.

Seminar-trening Agentlik huzuridagi Pedagogik mahorat va xalqaro baholash ilmiy-amaliy markazi mutaxassislari tomonidan olib borilib, metodik tavsiyalar berildi hamda taqdimotlar oʻtkazildi.

Telegram | Facebook | Instagram | YouTube