#ጤናረቡዕ #ጤናማአመጋገብ

polyphenols በተለያዩ ምግቦች ውስጥ የሚገኙ ዘርፈ ብዙ ጥቅም ያላቸው ንጥረ ነገሮች ናቸው፡፡ ከነዚህ ጠቀሜታዎች ውስጥ፡-

✔️የሰውነትን ክብደት ማስተካከል

✔️በሰውነታችን ውስጥ ያለውን ግሉኮስ ( ስኳር ) የመፈጨትና ለሰውነት ጥቅም የማዋል ሂደት ማስተካከልና መቆጣጠር

✔️የሰውነት መቆጣትንና ቁስለትን መቀነስ፣

✔️እንዲሁም የልብ ህመም፣ የአጥንት መሳሳት ና ካንሰር ያሉ ስር የሰደዱ ህመሞችን ለመከላከል ትልቅ አስተዋፆ እንዳላቸው ይታወቃል።

polyphenolsን ከተለያዩ ከእፅዋት ከሚገኙ ምግቦች ውስጥ እናገኛቸዋለን፡፡ በ polyphenols የበለፀጉ ምግቦችን ዝርዝር ለማንበብ ማስፈንጠሪያውን ይጫኑ!
⬇️⬇️⬇️

https://telegra.ph/What-are-Polyphenols-07-05

በሚቀጥለው ሳምንት በሻይና በpolyphenols ዙሪያ ሰፊ ማብራሪያን ይዘን እንቀርባለን፡፡ ይከታተሉን!

@tikvahethmagazine @ibdeth

#ጤናረቡዕ

በሰፊው ሲጠየቅ ስለነበረው አረንጓዴ ሻይ ወይም Green Tea በዛሬው ጤና ረቡዕ ፕሮግራም ላይ የምንወያይ ይሆናል።

አረንጓዴ ሻይ ለአነጀት ጤና እና የአንጀት ቁስለት ጋር ያለውን ግንኙነት፣ በቀን ምን ይህል መጠጣት ይመከራል፣ አረንጓዴ ሻይ መጠጣት የሌለባቸው ሰዎች እና ማን ናቸው እና ሌሎችንም ጥያቄዎቻችሁን በሳይንስ የተደገፈ መረጃ የምናቀርብ ስለሚሆን ይከታተሉን!

#ጤናረቡዕ #አረንጓዴሻይ

አረንጓዴ ሻይ በየሱቁ እና ሱፐር ማርኬት የሚገኝ የሻይ አይነት ሲሆን ሻይ ቅጠሉ በተለያየ መልኩ ታሽጎ ለተጠቃሚ ይቀርባል።

ይህ ሻይ በቻይና፣ ጃፓን የመሳሰሉት አገራት ላይ ለብዙ ሺህ አመታት ሲጠቀሙበት ኖረዋል። የዚህ ሻይ ጥቅም በብዙ ሳይንሳዊ ምርምር የተደገፈ ማስረጃ ሲኖር ለልብ፣ ለአንጀት ጤና እንዲሁም ኮሌስትሮል የመቀነስ ሀይሉ፣ ካንሰር የመከላከል እንዲሁም የአንጀት ቁስለት ላይ ያለውን ጠቀሜታ በዝርዝር ቀርቧል።

አረንጓዴ ሻይን በቀን ስንት ግዜ ልጠቀም፣ ለኔ ይሆናል ወይ እንዲሁም ሻዩን ከመውሰድ በእንክብል መልክ ተዘጋጅቶ የቀረበው የአረንጓዴ ሻይ ከ ሻይ ቅጠሉ የሚለየውን ነገር ከታች ያለውን ማስፈንጠሪያ በመጫን ማንበብ ይችላሉ።

የአረንጓዴ ሻይ ጣዕም ለማይወዱ እንዲሁም ለየት ባለ መልኩ መጠቀም ለሚሹ ከ ክሮንስ እና ኮላይተስ ግሩፕ የተወጣጣ ለየት ያሉ የሻይ፣ የጁስ የመሳሰሉትን አማራጮችን በቅዳሜ ለት @ibdeth ላይ ይዘን እንቀርባለን።

ተጨማሪ ለማንበብ https://telegra.ph/Green-Tea--Our-Gut-07-13

@tikvahethmagazine @ibdeth

#ጤናረቡዕ #እርድ

ሰሞኑን በጤና ረቡዕ ፕሮግራም ላይ ስለተለያዩ የሰውነት መቆጣትን የሚከላከሉ በማዕድ ቤት ውስጥ ስለሚገኙ ቅመማት እና ሻይ ስንወያይ ቆይተናል።

ይህንን የpolyphenol ተከታታይ ፕሮግራም የምንቋጨው በእርድ እና የእርድ ጥቅሞች ሲሆን ለተከታታይ ሁለት ሳምንታት ስለ እርድ እና የተለያዩ ህመሞች ጋር ስላላለው ግንኙነት እንወያያለን። እንደተለመደው ለቀረበው መረጃ ሳይንሳዊ መረጃ በማጣቀሻ ላይ በዝርዝር ስለቀረበ በጥልቅ ማንበብ ካሻዎ ማስፈንጠሪያውን ይጫኑ።

https://telegra.ph/Turmeric--Inflammation-07-19

በቀጣይ ሳምንት የእርድን ተጨማሪ የጤና ጥቅሞች፣ እርድን መጠቀም ለማን አይመከርም? የሚለውን፣ እንዲሁም ስለ ቁንዶ በርበሬ መረጃን እናቀርብላችሗለን።
በተጨማሪም የስነ ምግብ ባለሙያ እንግዳችንን በቀጣይ ሳምንት የምናስተዋውቅ ይሆናል።

በፊታችን ቅዳሜ በተደጋጋሚ ስለተጠየቅነው ስለ ማር በ @ibdeth እናቀርባለን።

ይከታተሉን!

@tikvahethmagazine @ibdeth

#ጤናረቡዕ #እርድ

ክፍል-2 ( የመጀመሪያውን ክፍል ማንበብ ለምትፈልጉ ከላይ ተያይዟል)

ተጨማሪ የእርድ ጠቀሜታዎች

- እርድ በውስጡ የፀረ-ብግነት ባህሪ'ን ስላተላበሰ የተለያዩ ህመሞችን ለማስታገስ ይረዳል።

- በሰውነታችን ያሉ መርዛማ ንጥረ ነገሮች በጉበታችን ውስጥ በማለፍ ይመክናሉ፤ እርድ ይህንን መርዛማነትን ከሰውነታችን የማስወገድ ሥራን እጅጉን ያግዛል

- እርድን በቀን ሁለት ጊዜ መጠቀም በደማችን ውስጥ የሚገኘውን የኮሌስትሮል መጠንን ይቀንሳል።

- በእርድ ውስጥ የሚገኘው Curcumin የተሰኘው ንጥረ ነገር የደም ስሮቻችንን የውስጠኛውን ግድግዳ የሚሸፍነውን የመጀመሪያውን ንብር በማገዝ፤ የሰውነት ግፊትን እንዲሁም የደም መርጋትን ይከላከላል።

ለምን እርድ ውስጥ ቁንዶ በርበሬ እንጨምራለን?

ጥናቶች እንደሚያሳዩት ፣ በቁንዶ በርበሬ ውስጥ የሚገኘውን Piperine የተሰኘ ንጥረ ነገር እርድ ውስጥ ከሚገኘው Curcumin ጋር እብሮ መጠቀም የCurcumin'ን ወደ ሰውነታችን የመሰረፅ እድሉን በ2000% ያህል ያሳድገዋል።

እርድ ለማን አይመከርም?

፨ የጨጓራ አሲድ የሚቀንሱ መድሐኒት በምንወስድበት ጊዜ።
፨ የስኳር ህመም መድሐኒት በሚወሰድበት ጊዜ።
፨ የሀሞት ጠጠር ላለባቸው ሰዎች ላይ።
፨ የደም ማቅጠኛ መድሐኒትን የሚጠቀሙ ሰዎች።

ተጨማሪ ጠቃሚ መረጃዎችን በተከታዩ ሊንክ በቀላሉ ማግኘት ይችላሉ https://telegra.ph/Turmeric-Continued-07-26

በቲክቫህ ማጋዚን ላይ ብቻ!

@tikvahethmagazine @ibdeth

#ቃለመጠይቅ #ጤናረቡዕ

ከስነ-ምግብ የህክምና ባለሙያ ጋር

በጤና ረቡዑ ‹‹ጤናማ አመጋገብ ፣ ጤናማ የሆድ እቃ›› በሚል ርዕስ ላለፉት አምስት ሳምንታት መረጃን ስናቀብላቹ ነበር፡፡

ነገ ዕሮብ ከምሽቱ አንድ ሰዓት ላይ ከስነ-ምግብ የህክምና ባለሙያ ትርሲት ደምሰው ጋር በቀጥታ ስርጭት ውይይት እናደርጋለን፡፡

ከምንዳስሳቸው ጉዳዮች በከፊል ...

- አጠቃላይ የምግብ እቅድ ግምገማ ሂደትና ጠቀሜታ

- የአመጋገብ ለውጥ በማድረግ የሆድ እቃን ጤና እንዴት መጠበቅ ይቻላል?

- የባለፉት ሳምንታት ርዕሶች ጠቅለል ያለ ማብራሪያ

በዚህ ርዕሰ ጉዳይ ላይ እንዲብራራሎት የሚፈልጉት ጥያቄ አሎት? በ @IBDETHIOPIA መልዕክቶን ይላኩልን፡፡ በቀጥታ ስርጭቱ ላይ ተገቢውን ማብራሪያ እና ምላሽ በባለሙያ እንዲሰጦ እናደርጋለን፡፡

@tikvahethmagazine @ibdeth

ውድ ቤተሰቦቻችን
በ #ጤናረቡዕ ፕሮግራም ላይ ስለ አንጀት ቁስለት እና አመጋገብ ስርዐት ከ ዶ\ር ዘላለም ደበበ እንዲሁም ዶ\ር ሀይለሚካኤል ደሳለኝ ጋር የቀጥታ ስርጭት ቆይታ ነበረን።

የድምጽ ቅጂውን በዩትዩብ ገጻችን የለቀቅን ሲሆን ይህንን ማስፈንጠሪያ በመጫን መከታተል ይችላሉ።

እናመሰግናለን!

https://youtu.be/TXT4DFTlcoU

#ጤናረቡዕ

ውድ የጤና ረቡዕ ተከታታዮቻችን በዚህኛው የጤና ረቡዕ የዝግጅት ምዕራፍ "ጤናማ የሆድ እቃ፣ ጤናማ አዕምሮ" በሚል ርዕስ ሳይንሳዊ መረጃዎችን ለተከታታይ ሳምንታት እናቀብላችኋለን፡፡

እንደሚታወቀው በአሁኑ የክረምት ወቅት በሀገራችን በተማሪዎችም ሆነ በሰራተኞች ዘንድ የተወሰነ የስራ መቀዛቀዝ የሚስተዋልበት ጊዜ እንደመሆኑ የአዕምሮ ጭንቀትና ድባቴ በርከት ያሉ ሰዎችን ያጠቃል፡፡ ይህ ደግሞ በተለያየ ስር የሰደደ ህመም ባጋጠማቸው ሰዎች ላይ በተወሰነ መልኩ ተባብሶ ይታያል፡፡

ለዚህም ለተከታታይ ሶስት ሳምንታት ስለ የአዕምሮ ጤናና የሆድ እቃ፣ እንደ የአንጀት ቁስለት ያሉ ስር የሰደዱ ህመሞችና የመድሃኒቶቻችው የጎንዮሽ ጉዳት በአዕምሮ ጤና ላይና የእነዚህ ስሜቶች ተግባሪያዊ ማሳያዎችና መፍትሄዎችን እንዳስሳለን፡፡

በአራተኛውና በመጨረሻው ሳምንትም ባለሞያ ጋብዘን በዚሁ ርዕስ ዙሪያ ከእናንተ የሚመጡልንን ጥያቄዎች በቀጥታ ስርጭት የምንመልስ ይሆናል።

በዚህ ሳምንትም፦

✔️ የአዕምሮ ጤናና የሆድ እቃ ጤና እንዴት ይገናኛሉ?

✔️ የሆድ እቃ ጠቃሚ ረቂቅ ተህዋሲያን ተፅዕኖ በአዕምሮ ጤና ላይ

✔️ ከአካባቢያዊ ሁናቴዎችና የአኗኗር ዘይቤ ተፅዕኖ በአዕምሮና በሆድ ዕቃ ጤና ላይ በሚሉት ርዕሶች ላይ ሳይንሳዊ ማብራሪያ ይዘን ቀርበናል፡፡

የበለጠ ለማንበብ ማስፈንጠሪያውን ይጫኑ https://telegra.ph/Healthy-Gut-Healthy-Mind-08-17

@tikvahethmagazine @ibdeth

#ጤናረቡዕ

የአመጋገብ ስርዓት እና የአይምሮ ጤና

[ በ @ibdeth የቀረበ ]

- አካላዊ ጤና እና የአመጋገብ ስርዓት ዘርፈ ብዙ ተዛምዶ አላቸው።

- ደካማ የአመጋገብ ሥርዓት ለወረደ ስሜት አንደኛው ምክንያት ሊሆን ይችላል፤ በሌላ ጎኑ ተገቢ የአመጋገብ ሥርዓት ጉልህ በሚባል ደረጃ የአዕምሮን ጤና ያሻሽላል።

- የአመጋገብ ስርዓታችን በሆድ እቃችን ውስጥ በሚገኙ ረቂቅ ተህዋሳት ላይ በሚያመጣው ተፅዕኖ የአዕምሮን ጤና ላይ በተላያየ መንገድ ተፅዕኖ እንደሚያሳድር የተለያዩ ጥናቶች አረጋግጠዋል።

- የዘወትር የማዕዳችን ሥርዓት፥ እንደ ትኩራት ማጣት እና በስሜት ግፊት ነገሮችን በማድረግ የሚገለጠውን Attention Deficit Hyperactivity Disorder/ADHD/ ያሉ የአዕምሮ ጤና ችግሮች ጋር ተያያዥነት አለው።

- ኦሜጋ-3 ፋቲ አሲድ በተላዩ ምግቦች ውስጥ የሚገኝ ንጥረ ነገር ሲሆን የተለያዩ የአዕምሮ ህመም ተጠቂዎች ላይ እራሱን ችሎ ወይም እንደ አባሪ መድኃኒት መጠቀም ስኬታማ ውጤትን አሳይቷል።

- የአመጋገብ ሥርዓታችን በተለያየ መንገድ የአዕምሮ ጤና ላይ ተፅዕኖ ያደርጋል። በአዕምሮ ምግቦች የበለጠጉ ምግቦችን መጠቀም ስኬታማ እና በእንፃራዊ መልኩ ደግሞ ቀላል በሆነ መንገድ የአይምሮ ጤናን ለማሻሻል እንዲሁም ከአይምሮ ህመም ለማገገም አይነተኛ መንገዶች ናቸው።

🔗 ተጨማሪ በ 👉 INSTANTVIEW ያንብቡ

@tikvahethmagazine @WriteforTikvahbot

#ጤናረቡዕ

ጤናማ የሆድ እቃ፣ ጤናማ አዕምሮ

- ስር የሰደዱ ህመሞችና የአእምሮ ጤና

✔️ የተለያዩ ስር የሰደዱ ህመሞች ጭንቀት፣ ስጋት እና ድባቴን በመፍጠር በአንድ ሰው ህይወት ላይ እክልን ሊያስከትሉ ይችላሉ፡፡

✔️በሌላ በኩል ፣ የአእምሮ ጭንቀት ሁኔታ ሲከሰት የተለያዩ የስር የሰደዱ ህመሞች ምልክቶች እና የህመሞቹን መልሶ መቀስቀስ ሊያስከትል ይችላል፡፡

👉ከሁለቱ የቱም ይቅደም የቱ፣ ጥናቶች እንደሚያሳዩት ጭንቀት፣ ስጋት እና ድባቴ በቀጥታ ስር የሰደዱ ህመሞችን ላያስከትሉ ቢችሉም ቀድሞ ለተፈጠረው ህመም አፀፋዊ ምላሽ ናቸው፡፡

👉ከጭንቀት፣ ስጋት እና ድባቴ በተጨማሪ ስር የሰደዱ ህመሞች ያለባቸው ሰዎች ሌሎች ተጨማሪ የስሜት ለውጦችን ሊያስተናግዱ ይችላሉ፡፡

ሆኖም ያጋጠመንን ህመም መቀበል የለት ተዕለት ኑሯችንን በተገቢው ሁኔታ ለማስኬድ፣ የሀኪማችንን ምክር በአግባቡ ተቀብሎ ለመፈፀም እና ጤናማ ህይወት ለመኖር ይረዳናል፡፡

🔗 ተጨማሪ ያንብቡ 👉 https://telegra.ph/NCDs--Mental-Health-08-31

#በቀጣይሳምንት

በቀጣይ ሳምንት እስካሁን ስንወያይበት በቆየንበት ጤናማ የሆድ እቃ፣ ጤናማ አዕምሮ በሚለው ዙሪያ ባለሙያ ጋብዘን፤ ከእናንተ የሚደርሱንንም ጥያቄዎች አካተን ሰፊ ማብራሪያን በቀጥታ ስርጭት ይዘን እንቀርባለን፡፡
በዚህ ርዕሰ ጉዳይ ላይ ያሎትን ጥያቄ በ @IBDETHIOPIA ያድርሱን!

@tikvahethmagazine @ibdeth

#ጤናረቡዕ

🟣ማስታወሻ

ዛሬ በጤና ረቡዕ የውይይት ገፃችን ላይ ስለ የሆድ እቃ ጤናና የአእምሮ ጤና እንድንወያይበት እንዲሁም ጥያቄዎቻችሁ በባለሙያ እንዲመለሱ የቀጥታ ስርጭት ፕሮግራም ይዘን መጥተናል።

ከቀኑ ሰባት ሰዓት ላይ የስነ-ልቦና ባለሙያ የሆነውን ናትናኤል ሰይፉን ይዘን እንቀርባለን።
ይከታተሉን!

በቲክቫህ ማጋዚን ላይ ብቻ!

@tikvahethmagazine @ibdeth

ውድ ቤተሰቦቻችን

በዚህ ሳምንት #ጤናረቡዕ ፕሮግራም ላይ ስለ የሆድ እቃ ጤናና የአእምሮ ጤና የስነ-ልቦና ባለሙያ ከሆነውን ናትናኤል ሰይፉ ጋር የቀጥታ ስርጭት ቆይታ ነበረን።

የድምጽ ቅጂውን በዩትዩብ ገጻችን የለቀቅን ሲሆን ይህንን ማስፈንጠሪያ በመጫን መከታተል ይችላሉ።

https://youtu.be/z6OK9ZCerfY

እናመሰግናለን!

@ibdeth

#ጤናረቡዕ

ውድ የጤና ረቡዕ ተከታታዮቻችን በዚህኛው የጤና ረቡዕ የዝግጅት ምዕራፍ "ጤናማ የሆድ እቃ፣ ጤናማ ስነ-ተዋልዶ" በሚል ርዕስ ሳይንሳዊ መረጃዎችን ለተከታታይ ሳምንታት እናቀብላችኋለን፡፡

ከምንዳስሳቸው ርዕሰ ጉዳዮች ውስጥ
👉 የጤናማ ስነ-ተዋልዶ ምንነትና የጤናማ ስነ-ተዋልዶና የሆድ እቃ ጤና ግንኙነት፤የስነ- ተዋልዶ ሆርሞኖችና የሆድ እቃ ጠቃሚ ረቂቅ ተህዋሲያን፤ ስር የሰደዱ ህመሞችና የስነ-ተዋልዶ ጤና (በወንዶችና በሴቶች ላይ)፤ የጤናማ የሆድ እቃና የወር አበባ ዑደት፣እርግዝና፣የእርግዝና መከላከያዎች፣ ጡት ማጥባትና ስር የሰደዱ ህመሞች ግንኙነት ይገኙበታል።

በመጨረሻው ሳምንትም ባለሞያ ጋብዘን በዚሁ ርዕስ ዙሪያ ከእናንተ የሚመጡልንን ጥያቄዎች በቀጥታ ስርጭት የምንመልስ ይሆናል።

በዚህ ሳምንት፦
👉ጤናማ ስነ-ተዋልዶ ምን ማለት ነው?

☑️ የስነ- ተዋልዶ ጤና
የስነ- ተዋልዶ ጤና ማለት ከተዋልዶ ጤና ጋር ተያይዞ የተሟላ የአካል፣ የስሜት፣የአዕምሮ፣ እንዲሁም የማህበራዊ ጤንነት ማለት ነው፡፡ ከዚህም በተጨማሪ የበሽታ አለመኖር ወይም የመራቢያ አካላት ተገቢውን የተግባር ሂደት መተግበር መቻልን ያካትታል፡፡ ከዚህ በተቃራኒ ሁኔታ የሚገኙ ነገሮች የስነ-ተዋልዶ ጤና ችግሮች ናቸው፡፡

☑️ የጤናማ ስነ-ተዋልዶና የሆድ እቃ ጤና ግንኙነት

🔘ጤናማ የሆድ እቃ ፤ ጠቃሚ ረቂቅ ተህዋሲያንና በሽታ ተከላካይ ጥቃቅን ህዋሳትን ስለሚይዝ ሰውነታችንን እንደ ባክቴሪያ ፣ቫይረስና ፈንገስ ካሉ በሽታን ከሚያስከትሉብን ነገሮች ይከላከልልናል።

🔘ከዚያ በተጨማሪም ጤናማ የሆድ እቃ በነርቭና ሆርሞኖች አማካኝነት ከጭንቅላት ጋር ስለሚገናኝ አጠቃላይ የሰውነት ጤናችንን ለመጠበቅም ትልቅ አስተዋፆ አለው፡፡ ከዚህም ውስጥ የሰውነት ሆርሞኖች የማመንጨት፣ ማዋሃድና ማሰራጨት ሂደት ላይ ያለው አስተዋጾ ይጠቀሳል፡፡ በዚህም ምክንያት የሆድ እቃ ጤናችን ከስነ- ተዋልዶና መራባት ሂደትን ጋር በቀጥታ ይገናኛል ማለት ይቻላል፡፡

የበለጠ ለማንበብ ማስፈንጠሪያውን ይጫኑ።

https://telegra.ph/Gut-Health--Reproductive-Health-09-14

@tikvahethmagazine @ibdeth

#ጤናረቡዕ

ጤናማ የሆድ እቃ፣ ጤናማ ስነ-ተዋልዶ - 2

👉የስነ-ተዋልዶ ሆርሞኖችና የሆድ እቃ ጠቃሚ ረቂቅ ተህዋሲያን 

- የስነ-ተዋልዶ ሆርሞኖች፤ በወንዶችና በሴቶች አጠቃላይ የስነ-ተዋልዶ ጤና፣የጉርምስና የሰውነት ለውጦች ላይ እንዲሁም በሰውነት እድገት፣ ፆታዊ ጠባይና መገለጫዎች ላይ ትልቅ ሚና አላቸው፡፡
- የስነ- ተዋልዶ ሆርሞኖች ተብለው ከሚጠቀሱት ውስጥ ዋነኞቹ፤ ኤስትሮጅን/ፕሮጀስትሮን እና ቴስተስትሮን ናቸው፡፡

👉የስነ-ተዋልዶ ሆርሞኖችና የሆድ እቃ ጠቃሚ ረቂቅ ተህዋሲያን ግንኙነት

- የሆድ እቃ ጠቃሚ ረቂቅ ተህዋሲያን በአንጀትና በሆድ እቃ መዋቅር ላይ ጉልህ ሚና አላቸው፡፡ እነዚህ ተህዋሲያን የሆድ እቃን ጤናማነት ከመጠበቅ ባሻገር በርከት ባሉ የሰውነታችን ሂደቶች ውስጥም ይሳተፋሉ፡፡

- የሆድ እቃ ጠቃሚ ረቂቅ ተህዋሲያን መጠን መዛባት ሲከሰትና እነዚህ ረቂቅ ተህዋሲያን ከምንመገበው ምግብ ውስጥ አስፈላጊ ንጥረ ነገሮች ወደ ሰውነት እንዲመጠጥ ማድረግ ሳይችሉ ሲቀሩ የሚከሰተው የአልሚ ምግቦች እጥረትም ለሆርሞኖች መጠን መዛባት እንደምክንያት ይጠቀሳል፡፡ የሆርሞኖች መዛባቱ ደግሞ በስነ-ተዋልዶ ሆርሞኖችም ላይ ይታያል፡፡

👉ስር የሰደዱ ህመሞችና የስነ-ተዋልዶ ጤና 

- ስር የሰደዱ ህመሞች የሚባሉት ለረጅም ጊዜ የቆዩ ህመሞች ሆነው የእለት ተዕለት ኑሮዋችንን በአግባቡ ለመምራት እንቅፋት የሚሆኑብንና ቀጣይነት ያለው የህክምና ክትትል የሚፈልጉ ናቸው፡፡

- ስር በሰደዱ ህመሞች በተጠቁ ታካሚዎች ዘንድ የስነ-ተዋልዶ ጤናቸው ከህመሞቹ ባህሪ፣ሰውነታችን ለህመሞቹ ከሚሰጠው ምላሽና ህመሞቹን ለመቆጣጠር ከሚታዘዙ መድሃኒቶች የጎንዮሽ ጉዳት የተነሳ በተለያየ መንገድ ይጠቃል፡፡

የበለጠ ለማንበብ ሊንኩ ይጫኑ።
https://telegra.ph/Gut-Health-Reproductive-Health-09-21

@tikvahethmagazine    @ibdeth

#ጤናረቡዕ

ጤናማ የሆድ እቃ፣ ጤናማ ስነ-ተዋልዶ-3

የወር አበባ ዑደት፣ ጤናማ የሆድ እቃና ስር የሰደዱ ህመሞች ግንኙነት

✔️ የስነ- ተዋልዶ ጤና፤ ከተዋልዶ ጤና ጋር ተያይዞ የተሟላ የአካል፣ የስሜት፣የአዕምሮ፣ እንዲሁም የማህበራዊ ጤንነት ማለት እንደመሆኑና ከዚህም በተጨማሪ የበሽታ አለመኖር ወይም የመራቢያ አካላት ተገቢውን የተግባር ሂደት መተግበር መቻልን ያካተተ ሲሆን ከዚህ ዉስጥ ደግሞ የተስተካከለና ጤናማ የወር አበባ ዑደት አንዱ ነው።

👉የወር አበባ ዑደት የአንዲት ሴት ሰውነት በየወሩ ሊከሰት ለሚችል እርግዝና በሚያደርገው ቅድመ ዝግጅት የተነሳ የሚፈጠሩ የተለያዩ ለውጦች ውጤት ነው፡፡
👉ይህ የወር አበባ ዑደት ከሆድ እቃ ጤና ጋር በእጅጉ ይቆረኛል።ጤናማ የሆድ እቃ በነርቭና ሆርሞኖች አማካኝነት ከጭንቅላት ጋር ስለሚገናኝ አጠቃላይ የሰውነት ጤናችንን ለመጠበቅም ትልቅ አስተዋፆ አለው፡፡ከዚህም ውስጥ የሰውነት ሆርሞኖች የማመንጨት፣ ማዋሃድና ማሰራጨት ሂደት ላይ ያለው አስተዋጾ ይጠቀሳል፡፡ የወር አበባ ዑደት ደግሞ የተለያዩ የሆርሞን ለውጦች ዉጤት እንደመሆኑ በሆድ እቃና በሆድ እቃ ጠቃሚ ረቂቅ ተህዋሲያኖች ጤና መዛባት ምክንያት የሚከሰት የሆርሞኖች መዛባት ጤናማ የወር አበባ ዑደትን ሊያዛባው ይችላል።
👉 ስር በሰደዱ ህመሞች፣ ማለትም፤ ለረጅም ጊዜ የቆዩና ቀጣይነት ያለው የህክምና ክትትል በሚፈልጉ ህመሞች ውስጥ የሚያልፉ ሴቶች የወር አበባ ዑደት እንደህመሙ ደረጃና እንደ ሰው የሰውነት ሁኔታ ይለያያል፡፡ ለዚህም እንደምክንያት ከሚጠቀሱት ውስጥ፤ ስር በሰደዱት ህመሞች ንቁ ደረጃ ላይ የሚከሰተው የሰውነት መቆጣት ፤የሰውነታችን መደበኛ የሆርሞን ስራ እንዲዛባ ምክንያት ስለሚሆን የወር አበባ ዑደትም በዚሁ ምክንያት ሊዛባ ይችላል፡፡ በተጨማሪም ቀደም ሲል የተደረጉ ቀዶ ህክምናዎች፣ የመድሃኒቶች የጎንዮሽ ጉዳቶችና ሲጋራን ማጨስም እንደምክንያት ይጠቀሳሉ፡፡

ተጨማሪ ለማንበብ ማስፈንጠሪያውን ይጫኑ።
https://telegra.ph/Gut-Health-Reproductive-Health-09-28-2

@tikvahethmagazine @ibdeth

#ጤናረቡዕ

ጤናማ የሆድ እቃ፣ ጤናማ ስነ-ተዋልዶ-4

☑️ እርግዝናና ስር የሰደዱ ህመሞች

🔘 በእርግዝና ወቅት ሰውነት በተፈጥሮ አዲስ ለተፀነሰው ፅንስ ልዩ ጥበቃ ያደርጋል፡፡ ስር በሰደዱ ህመሞች ውስጥ ለሚያልፉ እናቶች ደግሞ ጤናማ በሆነ የቅድመና ድህረ እንዲሁም የእርግዝና ወቅት ውስጥ ለማለፍ ሰውነታችን ልዩ ክብካቤና ድጋፍ ሊያስፈልገው ይችላል።

🔘 ስር የሰደዱ ህመሞች ባህሪ በእጅጉ የተለያየና ሰፊ ቢሆንም በአጠቃላይ ግን በተለይም በህመሞቹ ንቁ ደረጃ ላይ የሚፈጠር እርግዝና የሰውነት መቆጣትና የመደበኛ ሆርሞን መዛባት ችግሮችን በማባባስ የማህፀን የፅንስ መሸከም ሂደትን ሊያደናቅፈው ይችላል፡፡ ከዚያ በተጨማሪ እርግዝናው በራሱ ለሰውነት፣ በተለይም በመጀመሪያዎቹና በመጨረሻዎቹ ሳምንታት፣የሰውነትመቆጣት(inflammatory state) አይነት ምላሽን ይሰጣል፡፡ ይህ ደግሞ ቀደም ሲል ስር በሰደዱ ህመሞች ምክንያት የተፈጠረን የሰውነት መቆጣት ሊያባብሰው ይችላል፡፡

🔘 ሆኖም እነዚህ ችግሮች እንዳይከሰቱ መከታተልና መቆጣጠር ብሎም ጤናማ በሆነ የእርግዝና ሂደት ጤናማ ልጅን መውለድ ይቻላል፡፡ በተለይም እርግዝናን በማቀድ በቅድመ እርግዝና ወቅት ከሃኪም ጋር በመመካከር ሰውነት ተገቢውን ዝግጅት ለሚመጣው ፅንስ እንዲያደርግ ማገዝ ይቻላል፡፡

☑️ የእርግዝና መከላከያዎችና ስር የሰደዱ ህመሞች 

🔘የእርግዝና መካላከያ ዘዴዎች ያልተፈለገን እርግዝና ለመከላከል የሚውሉ ናቸው፡፡በሁለቱም ፆታዎች ስር በሰደዱ ህመሞች ለተጠቁ ታካሚዎች በደም ዝውውራቸው ጤናማነት ሁናቴ፣ ከችግሮቹ ጋር የተያያዘ ከተፈጥሮ ውጪ የሆነ የደም መርጋት፣ የህመሞቹ በንቁ የህመም ደረጃ መሆንና ባለመሆን፣የእርግዝና መከላከያዎቹ የህመሞቹ መጠን ላይ ያላቸው ተጽዕኖና ስር ለሰደዱ ህመሞቹ ከሚወሰዱ መድሃኒቶች ጋር ያላቸው መስተጋብርና ተፅዕኖ ምን አይነት የእርግዝና መከላከያ አማራጮችን መውሰድ እንዳለባቸው የሚወስኑ ነገሮች ናቸው፡፡

☑️ ጡት ማጥባት፣ ስር የሰደዱ ህመሞችና ጤናማ የሆድ እቃ

🔘የእናት ጡት ማጥባት ለአንድ ህፃን ሁለንተናዊ የጤና ጥቅሞች አሉት።የእናት የጡት ወተትን በተገቢው መንገድ ያገኙ ህፃናት የሆድ እቃ ጤናም በእጅጉ የተሻሻለ ነው፡፡ ይህ የሚሆንበት ምክንያት የእናት ወተት ለጤናማ የሆድ እቃ መሰረታዊ የሆኑትን የሆድ እቃ ጠቃሚ ረቂቅ ተህዋሲያን እድገትና ተግባርን ስለሚያግዝ ነው፡፡

🔘ከዚህ በተጨማሪም ለእናቲቱም በርካታ ጥቅሞች አሉት።ስር በሰደዱ ህመሞች ውስጥ ላሉ እናቶች የጡት ማጥባት ጥቅሞች እንዳሉ ሆነው ለአንዳንድ ስር ለሰደዱ ህመሞች በሚወሰዱ መድሃኒቶች ምክንያት የጡት ወተቱ ለህፃኑ ጤና እክልን በሚያመጣበት ጊዜ ሌሎች አማራጮችን መጠቀም ይመከራል፡፡በመሆኑም ከጡት ማጥባት እጅግ የጎላ ጠቀሜታ አንፃር ከሃኪም ጋር በመመካከር ተገቢውን ውሳኔ መወሰን አስፈላጊ ነው፡፡ 

የበለጠ ለማንበብ ማስፈንጠሪያውን ይጫኑ።
https://telegra.ph/Gut-Health-Reproductive-Health-10-05

@tikvahethmagazine @ibdeth

#ጤናረቡዕ

ጤናማ የሆድ እቃ፣ ጤናማ ስነ-ተዋልዶ-5

☑️የተለያዩ ስር የሰደዱ ህመሞች መድሃኒቶችና የስነ-ተዋልዶ ጤና

👉 ስር የሰደዱ ህመሞች አይነት እጅግ በርካታ እንደመሆኑ ለህመሞቹ የሚታዘዙ መድሃኒቶችም አይነት፣ ተግባር፣ የደም ውስጥ ስርጭትና የጎንዮሽ ጉዳትም በዛው ልክ እጅግ ሰፊና የተለያየ ነው፡፡ 
በዚህ ርዕስ ስር፤ ስር ለሰደዱ ህመሞች ከሚታዘዙ መድሃኒቶችና የስነ ተዋልዶ ጤና ተጽዕኖዎቻቸው ውስጥ የከፍተኛ የደም ግፊት፣ የልብና ከደም ጋር ለተያያዙ ችግሮች የሚታዘዙ፣የስኳር ህመም መድሃኒቶች፣ የሰውነት የተፈጥሮ በሽታን የመከላከል ስርዓት መዛባት/ ስህተት ችግር መድሃኒቶች-( autoimmune disease)፣የካንሰር መድሃኒቶች ተጠቅሰዋል።

👉ከነዚህ ህመሞችና መድሃኒቶቻቸው ውስጥ የተወሰኑት የስነ ተዋልዶ፣ በተለይም የመራቢያ አካላት ላይና የተራክቦ ፍላጎትና ጤናማነት ላይ የተወሰነ ተጽዕኖ እንዳላቸው ቢገለፅም መድሃኒቶቹ የሚታዘዙት ለህመሞቹ መፍትሄን ለማግኘት እጅግ ወሳኝ በመሆናቸው በመሆኑ እነዚህን  መድሃኒቶችም ያለ ሃኪም ትዕዛዝ ማቋረጥ የማይቻል ሲሆን ሌሎች አማራጭ ዘዴዎችን በመጠቀም የጎንዮሽ ጉዳታቸውን ለመቀነስ እንዲሁም በተራክቦ ሂደትም ከፆታ አጋሮች ጋር በመሆን መወያየትና መደጋገፍ እጅግ ወሳኝ ነው፡፡

☑️የስነ-ተዋልዶ ጤናዬን እንዴት ማሻሻል እችላለሁ?

👉የስነ-ተዋልዶ ጤና ከአጠቃላይ የሰውነት ጤና መገለጫ አንዱ እንደመሆኑና  ትውልድ በማስቀጠል ሚና ውስጥ ትኩረት የሚሻ ስለሆነ፣ በተለይም የአኗኗር ዘይቤን በማስተካከል፣የሰውነት ክብደትን መቆጣጠር፣የስነ-ተዋልዶን ጤናን ለማረጋገጥ በየጊዜው ምርመራን ማድረግ፣አስፈላጊ የሆኑ የእርግዝናና የአባላዘር ህመም መከላከያዎችን በአግባቡ መጠቀምና ከፆታና ከትዳር አጋር ጋር በግልፅ በመመካከርና በመተጋገዝ የዚህን የስነ-ተዋልዶ ጤና ማሻሻልና ማስተካከል ይቻላል፡፡

የበለጠ ለማንበብ ማስፈንጠሪያውን ይጫኑ።

https://telegra.ph/Gut-Health-Reproductive-Health-10-12

በቀጣይ ሳምንት እስካሁን ስንወያይበት በቆየነው ጤናማ የሆድ እቃ፣ጤናማ ስነ-ተዋልዶ ርዕስ ዙሪያ ባለሙያ ጋብዘን፣ ከእናንተ የሚደርሱንን ጥያቄዎች አካተን በቀጥታ ስርጭት ሰፊ ማብራሪያን ይዘን እንቀርባለን፡፡
ጥያቄዎቻችሁን በ @IBDETHIOPIA ያድርሱን።

@tikvahethmagazine    @ibdeth