#Ijodiy_tanlov_ğolibi
#1_õrin🥇

QOMUSIM

Kunduz – quyosh, tunlari,
Nur sochar oy fonusim.
Sening bilan charagʻon
Hayotim, Bosh Qomusim.

Yuragimda orzular,
Ushaladi sen sabab.
Sen oʻzingsan muallim,
Sening oʻzing zoʻr maktab.

Huquq nima, burch nima?
Bilib oldim oʻzingdan.
Inson qadr-qimmatin,
Angladim har soʻzingdan.

Shu vatan deb yashayman,
Dilda – orim, nomusim.
Yoʻllarimda mayogʻim,
Qomusim, jon Qomusim.

✍ Nurmamatova Mashhura
Halima Xudoyberdiyeva nomidagi ijod maktabining 7-"B" sinf oʻquvchisi

👇Biz ijtimoiy tarmoqlarda:
Telegram I Facebook I Veb-sayt I Instagram I YouTube

#Ijodiy_tanlov_ğolibi
#2_õrin🥈

KONSTITUTSIYA – FAXRIMIZ

Doim yodda madhiyam,
Qo'limdadur bayrog'im.
O'qiladi jaranglab,
Yoʻl koʻrsatar mayogʻim.

Qomusimiz – baxtimiz,
Unda baxtni koʻramiz.
Bilim olib shu yurtda,
Kelajakni quramiz.

Uni olsam qoʻlimga,
Yarqiraydi tovlanib.
Qomusimdan dilimga,
Sado kelar jonlanib.

Konstitutsiya faxrdir,
Qiling unga eʼtibor.
Boʻlar necha asrki,
Buyuk yurtga poydevor.

✍ Farangiz Abduvohidova
Halima Xudoyberdiyeva nomidagi ijod maktabining 7-"A" sinf oʻquvchisi

👇Biz ijtimoiy tarmoqlarda:
Telegram I Facebook I Veb-sayt I Instagram I YouTube

#Ijodiy_tanlov_ğolibi

Ijod maktabining 7-sinflari oʻrtasida "Eng yaxshi sheʼr" nominatsiyasi boʻyicha 1-oʻrin🥇

"MADHIYAM – FAXRIM"

Oʻzbekning gʻururi, iftixorisan,
Serquyosh oʻlkaning porloq quyoshi.
Bolajon xalqining nomus, orisan,
Seni madh etadi katta-yu yoshi.

Seni kuylar ekan, bu oʻzbek xalqi,
Yurakda yonadi, tugʻ va hayajon.
Baralla kuylash-chun oyoqqa qalqi,
Seni madh eturlar yurtim jonajon.

Oʻzbek iftixori sensan – Madhiyam,
Oltin harflar bilan yozdi Abdulla.
Oʻzbekning shuuri sensan Madhiyam,
Mutal Burxon soldi senga kuy, alla.

Qoʻlim koʻksimdadir, gʻururim baland,
Gʻozday grdayaman aytsam, Madhiyam.
Sen mening qoʻshigʻim, allaga monand,
Oʻzbek iftixori, oʻzing – Madhiyam.

✍ Lola Asqaraliyeva
7-"A" sinf oʻquvchisi

👇Biz ijtimoiy tarmoqlarda:
Telegram I Facebook I Veb-sayt I Instagram I YouTube