#Qonunchilikdagi_yangiliklar

❗️Bola tugʻilganidan boshlab maktabga onlayn hisobga qoʻyiladi

🔰 Farmonga koʻra, 2023-yil 1-sentabrdan:

▫️maktab direktoriga oʻz oʻrinbosarlarini ishga qabul qilish va ishdan boʻshatish, ajratilgan umumiy soatlar doirasida oʻquv rejalariga 15 foizgacha oʻzgartirish kiritish masalalarini mustaqil hal qilish huquqi beriladi;

▫️tuman (shahar) maktabgacha va maktab ta’limi boʻlimlarining maktab faoliyatini tekshirish va ta’lim sifatini baholash boʻyicha vakolatlari bekor qilinadi;

▫️hududlarda eng tajribali maktab direktorlaridan iborat Direktorlar kengashlari tuziladi;

▫️maktab direktorlari Direktorlar kengashi tavsiyasiga asosan hududiy boshqarmalar tomonidan ochiq tanlov asosida lavozimga tayinlanadi.

📋 2024-yil 1-yanvardan maktab direktorlarini har 5 yilda bir marotaba kasbiy sertifikatsiyalash tizimi joriy etiladi.

❕Bunda, sertifikatsiyadan oʻta olmagan direktorlar belgilangan tartibda lavozimidan ozod etiladi.

🔘 Farmonga muvofiq, quyidagilar bekor qilinadi:

🔸ma’naviy-ma’rifiy ishlar boʻyicha direktor oʻrinbosarlarini lavozimga tayinlashda tuman (shahar) ma’naviyat va ma’rifat markazi tomonidan tavsiya berish amaliyoti;

🔸jismoniy tarbiya fani oʻqituvchilarini ishga qabul qilishda sport sohasidagi vakolatli davlat organining hududiy boʻlimlari hamda sport maktablari metodistlari tomonidan yoʻllanma berish tartibi.

✅ 2024-yil 1-yanvardan:

▫️bola tugʻilganidan soʻng, doimiy yashash manzilidagi mikrohududga biriktirilgan maktabda onlayn hisobga qoʻyiladi;

▫️maktablarning har oʻquv yili uchun qabul rejasi my.maktab.uz elektron platformasida shakllantiriladi.

➡️ Shuningdek, 2023/2024-oʻquv yilidan “Sirdaryo tajribasi” asosida har bitta hududda bittadan zamonaviy “Barkamol avlod” bolalar maktablari tashkil qilinadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Shahvoniy shilqimlik qilish, ya’ni shaxsga nisbatan uning uchun nomaqbul bo‘lgan hamda uning sha’ni va qadr-qimmatini tahqirlaydigan, shaxsning tashqi qiyofasini yoki qaddi-qomatini tavsiflashda, imo-ishora qilishda, teginishda, chaqirishda ifodalangan, shahvoniy xususiyatga ega bo‘lgan harakatlarni bir marta qo‘pol ravishda yoki bir necha marta sodir etish:

➖ BHMning 2 baravaridan 5 baravarigacha (660 ming so‘mdan 1 mln 650 ming so‘mgacha) miqdorda jarima solishga yoki 5 sutkagacha muddatga ma’muriy qamoqqa olishga sabab bo‘ladi.

❗️Xuddi shunday huquqbuzarliklar ma’muriy jazo chorasi qo‘llanilganidan keyin 1 yil davomida takror sodir etilsa:

➖ BHMning 5 baravaridan 7 baravarigacha (1 mln 650 ming so‘mdan 2 mln 310 ming so‘mgacha) miqdorda jarima solishga yoki 15 sutkagacha muddatga ma’muriy qamoqqa olishga sabab bo‘ladi.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Konstitutsiyamizning 1-moddasida: O‘zbekiston — boshqaruvning respublika shakliga ega bo‘lgan suveren, demokratik, huquqiy, ijtimoiy va dunyoviy davlat.

Davlatning “O‘zbekiston Respublikasi” va “O‘zbekiston” degan nomlari bir ma’noni anglatadi, deb ta’kidlangan.

❕Keling, ushbu moddadani mazmunan ko‘rib chiqamiz.

Suveren davlat nima? Suveren davlat O‘zbekiston mustaqilligining umumiy va ajralmas belgisi bo‘lib, ichki va tashqi siyosatda to‘liq mustaqil ekanligini anglatadi.

Demokratik davlat esa insonparvarlik qonunlariga asoslangan, millati, tili, dini, e’tiqodi, ijtimoiy holati va siyosiy qarashlaridan qat’iy nazar, inson huquq va erkinliklarini ta’minlab beradigan davlat.

Huquqiy davlat – davlat o‘z faoliyatini, jamiyat va fuqarolarning yashash tarzini faqat Konstitutsiya va qonunlar asosidagina amalga oshirilishini ta’minlaydi. Natijada, davlat organlari va mansabdor shaxslar qonun ustuvorligi asosida xalq manfaatlari uchun ishlaydi, unga xizmat qiladi.

Ijtimoiy davlat har bir inson uchun farovon turmush darajasi, xususan sifatli ta’lim, kafolatli tibbiy xizmat, munosib mehnat sharoiti va adolatli ish haqi, pensiya va nafaqalar, ijtimoiy yordam va xizmatlar tizimi yaratilgan, uy-joyli bo‘lish sharoiti mavjud bo‘lgan, ijtimoiy tafovutlar yumshatilgan, muvozanatlashgan, hech bir fuqaro o‘z muammolari bilan yolg‘iz qolmaydigan adolatli davlatdir.

Dunyoviy davlat – diniy tashkilotlar va birlashmalar davlatdan hamda davlat hokimiyati dindan ajratilgan, davlat boshqaruvi diniy qoidalar bilan emas, balki Konstitutsiya va qonun hujjatlari bilan tartibga solinadigan, qarorlar qabul qilishda diniy asoslarga tayanilmaydigan davlat hisoblanadi.

O‘zbekistonni dunyoviy davlat sifatida belgilash – dunyoviy taraqqiyot, turli din va mazhablar o‘rtasida bag‘rikenglik va totuvlikni mustahkamlashga, diniy birlashmalarning mustaqil faoliyat yuritishiga, din va e’tiqod erkinligini ta’minlashga xizmat qiladi.

Konstitutsiyamizning boshqa barcha normalarida yuqoridagi sanab o‘tganimiz — barcha prinsiplarni ro‘yobga chiqarishga qaratilgan mexanizmlar va kafolatlar mustahkamlangan.

Video: https://youtu.be/yTwQ5m3QVdY

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Haydovchiga aholi punktlarida transport vositalarining magnitofon va ovoz chiqaruvchi boshqa apparaturalarni hamda dvigatel shovqinini belgilangan me'yordan baland ovozda qilib foydalanish taqiqlanadi.

Kanalga ulanish👇👇👇
https://t.iss.one/huquqiyaxborot_lotin

#Adliya_tabrigi

Adliya vazirligi bolajonlarni 1-iyun – Xalqaro bolalarni himoya qilish kuni bilan tabriklaydi!

Farzandingizga beradigan eng yaxshi hadyangiz – vaqtingizdir!

Kanalga ulanish👇👇👇
https://t.iss.one/huquqiyaxborot_lotin

#2023_yil_1_iyundan

🔹Ayrim tartib va cheklovlar bekor qilinadi. ➖ BATAFSIL

🔹Qishloq xo‘jaligi sohasidagi subsidiyalar yagona elektron tizim orqali beriladi. ➖ BATAFSIL

🔹Halok bo‘lgan harbiy xizmatchilar farzandlari bog‘cha pulidan ozod qilinadi. ➖ BATAFSIL

🔹“Inson huquqlari va erkinliklari sohasidagi ta’lim va innovatsiyalar” milliy tanlovi o‘tkazib boriladi. ➖ BATAFSIL

🔹“To‘maris izdoshlari” jamoaviy guruhlari faoliyati yo‘lga qo‘yiladi. ➖ BATAFSIL

🔹Tug‘ilganlikni tibbiyot muassasalarining o‘zida qayd etish tartibi butun respublikada joriy etiladi. ➖ BATAFSIL

🔹Respublika hududlarida mavjud faol tektonik yer yoriqlarining ko‘rsatkichlarini o‘rganish ishlari tashkil etiladi. ➖ BATAFSIL

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Konstitutsiyamizning 2-moddasida “Davlat xalq irodasini ifoda etib, uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida mas’uldirlar", deb belgilangan.

Davlat va fuqaro munosabatini tashkil etishda mazkur modda eng asosiy prinsip hisoblanadi.

Konstitutsiyaning barcha normalari mazkur qoidaga mos bo‘lib, uni ro‘yobga chiqarishga qaratilgan.

Masalan, davlat tomonidan uzluksiz ta’lim, sog‘liqni saqlash, ishsizlikdan himoyalanish, uy-joyga ega bo‘lishning kafolatlanishi shular jumlasidandir.

Davlatning xalq irodasini ifoda etishi, uning manfaatlariga xizmat qilishi, keyingi jumlada yanada aniqlashtirilib davlat organlari va mansabdor shaxslarning jamiyat va fuqarolar oldida mas’ul ekanligi belgilanmoqda.

Bu norma har bir davlat organi, parlament, sud, ijro hokimiyati va ulardagi mansabdorlar o‘zlariga yuklatilgan vazifalarni bajarishda fuqarolarimiz oldida mas’ulligini anglatadi.

Bugungi kunda amalda ishlayotgan “Fuqarolar emas, hujjatlar harakatlanadi” tamoyilini ham Konstitutsiyaning aynan shu qoidalari ijrosi sifatida keltirishimiz mumkin.

Video: https://youtu.be/nroKdH3M_8w

Kanalga ulanish👇👇👇
https://t.iss.one/huquqiyaxborot_lotin

#Huquqiy_axborot_minbari

Mehnat huquqlari bo‘yicha audiopodkast o‘tkaziladi

⚖️ Xabaringiz bor, Adliya vazirligi tomonidan “Mehnat huquqlarimizni o‘rganamiz“ huquqiy aksiyasi o‘tkazilmoqda.

🎧 Aksiya doirasida Mehnat kodeksi bo‘yicha avvalgi va yangi tartiblarni qiyosiy tushuntirish hamda bu orqali fuqarolarning huquqiy bilimlarini yanada oshirish maqsadida audiopodkast tashkil etiladi.

⏰ Ovozli chat 2-iyun kuni soat 17:00 da Huquqiy axborot telegram kanalida boshlanadi.

🎙Suhbat spikerlari: Adliya vazirligi hamda Toshkent davlat yuridik universiteti mas’ul xodimlari.

📥 Savollaringizni @mehnatpodkast_bot telegram boti orqali oldindan yoki to‘g‘ridan-to‘g‘ri onlayn muloqot vaqtida berishingiz mumkin.

Mazmunan bir-biriga yaqin savollarga umumlashtirilgan holda javob beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

☑️ Tadbirkorlik faoliyatini qo'llab-quvvatlash davlat jamg'armasi tomonidan eksport qiluvchilarga banklar kreditlari, shu jumladan eksport oldi kreditlari bo'yicha kredit summasining 50 foizigacha, biroq 4 milliard so'mdan oshmagan miqdorda kafillik berilishi belgilangan.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❕Advokatlik guvohnomasini berish tartibi belgilandi

Hukumat qarori (226-son, 01.06.2023-y.) bilan Advokatlik guvohnomasini berish tartibi toʻgʻrisida nizom tasdiqlandi

✅ Nizomga muvofiq, advokatlik guvohnomasi advokatlik tuzilmasi roʻyxatdan oʻtkazilgan joy boʻyicha hududiy adliya organlari tomonidan 10 yilga beriladi.

➡️ Talabgor advokatlik tuzilmasiga qabul qilingandan soʻng advokatlik guvohnomasini olish uchun arizani “Yuridik yordam” axborot tizimi orqali elektron shaklda adliya organiga yuboradi.

❗️Advokatlik guvohnomasini berish uchun toʻlov undirilmaydi.

📋 Ariza yuborilgandan soʻng 2 ish kunida advokatlik guvohnomasi beriladi.

📲 Advokatlik guvohnomasi tayyor boʻlishi bilan talabgorga axborot tizimi orqali real vaqt rejimida xabarnoma yuboriladi.

📌 Talabgorga advokatlik guvohnomasini berish quyidagi hollarda rad etiladi:

▫️talabgor advokatlik tuzilmasini tashkil etmagan yoki mavjud advokatlik tuzilmalaridan biriga qabul qilinmagan boʻlsa;
▫️talabgor advokat qasamyodini qabul qilmagan boʻlsa.

🔘 Advokatlik guvohnomasi undagi maxsus QR-kodni skanerlash imkoni boʻlmaydigan darajada yaroqsiz holga kelganda haqiqiy emas deb hisoblanadi.

☑️ Advokatlik guvohnomasi undagi maxsus QR-kod (matrik shtrixli kod) tasvirini yaroqsiz holatga kelishining oldini olish imkoni beradigan texnologiyada tayyorlanishi ta’minlanadi.

📝 Advokatlik guvohnomasi quyidagi hollarda qayta rasmiylashtiriladi:

▫️advokatning familiyasi, ismi yoki otasining ismi oʻzgarganda, uning litsenziyasi qayta rasmiylashtirilgandan soʻng;
▫️advokat boshqa adliya organi joylashgan hududda roʻyxatdan oʻtgan advokatlik tuzilmasiga kirganda;
▫️advokatlik guvohnomasining amal qilish muddati tugaganda;
▫️advokatlik guvohnomasi yoʻqotilgan yoxud yaroqsiz holga kelganda.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Konstitutsiyamizning 3-moddasida “Oʻzbekiston Respublikasi oʻzining milliy-davlat va ma’muriy-hududiy tuzilishini, davlat hokimiyati organlarining tizimini belgilaydi, ichki va tashqi siyosatini amalga oshiradi.

Oʻzbekistonning davlat chegarasi va hududi daxlsiz va boʻlinmasdir”, deb belgilangan.

Davlat mustaqilligi unga oʻzining milliy davlat tuzilishini, ma’muriy hududiy tuzilishini, davlat hokimiyati va boshqaruv organlari tizimini mustaqil, xalq xohish-irodasidan kelib chiqib hal etish imkoniyatini beradi.

Konstitutsiyamizda belgilangan ushbu norma asosida Oʻzbekiston ham oʻzining ma’muriy-tuzilishini mustaqil belgilagan.

Konstitutsiyamizning 83-moddasida Oʻzbekiston viloyatlar, tumanlar, shaharlar, shaharchalar, qishloqlar, ovullar, shuningdek Qoraqalpogʻiston Respublikasidan iborat ekanligi mustahkamlab qoʻyilgan.

Shuningdek, ma’muriy hududiy birliklarni tartibga solish boʻyicha alohida qonun mavjud boʻlib, unga koʻra Oʻzbekistonning ma’muriy hududiy tuzilishi Respublika hududining yaxlitligi va boʻlinmasligiga asoslanadi.

Konstitutsiyamizning 11-moddasida esa Oʻzbekiston davlat hokimiyatining tizimi – hokimiyatning qonun chiqaruvchi, ijro etuvchi va sud hokimiyatiga boʻlinishi prinsipiga asoslanishi mustahkamlangan.

Video: https://youtu.be/oOpPJEG3-wM

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️“Jamoatchilik ekologiya nazoratchisi” tizimi joriy qilinadi

“Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari to‘g‘risida”gi Prezident farmoni (PF–81-son, 31.05.2023-y.) qabul qilindi

🏢 Farmon bilan Tabiat resurslari vazirligi Ekologiya, atrof-muhitni muhofaza qilish va iqlim o‘zgarishi vazirligi deb qayta nomlandi.

✅ 2023-yil 1-iyuldan “Jamoatchilik ekologiya nazoratchisi” tizimi joriy qilinadi.

❕Ekologiya, atrof-muhitni muhofaza qilish va o‘rmon xo‘jaligi sohasidagi qonunchilikka rioya etilishi va uning ijrosi ustidan nazoratga mas’ul bo‘lgan Bosh prokuror o‘rinbosari lavozimi kiritildi.

➡️ Vazirlikda alohida yuridik shaxs maqomiga ega bo‘lmagan Davlat ekologik nazorat inspeksiyasi tashkil etildi.

☑️ Farmonga ko‘ra, 2023-yil 1-dekabrgacha tumanlarda (shaharlarda) atmosfera havosi ifloslanishi fon monitoringini amalga oshirish uchun avtomatlashgan kichik stansiyalar o‘rnatiladi.

🗓 2025-yil yakunigacha respublika hududi bo‘yicha atmosfera havosining tabiiy ifloslanishi yuqori bo‘lgan hududlarni prognozlash va aholini barvaqt ogohlantirish tizimi sinov tariqasida joriy etiladi.

📊 2024-yil yakunigacha hududlarni ekologik baholash bo‘yicha indikatorlar asosida “eco-indicator.uz” reytingi shakllantiriladi va har bir hududning ekologik pasporti e’lon qilinadi.

📁 Farmonga muvofiq, Milliy tabiiy meros obyektlari ro‘yxati joriy etiladi.

💰2024-yildan, jumladan, quyidagilar uchun har yili 500 milliard so‘m ajratiladi:

▫️“yashil belbog‘”, “yashil bog‘” va “yashil jamoat park”lar hamda “yashil qoplamalar” – himoya o‘rmonzorlarini barpo etish va doimiy foydalanuvchiga topshirilgunga qadar saqlab turish;
▫️asosiy temir yo‘l va magistral avtoyo‘llar bo‘yida daraxt ko‘chatlarini ekish;
▫️har bir tuman va shaharda 5 gektardan kam bo‘lmagan maydonlarda bog‘lar barpo etish.

🌳 2023-yil yakunigacha har bir davlat tashkiloti va hokimlikning o‘z bog‘lari tashkil etiladi hamda 3 yil davomida parvarishlanadi.

⚠️ 2024-yil 1-yanvardan uy sharoitida yoki kasanachilik asosida daraxt va buta ko‘chatlarini (nihol) yetishtirish faoliyati o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) hisoblanadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

“Chiqindilarni ommaviy yig‘ish” umummilliy harakati tashkil etiladi

✅ Farmonga ko‘ra, 2024-yil 1-yanvardan davlat o‘rmon fondi uchastkalari faqat “E-auksion” platformasi orqali ijaraga beriladi.

🚫 2023-yil 1-iyuldan chiqindi poligonlarini xususiylashtirish taqiqlanadi.

🔰 2023-yil 1-dekabrdan quyidagi yerlarda elektromobillarni tez quvvatlantirish stansiyalari barpo etiladi:

▫️Nukus shahri, viloyatlar markazlari va viloyat bo‘ysunuvida bo‘lgan shaharlar hududlaridagi avtomobillarga yoqilg‘i quyish shoxobchalari, sig‘imi 100 avtomobildan ortiq bo‘lgan avtoturargohlar hamda bozorlar hududida;

▫️“O‘zbekiston turizm magistrali” turizm transport koridori avtomagistral yo‘llarida joylashgan avtomobillarga yoqilg‘i quyish shoxobchalari, savdo va ko‘ngilochar markazlari hududida.

💰“O‘zbekiston turizm magistrali” turizm transport koridorining cho‘l va sahro qismida quyosh elektr stansiyalarini qurgan holda birinchi 50 ta elektromobillarni tez quvvatlantirish stansiyalarini barpo etish uchun har bir loyihaga 100 mln so‘m subsidiya sifatida ajratiladi.

🗓 2023-yil 1-iyuldan “Chiqindilarni ommaviy yig‘ish” (O‘zPlogging) umummilliy harakati tashkil etiladi.

🔘 Shuningdek, farmonga ko‘ra:

🔹“Tabiatga mehr” innovatsion va intellektual loyihalar tanlovi o‘tkaziladi;
🔹“Tabiat madhiyasi” (musiqa va matni) uchun tanlov e’lon qilinadi;
🔹“Yosh ekologlar” harakati ko‘krak nishoni ta’sis etiladi;
🔹maktablarning Milliy o‘quv dasturiga “ekosoat” darslari kiritiladi.

☑️ 2024-yil 1-yanvardan Nukus shahrida:

🔸ichimlik suvidan foydalanish bo‘yicha ko‘p qavatli uylar o‘rtasida “Tejamkor uy” va “Tejamkor xonadon” reyting tizimi ishga tushiriladi;
🔸yil yakuniga ko‘ra, eng kam suv ishlatgan 20 ta xonadon hamda xonadonlarining 50 foizidan ortig‘i belgilangan me’yorlardan kam suv ishlatgan 20 ta ko‘p qavatli uylar rag‘batlantiriladi;
🔸g‘olib xonadon va uylarga quyosh panellari yoki uy atrofini yoritish moslamalari bepul o‘rnatib beriladi.

Mazkur tajriba 2025-yildan Toshkent shahri va barcha viloyat markazlarida ham joriy qilinadi.

🏢 Farmonga ko‘ra, Markaziy Osiyo atrof-muhit va iqlim o‘zgarishini o‘rganish universiteti (Green University) tashkil etildi.

🌐 2023-yil 1-iyulgacha Respublikada tashkil etiladigan ekologik aksiyalar maxsus platformasi ishga tushiriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️Tuhmat qilganlik uchun qanday javobgarlik bor?

☑️ Tuhmat, ya'ni bila turib yolg'on, boshqa bir shaxsni sharmanda qiluvchi uydirmalarni tarqatganlik uchun qonunchilikda ma'muriy va jinoiy javobgarlik nazarda tutilgan.

❕Xususan, Ma'muriy javobgarlik to'g'risidagi kodeksda tuhmat qilgan shaxsga nisbatan 6 mln 600 ming so'mdan 19 mln 800 ming so'mgacha miqdorda jarima solinishi belgilangan.

⏩ Agar ushbu huquqbuzarlik ma'muriy jazo qo'llanilganidan keyin sodir etilsa, 66 mln so'mgacha miqdorda jarima yoki 300 soatgacha majburiy jamoat ishlari yoxud 2 yilgacha axloq tuzatish ishlari bilan jazolanadi.

🔰Tuhmat nashr qilish yoki boshqacha usulda ko'paytirilgan tarzda, shu jumladan OAVda, telekommunikasiya tarmoqlarida yoki Internetda joylashtirish orqali amalga oshirilsa, ushbu harakat jinoyat hisoblanadi va aybdor:

▫️66 mln so'mdan 132 mln so'mgacha miqdorda jarima;
▫️300 soatdan 360 soatgacha majburiy jamoat ishlari;
▫️2 yildan 3 yilgacha axloq tuzatish ishlari;
▫️1 yilgacha ozodlikni cheklash bilan jazolanishi mumkin.

✅ Agarda tuhmat:

➖ og'ir yoki o'ta og'ir jinoyat sodir etishda ayblab;
➖ og'ir oqibatlar kelib chiqishiga sabab bo'lgan holda;
➖ xavfli residivist tomonidan;
➖ g'arazgo'ylik yoki boshqa past niyatlarda qilinsa:

▫️99 mln so'mdan 165 mln so'mgacha miqdorda jarima;
▫️360 soatdan 400 soatgacha majburiy jamoat ishlari;
▫️1 yildan 3 yilgacha ozodlikni cheklash jazosi tayinlanishi mumkin.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

Ayrim hududlarga “ekomahalla”, “ekoqishloq” va “ekoovul” maqomi beriladi

“Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora-tadbirlari toʻgʻrisida”gi Prezident qarori (PQ–171-son, 31.05.2023-y.) qabul qilindi

✅ Qaror bilan Ekologiya, atrof-muhitni muhofaza qilish va iqlim oʻzgarishi vazirligi tuzilmasida Situatsion markaz tashkil etildi.

🗓 2023-yil 1-iyulgacha “Toza hudud” davlat unitar korxonalari va obodonlashtirish boshqarmalariga tegishli qattiq maishiy chiqindi poligonlari Vazirlik tasarrufiga oʻtkaziladi.

🔰 2025-yil 1-yanvargacha tibbiyot muassasalari, veterinariya va farmatsevtika sohasi tashkilotlarining chiqindilari boʻyicha quyidagi tartib bosqichma-bosqich joriy etiladi:

🔹chiqindilarni yigʻish va saqlash soha tashkilotlari tomonidan;
🔹ushbu chiqindilarni olib chiqib ketish va utilizatsiya qilish sanitar tozalash korxonalari tomonidan markazlashgan holda amalga oshiriladi.

📝 2023-yil 1-iyuldan qattiq maishiy chiqindilarni toʻplash, olib chiqib ketish boʻyicha aholiga koʻrsatilgan xizmatlar uchun vujudga kelgan qarzdorlikni majburiy tartibda undirish uchun sudga da’vo arizalari sanitar tozalash xizmatlarini koʻrsatuvchi korxonalar tomonidan kiritiladi.

❕2024-yil 1-yanvardan Boʻstonliq va Zomin tumanlaridagi turistik-rekreatsion zonalarda ekologik toza hudud rejimi tatbiq etiladi.

☑️ Vazirlik davlat organlari va tashkilotlarida qogʻozdan foydalanishni keskin kamaytirish, ayrim yoʻnalishlarda faoliyatni toʻliq raqamlashtirish orqali qogʻozdan toʻliq voz kechish boʻyicha nazorat oʻrnatishga mas’ul etib belgilandi.

➡️ 2024-yil 1-martdan ekologik toza hudud rejimi joriy qilingan hududlardagi fuqarolar yigʻinlariga “ekomahalla”, “ekoqishloq” va “ekoovul” maqomi beriladi.

Kanalga ulanish👇👇👇
https://t.iss.one/huquqiyaxborot_lotin

#Ijtimoiy_aksiya

❗️Davlat ijtimoiy ehtiyojmand aholini ish bilan ta’minlashda qo‘shimcha kafolatlar joriy etadi

✅ Har kim ish beruvchiga bevosita murojaat qilish yoki mehnat organlarining bepul ko‘magi orqali, shuningdek xususiy bandlik agentliklarining xizmatlari vositasida ish joyini erkin tanlash huquqiga egadir.

❕Davlat aholining ijtimoiy ehtiyojmand toifalarini ishga joylashtirish bo‘yicha qo‘shimcha kafolatlarni ta’minlaydi.

🔰 Aholining ijtimoiy ehtiyojmand toifalari jumlasiga quyidagilar kiradi:

▫️14 yoshga to‘lmagan bolalari, nogironligi bo‘lgan bolalari bor yolg‘iz ota-ona, ko‘p bolali oilalardagi ota-onalar;
▫️maktablar, kasb-hunar maktablari, kollejlar hamda texnikumlarni tugatgan yoshlar;
▫️“Mehribonlik” uylarining bitiruvchilari, shuningdek OTMning grant asosidagi bitiruvchilari;
▫️Mudofaa, Ichki ishlar, Favqulodda vaziyatlar vazirliklarining, Milliy gvardiya, Davlat xavfsizlik xizmatining qo‘shinlaridagi muddatli harbiy xizmatdan bo‘shatilgan shaxslar;
▫️nogironligi bo‘lgan shaxslar;
▫️pensiyaoldi yoshidagi shaxslar;
▫️jazoni ijro etish muassasalaridan ozod qilingan shaxslar;
▫️odam savdosidan jabrlanganlar.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️“Yagona milliy ijtimoiy himoya” axborot tizimi ishga tushiriladi.

“Aholiga sifatli ijtimoiy xizmat va yordam ko'rsatish hamda uning samarali nazorat tizimini yo'lga qo'yish bo'yicha kompleks chora-tadbirlar to'g'risida”gi Prezident farmoni (PF–82-son, 01.06.2023 y.) qabul qilindi

🔰 Farmonga ko'ra, Ijtimoiy himoya milliy agentligi va hududlarda “Inson” ijtimoiy xizmatlar markazlari tashkil etildi.

▶️ Quyidagilar Agentlik tuzilmasiga o'tkaziladi:

🔹2024 yil 1 yanvardan:

➖Sog'liqni saqlash vazirligi tizimidan bolalar uylari;
➖Maktabgacha va maktab ta'limi vazirligi tizimidan mehribonlik uylari;
➖mahalliy ijro etuvchi hokimiyat organlari tizimidan voyaga yetmaganlar bilan ishlash sektorlari hamda oilaviy bolalar uylari.

🔹 2024 yil 1 avgustdan:

➖Maktabgacha va maktab ta'limi vazirligi tizimidan alohida ta'lim ehtiyojlari bo'lgan bolalar uchun ixtisoslashtirilgan maktablar
va maktab-internatlar, ko'p tarmoqli ixtisoslashtirilgan maktabgacha ta'lim tashkilotlari hamda ixtisoslashtirilgan o'quv-tarbiya muassasalari;

➖Oliy ta'lim, fan va innovasiyalar vazirligi tizimidan imkoniyatlari cheklangan shaxslar uchun ixtisoslashtirilgan kasb-hunar maktablari.

🗓 2023 yil 1 iyuldan “Inson” ijtimoiy xizmatlar markazlarida ijtimoiy xodimlar guruhlari tashkil etiladi.

📌 2023 yil 15 avgustgacha aholini ijtimoiy xizmatlar va ijtimoiy yordam ko'rsatish dasturlari bo'yicha, shu jumladan ularning mobil aloqa vositalariga ma'lumot yuborish orqali xabardor qilish amaliyoti joriy etiladi.

➡️ 2024 yil 1 yanvargacha:

🔸davlat tomonidan kafolatlangan ijtimoiy xizmatlarni ko'rsatish standartlarini hamda ularning ijrosini monitoring qilish mezonlari;

🔸nogironligi bo'lgan shaxslarni uyda parvarishlash bilan band bo'lgan oila a'zolariga ko'maklashish bo'yicha ijtimoiy himoya mexanizmlari ishlab chiqiladi.

▶️ 2023 yil 1 oktabrgacha “Yagona milliy ijtimoiy himoya” axborot tizimi ishga tushiriladi.

🔢 2023 yil 1 oktabrdan:

➖“Ijtimoiy himoya yagona reestri” axborot tizimi Agentlik tasarrufiga o'tkaziladi;

➖aholiga ko'rsatiladigan barcha turdagi ijtimoiy xizmatlar va yordamlar, shu jumladan kam ta'minlangan oilalar bolalari uchun nafaqa va moddiy yordamlar bo'yicha arizalar “Yagona milliy ijtimoiy himoya” axborot tizimi orqali qabul qilinadi.

⏩ 2024 yil 1 yanvardan “Mehr daftari”, “Saxovat va ko'mak”, “Yoshlar daftari” va “Ayollar daftari” orqali ko'rsatiladigan ijtimoiy yordam va ko'maklar qamrab olinadi.

✅ Har haftaning juma kuni “Mehr va saxovat kuni” sifatida belgilanib, barcha davlat organlari va tashkilotlari ehtiyojmand aholi, nogironligi bo'lgan shaxslar hamda yolg'iz keksalar holidan xabar olish, ularga g'amxo'rlik qilish hamda xayriya tadbirlari o'tkaziladi.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Konstitutsiyamizning 4-moddasida “O‘zbekiston Respublikasining davlat tili o‘zbek tilidir. O‘zbekiston Respublikasi o‘z hududida istiqomat qiluvchi millat va elatlarning tillari, urf-odatlari va an’analari hurmat qilinishini ta’minlaydi, ularning rivojlanishi uchun sharoit yaratadi”, deb belgilangan.

Til davlatning asrlar davomida shakllangan milliy qadriyatlari, xalq ma’naviy kamolotining abadiy mahsuli sifatida doim qadrlangan. Har bir davlatning o‘z tiliga ega bo‘lishi xalqni birlashtiruvchi, jisplashtiruvchi qadriyat sifatida ham e’tirof etiladi.

1989-yil 21-oktyabrdagi “O‘zbekiston Respublikasining davlat tili haqida”gi Qonun bilan O‘zbek tiliga davlat tili maqomi berilishi mustaqillik uchun qo‘yilgan dastlabki qadam sifatida qaraladi. Bu ham mustaqil davlat uchun tilning ahamiyati qanchalik zarur ekani dalilir.

O‘zbek tilining davlat tili sifatida belgilanishi, davlat organlarida ish yuritish, qonunchilikning o‘zbek tilida yuritilishini ta’minlaydi, bu qonunda ham mustahkamlangan. Bu esa o‘z navbatida fuqarolarimizga o‘z huquq va erkinliklariga oid barcha hujjatlar bilan erkin, mustaqil, hech qanday muammolarsiz tanishish imkonini beradi.

O‘zbek tiliga davlat tili maqomi berilishi, ko‘p millatli xalqimizning boshqa tillari, ularning urf-odatlari va an’analarining birdek hurmat qilinishi bilan birgalikda olib boriladi.

Buning amaliy ifodasi sifatida, turli tillarda chop etilayotgan kitoblar, gazeta, jurnallar, ommaviy axborot vositalari, mamlakatimizda faoliyat yuritayotgan turli millatlarning milliy-madaniy markazlarini keltirishimiz mumkin.

Video: https://youtu.be/IO_RO5RqZi0

Kanalga ulanish👇👇👇
https://t.iss.one/huquqiyaxborot_lotin

#Ijtimoiy_aksiya

✅ Mehnat qilish erkinligi – har kimning o‘z qobiliyatlaridan foydalanish, ularni taqiqlanmagan har qanday shaklda amalga oshirish, mashg‘ulot turi, kasbni va mutaxassislikni, ish joyini hamda mehnat sharoitlarini erkin tanlash huquqidir.

📁 Mehnat erkinligi mehnat shartnomasi tuzish, undagi talablarni ish beruvchi bilan kelishgan holda belgilash, o‘zgartirish, bekor qilish erkinligida namoyon bo‘ladi.

🚫 Majburiy mehnat taqiqlanadi va ma’muriy yoki jinoiy javobgarlikka sabab bo‘ladi.

Kanalga ulanish👇👇👇
https://t.iss.one/huquqiyaxborot_lotin

#Konstitutsiyani_oʻrganamiz

Hech kimga uning roziligisiz qonunchilikda belgilanmagan majburiyat yuklatilishi mumkin emas.

Inson o‘z huquq va erkinliklarini amalga oshirishda boshqa shaxslarning, jamiyat hamda davlatning huquqlari, erkinliklari va qonuniy manfaatlariga putur yetkazmasligi shart.

Insonning huquq va erkinliklari faqat qonunga muvofiq va faqat konstitutsiyaviy tuzumni, aholining sog‘lig‘ini, ijtimoiy axloqni, boshqa shaxslarning huquq va erkinliklarini himoya qilish, jamoat xavfsizligini hamda jamoat tartibini ta’minlash maqsadida zarur bo‘lgan doirada cheklanishi mumkin.

Yangi tahrirdagi Konstitutsiya, 21-modda.

Kanalga ulanish👇👇👇
https://t.iss.one/huquqiyaxborot_lotin